Bib Sen An
Ésaïe 4
Paske sèt fanm va kenbe 1yon sèl gason nan jou sa a pou di l: “Nou va manje pwòp pen nou e mete pwòp rad nou. Sèlman, kite nou rele pa non ou. Souple retire wont nou an!”
Nan jou sa a, branch SENYÈ a va bèl, plen ak glwa, e fwi tè a va fè yo leve tèt yo wo akoz bèlte a tout retay Israël yo. Li va rive ke sila ki rete Sion an ak sila yo ki rete Jérusalem nan va rele sen— tout moun ki anrejistre pou 2 lavi Jérusalem yo lè Senyè a fin lave fè sòti tout salte fi a Sion yo, e pirifye Jérusalem de tout san vèse pou fè l sòti nan mitan li, pa lespri jistis ak 3lespri brile a. SENYÈ la va fè sou tout landwa Mòn Sion, ak sou tout asanble li yo, yon 4nwaj pa jou, lafimen a menm, epi eklere ak yon flanm dife pandan nwit la, paske sou tout glwa la, va genyen yon kouvèti. Va gen 5abri pou bay lonbraj kont chalè jounen an, e pou pwoteje kont tanpèt ak lapli.
Source notes (5)
- Cross-reference Jen 30:23
- Cross-reference Egz 32:32
- Cross-reference És 1:31
- Cross-reference Egz 13:21-22
- Cross-reference Sòm 27:5
Bib Sen An. Copyright © Bib Sen An. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.