Jacques 1

11

Jacques, yon sèvitè-atache nèt a Bondye, ak Senyè a, Jésus Kris, a douz tribi ki gaye a letranje yo, salitasyon. 22

Konsidere sa kòm tout lajwa, frè m yo, lè nou rankontre tout kalite eprèv yo 3nan konnen ke eprèv lafwa nou pwodwi 3andirans. 4Konsa, kite andirans lan fè rezilta pafè li, pou nou kab vin 4pafè e konplè, san manke anyen.

5Men si nenpòt nan nou manke sajès,5 kite li mande Bondye, ki bay tout moun avèk jenewozite e san repwòch, e Bondye va bay li. 6Men li dwe 6mande nan lafwa, san doute, paske sila ki doute a tankou vag lanmè, ki pouse e voye pa van an. 7Paske moun sa a pa dwe sipoze ke li va resevwa anyen nan men Senyè a, 8tankou yon moun ak 7doub panse, ki enstab nan tout chemen li yo. 98

Kite frè ki nan sikonstans ki ba, bay glwa nan wo pozisyon li; 10e kite moun rich la, bay glwa nan imilyasyon li, paske 9tankou zèb k ap fleri, li osi va disparèt. 11Paske solèy la leve avèk yon 10gwo chalè, epi 11zèb la seche; flè li tonbe, e bote aparans li an vin disparèt. Konsa tou, moun rich la nan mitan tout sa l ap chèche yo, li va vin disparèt. 1212

Beni se yon moun ki pèsevere anba eprèv. Paske, yon fwa li fin apwouve, li va resevwa kouwòn lavi a ke Senyè a pwomèt a sila ki renmen Li yo. 13Pa kite pèsòn di lè l tante: 13“Se Bondye k ap tante m,” paske Bondye pa kapab tante pa mal, e Li menm, Li pa tante pèsòn. 14Men chak moun tante lè li pote ale pa pwòp move dezi li yo. 15Alò, lè move dezi a fin jèmen, li bay nesans a peche. Epi lè 14peche a fin akonpli, li pote lanmò. 1615

Pinga nou vin twonpe, frè byeneme mwen yo.

17Tout bon bagay ki fèt ak tout kado pafè sòti anwo, epi desann nan Papa a limyè yo. Avèk Li pa gen ni chanjman ni menm yon lonbraj varyasyon. 18Nan egzèsis volonte Li, Li te 16fè nou vin parèt pa pawòl verite a pou nou ta kapab vin tankou17premye fwi pami kreyati Li yo.

19Nou konnen sa, frè byeneme m yo. Men tout moun dwe gen vitès nan tande, 18lan nan pale, e lan nan fè kòlè. 20Paske 19kòlè a lòm pa pwodwi ladwati Bondye.

21Konsa, annou 20mete sou kote tout sa ki sal, ak tout sa ki rete de mechanste, e ak imilite, resevwa pawòl ki enplante nan nou an, ki kapab sove nanm nou. 2221

Men, fè prèv tèt nou ke nou aji selon pawòl la, e se pa senpleman tande li. Moun konsa yo twonpe pwòp tèt yo. 23Paske si yon moun ap tande pawòl la, e li pa aji selon li, li tankou yon moun ki gade figi natirèl li 22nan yon miwa. 24Yon fwa, li fin gade tèt li e li ale, li gen tan bliye ki kalite moun li te ye a.

25Men yon moun ki gade avèk atansyon lalwa pafè a, lalwa libète a, e aji selon li, li pa vin yon moun ki tande pou bliye, men yon moun ki fè l tout bon, moun sa a va 23beni nan sa li fè.

26Si yon moun panse nan tèt li ke li swiv Bondye tout tan, e malgre sa, li pa 24mete yon brid sou lang li, li pase pwòp tèt li nan betiz, e lafwa moun sa a vin san valè.

27Relijyon ki pafè e san tach devan zye a Bondye, Papa nou an se sa a: vizite òfelen e vèv ki nan nesesite yo, e kenbe tèt nou san tach 25de mond lan.