Skip to content
BibleKenya

Gwandara

Pelesa 4

Bowuta A bisi

A kwanki ni de ndani naa bure, se Ni geni kopa bisi bure. Se Ni zi murinya de yi kala kankye tapire, de Ni e sakye zi beta de pala a beyi, nkye, Zo anya mu, Naa nana ke mbode dole yaa paru a beyi ni nsum. Dandani se Aworo Mirikisi sonka a kiya naa. Anya ni a bisi nse da zunwa a kiya kingbolo solota. Pisika e yi e ma kankye dunsi nsu dereja wato jaspa nja kaneliya, mbode gyewe kingbolo solota e man kankye omelede la. Kingbolo solota ashiri ni wuru 24 ma ayani gyowe Kingbolo solota ni. A kiya ni kowon kingbolo solota ni totore nshiri ni wuru 24 su zunwa a kiya su su sa keikei peperi nja lende ni zinari. Se asikye butu kingbolo solota ma kankye asikye, nja mosi akpala a geba kingbolo solota. Pitila bokwe sakisi yi asikye osu na su ma Aworo Mirikisi bokwe sua yi asikye a geba kingbolo solota. Mbodaa ma kankye gilasi riki, jaja a geba kingbolo solota mbodaa ma kankye gilasi mayi asikye soseyi.

Daba wuru de su mani ndani a geba nja a beyi sakisi gyowe kingbolo solota. Ni pari ma kankye zaki; ni bi ma kankye saan ni minji, ni wuku man pisika kankye nsebeki, ni wuru ma kankye onguru. Kowon da a siki mbo nsu leyi de Mirikisi yi mani kelebeta shida, su mani ndani a siki nja woze. Nnana ni ndederi su bila yi wonka ba nkye:

<<Nsuseki, nsuseki, nsuseki, e ma Obagizi Mirikisi nsu girima,

e shiya ma ziya, e shiya ma yawu, e shiya ma gobe. Mbo nsu leyi wuru de Mirikisi yi sua yi wonka yobo nja dereja nja girima nja gbede te nja nsude zunwa a kingbolo solota, ni gbogbo nja gbogbo. de su yi yomu, toree nshiri ni wuru su puari a geba nsude zunwa a kingbolo solota, se su ma yobo nsude e mani gbogbo nja gbogbo. Su kutiri lende su a kisi a geba kingbolo solota su nkye:

Su nkye, <<Obagizi nja Mirikisi mu! ki deta de mua yobo ke la

girima, yobo, nja sori,

Sobon ki ki yi guru mbo,

ni nupi ke su ma sukwa man leyi.>>

Gwandara. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.