आमोस 7

टिड्डी हुन को एक दर्सन

1परमेस्वर यहोवा न मो ख यू दर्सन दिखायो, अऊर मी का देखु है कि ओ न पिछलो घास को उगने को सुरू म टिड्डी हुन पैदा करी; अऊर ऊ राजा की कटनी को बाद की पिछली घास हती। 2जब वी घास खा चुँकि, तब मी न कहयो, “हे परमेस्वर यहोवा छमा कर! नी ते याकूब कसो बसो रह सकेगो? उ कित्तो कमजोर है!” 3एको बारे म यहोवा को मन बदलो, अऊर ओ न कहयो, “असी बात अब नी होन की।”

आग को दर्सन

4परमेस्वर यहोवा न मो ख यू दर्सन दिखायो, अऊर का देखु है कि परमेस्वर यहोवा न आगी को दुवारा मुकद्दमा लड़न ख पुकारो, अऊर ऊ आगी से महासागर सूख गयो, अऊर देस भी भस्म होन लग गयो हतो। 5तब मी न कहयो, “अरे परमेस्वर यहोवा, रूक जा! नी ते याकूब कसो बसो रहे? उ कसो कमजोर है।” 6एको बारे म भी यहोवा को मन बदलो; अऊर परमेस्वर यहोवा न कहयो, “असी बात फिर नी होयगी।”

साहुल को दर्सन

7ओ न मो ख यू भी दिखायो; मी न देख्यो कि प्रभु साहुल लगा ख बनाई हुई कोई दिवाल पा खड़ो है, अऊर ओको हात म साहुल है। 8यहोवा न मो से कहयो, “अरे आमोस, तो ख का दिखाई पड़ह है?” मी न कहयो, “एक साहुल।” तब परमेस्वर न कहयो, “देख, मी अपनी सेना इस्राएल को बीच म साहुल लगाऊँगो। अब मी इन ख बीना दण्ड दियो नी छोडूगो। 9इसहाक को ऊँचो जगा वेदी उजाड़ो जाहे, अऊर इस्राएल ख सुध्द जगह सुनसान होय जाएगी, अऊर मी यारोबाम को घराना प तरवाल खींचे हुओ चढ़ाई करूँगो।”

आमोस अर अमस्याह

10तब बेतेल को याजक अमस्याह न इस्राएल को राजा यारोबाम को जोने कहला भेजो, “आमोस न इस्राएल को घराना हुन को बीच म तोसे राजद्रोह की सलाह करी है, ओका पूरा वचन हुन ख देस नी सैय सका। 11काहेकि आमोस यों कहवा है, ‘यारोबाम तरवाल से मारो जाएगो, अऊर इस्राएल ख अपनी जमीन पर से निस्चय गुलामी म जाएगो।’” 12तब अमस्याह न आमोस से कहयो, “हे दर्सी, यहाँ से निकल ख यहूदा देस ख भाग जा, अऊर वही रोटी खायो कर, अऊर वही भविस्यवानी करा कर; 13पर बेतेल म फिर कभी भविस्यवानी मत करनो, काहेकि यू राजा को सुध्द जगह अऊर राज-नगर1 आय।” 14आमोस न उत्तर दे ख अमस्याह से कहयो, “मी न ते भविस्यवक्ता हतो, अर नी भविस्यवक्ता को पोरिया, मी तो चरान वालो हतो, अऊर गूल्लर को झाड़ हुन को छाँटनेवाला हतो,2 15अऊर यहोवा न मो ख भेड़-बकरी हुन को पीछे पीछे फिर से बुला ख कहयो, ‘जा, मोरी सेना इस्राएल से भविस्यवानी कर।’ 16एकोलाने अब तू यहोवा को वचन सुन, तू कहवा है, ‘इस्राएल को विरोध म भविस्यवानी मत कर; अऊर इसहाक को घराना को खिलाप बार बार वचन मत सुना।’ 17यू वजे से यहोवा यों कहवा है: ‘तोरी ओरत नगर म वेस्या हो जाएगो, अऊर तोरो पोरिया-पोरी हुन ख तरवाल से मारिया जाहे, अऊर तोरी जमीन डोरी डाल ख बाँट लियो जाहे; अऊर तू अपनो आप गैरो को देस म मरेगो, अऊर इस्राएल ख अपनी जमीन पर से निस्चय गुलामी म जाएगो।’”