દાનિ.

દાનિયેલ

લેખક

આ પુસ્તકનું નામ તેના લેખક પરથી અપાયું છે. દાનિયેલનું પુસ્તક ઇઝરાયલથી દેશનિકાલ થયેલા યહૂદી તરીકે દાનિયેલના બાબિલમાંના સમયની રચના છે. “દાનિયેલ” નામનો અર્થ “ઈશ્વર મારા ન્યાયાધીશ છે” એવો થાય છે. ઘણા શાસ્ત્રભાગોમાં પુસ્તક સૂચિત કરે છે કે તેનો લેખક દાનિયેલ હતો, જેમ કે 9:2; 10:2. દાનિયેલે પોતાના અનુભવો તથા પ્રબોધવાણીઓ દેશનિકાલ થયેલા યહૂદીઓ માટે તેના બાબિલની રાજધાનીમાંના સમય દરમ્યાન નોંધી હતી, કે જ્યાં તેની રાજા માટેની સેવાએ તેને સમાજના સૌથી ઉચ્ચ સ્તરના લોકો સુધી પહોંચવાનો વિશેષાધિકાર આપ્યો હતો. પરાયા દેશ અને સંસ્કૃતિમાં તેની પ્રભુ માટેની વિશ્વાસુ સેવા તેને બાઇબલના બધા જ પાત્રોમાં અજોડ પાત્ર બનાવે છે.

લખાણનો સમય અને સ્થળ

લખાણનો સમય અંદાજિત ઇ.પૂ. 605 થી 530 વચ્ચેનો છે.

વાંચકવર્ગ

બાબિલમાંના દેશનિકાલ થયેલા યહૂદીઓ તથા ત્યાર બાદના બાઇબલના બધા જ વાંચકો.

હેતુ

દાનિયેલનું પુસ્તક દાનિયેલના કાર્યો, પ્રબોધવાણીઓ અને દર્શનો નોંધે છે. આ પુસ્તક શીખવે છે કે ઈશ્વર પોતાના અનુયાયીઓ પ્રત્યે વિશ્વાસુ છે. પૃથ્વી પરની પોતાની ફરજો બજાવતી વખતે, પરીક્ષણ તથા લોકોનું દબાણ હોવાં છતાં વિશ્વાસીઓએ ઈશ્વરને વિશ્વાસુ રહેવાનું છે.

મુદ્રાલેખ

ઈશ્વરનું સાર્વભૌમત્વ.

રૂપરેખા

1. મહાન મૂર્તિ વિશેના સ્વપ્નનું દાનિયેલનું અર્થઘટન — 1:1-2:49

2. શાદ્રાખ, મેશાખ અને અબેદનગોનો બળતી ભઠ્ઠીમાંથી બચાવ — 3:1-30

3. નબૂખાદનેસ્સારનું સ્વપ્ન — 4:1-37

4. હાલતી આંગળીનું લખાણ અને દાનિયેલ વિનાશની પ્રબોધવાણી — 5:1-31

5. સિંહોની ગુફામાં દાનિયેલ — 6:1-28

6. ચાર હિંસક પશુઓનું દર્શન — 7:1-28

7. મેંઢો, બકરો અને નાનું શિંગડાનું દર્શન — 8:1-27

8. દાનિયેલની 70 વર્ષ વિષેની પ્રાર્થનાનો જવાબ — 9:1-27

9. દાનિયેલનું અંતિમ મહાન યુદ્ધ વિષેનું દર્શન — 10:1-12:13