मत्ती

मत्ती के व्दारा लिखा सुसमाचार

मत्ती को दुवारा लिखो सुसमाचार

भूमिका

मत्ती को हिसाब से भलो संदेस नयो नियम की चार किताब हुन म से एक हैं जो यीसु मसी को जीवन को वर्णन करा हैं। ओमन से हर एक ख “भलो समाचार।” बोलो जाय हैं, जेको मतलब हैं भलो “समाचार।” वी यीसु की माऊत को बाद, मत्ती, मरकुस, लूका अर यूहन्ना दुवारा लिखया गयो रहा। मत्ती को हिसाब से भलो-समाचार कब लिखो गयो होये, एकी सही तारीक लिखन वाला हुन ख नी मालूम हैं, लेकिन या लगभग मसी को जनम को करीब 60 साल बाद को बखत हतो रहा एको अलावा, यू किते लिखो गयो रहा, यू मालूम नी हान, लेकिन कई इंसान हुन अनुमान लगावा हैं कि या फिलिस्तीन म अर सायद यरूसलेम सहर म भी लिखो गयो रहा।

लिखन वालो मत्ती हैं, जो यीसु मसी दुवारा अपनो चेला बनन को लाने कहन से पहले एक लगान वसूल करन वालो हतो रहा ओखा लेवी को नाम से भी जानत रहा। मत्ती बारा चेला हुन म से एक हतो रहा अऊर ओ ना यहूदी पढ़न वाला हुन को लाने लिखो रहा ऐखा पुरानो नेम ख सुध्दसास्र को 60 जादा वचन हुन को दुवारा साप-साप तरीका से देखो जा सका हैं। उ यू दिखान कि कोसीस करत रहा कि यीसु ही मसीहा हतो रहा, परमेस्वर को चुनियो वालो उद्धारकर्ता, जेको बारे म भविस्यवानी करी गई रहा। मत्ती न परमेस्वर को राज्य को बारे म भी बेजा कुछ लिखो।

यहूदी हुन ख उम्मीद हती कि मसी एक राजनीति राज्य को राजा बने। मत्ती परमेस्वर को संसारीक राज्य को वर्णन कर ख उ भरोसा ख चुनोती देन को लाने बेजा जादा सावधानी बर्ता हैं। मत्ती को हिसाब से भलो-समाचार पुरानो नेम ख सभी वचन हुन को कारन नयो नियम ख सुरू करन को लाने एक अच्छी किताब हैं। या दो वसीयत नामा जोड़ा हैं। ग्यानवान हुन न यू भी सला दियो हैं कि मत्ती मूसा की किताब हुन को जसो लिखन को नकल करन कि कोसिस करत रयो होए, जो पुरानो नेम कि पहली पाँच किताब होए। पहाड़ पा यीसु को सिखानो

रूप रेखा

1. मत्ती म यीसु मसी को जनम अर ओकी सेवकाई को सुरूवात को बारे म बता ख भलो समाचार ख सुरू करा हैं।

2. आगे मत्ती म यीसु की सेवा को बारे म अऊर ओकी कई ग्यान सिखानू को बारे म बतावा हैं।

3. मत्ती को आखरी भाग यीसु कि माऊत अर फिर से जिन्दो होन को बारे म सेवकाई कसी बड़ी ओको बारे म हैं।