Skip to content
BibleKenya
THETEXTC ΑΠΟΚΑΛΥΨΙΣ ΙΩΑΝΝΟΥ 3 Verse

The Text-Critical Greek New Testament

ΑΠΟΚΑΛΥΨΙΣ ΙΩΑΝΝΟΥ 3

The Letter to the Church in Sardis

Καὶ τῷ ἀγγέλῳ τῆς ἐν Σάρδεσιν ἐκκλησίας γράψον· Τάδε λέγει ὁ ἔχων τὰ 1ἑπτὰ πνεύματα τοῦ Θεοῦ καὶ τοὺς ἑπτὰ ἀστέρας· Οἶδά σου τὰ ἔργα, ὅτι 2ὄνομα ἔχεις 3καὶ ζῇς, καὶ νεκρὸς εἶ. Γίνου γρηγορῶν, καὶ 4στήρισον τὰ λοιπὰ ἃ 5ἔμελλες ἀποβάλλειν, οὐ γὰρ εὕρηκά σου 6τὰ ἔργα πεπληρωμένα ἐνώπιον τοῦ Θεοῦ 7μου. Μνημόνευε οὖν πῶς εἴληφας 8καὶ ἤκουσας, καὶ τήρει καὶ μετανόησον. Ἐὰν οὖν μὴ γρηγορήσῃς, ἥξω 9ἐπὶ σὲ ὡς κλέπτης, καὶ οὐ μὴ 10γνώσῃ ποίαν ὥραν ἥξω ἐπὶ σέ. 11Ἀλλ᾽ 12ὀλίγα ἔχεις ὀνόματα 13ἐν Σάρδεσιν 14ἃ οὐκ ἐμόλυναν τὰ ἱμάτια αὐτῶν, καὶ περιπατήσουσι μετ᾽ ἐμοῦ ἐν λευκοῖς, ὅτι ἄξιοί εἰσιν. Ὁ νικῶν, 15οὗτος περιβαλεῖται ἐν ἱματίοις λευκοῖς, καὶ οὐ μὴ ἐξαλείψω τὸ ὄνομα αὐτοῦ ἐκ τῆς βίβλου τῆς ζωῆς, καὶ 16ὁμολογήσω τὸ ὄνομα αὐτοῦ ἐνώπιον τοῦ πατρός μου καὶ ἐνώπιον τῶν ἀγγέλων αὐτοῦ. Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

The Letter to the Church in Philadelphia

Καὶ τῷ ἀγγέλῳ τῆς ἐν 17Φιλαδελφείᾳ ἐκκλησίας γράψον· Τάδε λέγει ὁ ἅγιος, ὁ ἀληθινός, ὁ ἔχων τὴν 18κλεῖν τοῦ 19Δαυίδ, ὁ ἀνοίγων καὶ οὐδεὶς 20κλείσει αὐτὴν εἰ μὴ ὁ ἀνοίγων, καὶ οὐδεὶς ἀνοίξει· Οἶδά σου τὰ ἔργα—ἰδού, δέδωκα ἐνώπιόν σου θύραν 21ἀνεῳγμένην, 22ἣν οὐδεὶς δύναται κλεῖσαι αὐτήν—ὅτι μικρὰν ἔχεις δύναμιν, καὶ ἐτήρησάς μου τὸν λόγον καὶ οὐκ ἠρνήσω τὸ ὄνομά μου. Ἰδού, 23δίδωμι ἐκ τῆς συναγωγῆς τοῦ Σατανᾶ, τῶν λεγόντων ἑαυτοὺς Ἰουδαίους εἶναι καὶ οὐκ εἰσὶν ἀλλὰ ψεύδονται—ἰδού, ποιήσω αὐτοὺς ἵνα 24ἥξωσι καὶ 25προσκυνήσωσιν ἐνώπιον τῶν ποδῶν σου καὶ γνῶσιν ὅτι 26ἠγάπησά σε. Ὅτι ἐτήρησας τὸν λόγον τῆς ὑπομονῆς μου, κἀγώ σε τηρήσω ἐκ τῆς ὥρας τοῦ πειρασμοῦ τῆς μελλούσης ἔρχεσθαι ἐπὶ τῆς οἰκουμένης ὅλης πειράσαι τοὺς κατοικοῦντας ἐπὶ τῆς γῆς. 27Ἔρχομαι ταχύ· κράτει ὃ ἔχεις, ἵνα μηδεὶς λάβῃ τὸν στέφανόν σου. Ὁ νικῶν, ποιήσω αὐτὸν στύλον ἐν τῷ ναῷ τοῦ Θεοῦ μου, καὶ ἔξω οὐ μὴ ἐξέλθῃ ἔτι, καὶ γράψω ἐπ᾽ αὐτὸν τὸ ὄνομα τοῦ Θεοῦ μου, καὶ τὸ ὄνομα τῆς πόλεως τοῦ Θεοῦ μου τῆς καινῆς Ἱερουσαλὴμ 28ἣ καταβαίνει 29ἀπὸ τοῦ οὐρανοῦ ἀπὸ τοῦ Θεοῦ μου, καὶ τὸ 30ὄνομα τὸ καινόν. Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

The Letter to the Church in Laodicea

Καὶ τῷ ἀγγέλῳ τῆς 31ἐν Λαοδικείᾳ ἐκκλησίας γράψον· Τάδε λέγει ὁ Ἀμήν, ὁ μάρτυς ὁ πιστὸς καὶ 32ἀληθινός, ἡ ἀρχὴ τῆς κτίσεως τοῦ Θεοῦ· Οἶδά σου τὰ ἔργα, ὅτι οὔτε ψυχρὸς εἶ οὔτε ζεστός· 33ὄφελον ψυχρὸς ἦς ἢ ζεστός. Οὕτως ὅτι χλιαρὸς εἶ καὶ 34οὐ ζεστὸς οὔτε ψυχρός, μέλλω σε ἐμέσαι ἐκ τοῦ στόματός μου. Ὅτι 35λέγεις, Πλούσιός εἰμι καὶ πεπλούτηκα καὶ 36οὐδενὸς χρείαν ἔχω, καὶ οὐκ οἶδας ὅτι σὺ εἶ ὁ ταλαίπωρος καὶ 37ὁ 38ἐλεεινὸς καὶ πτωχὸς καὶ τυφλὸς καὶ γυμνός, συμβουλεύω σοι ἀγοράσαι 39χρυσίον παρ᾽ ἐμοῦ πεπυρωμένον ἐκ πυρὸς ἵνα πλουτήσῃς, καὶ ἱμάτια λευκὰ ἵνα περιβάλῃ καὶ μὴ φανερωθῇ ἡ αἰσχύνη τῆς γυμνότητός σου, καὶ 40κολλύριον 41ἵνα ἐγχρίσῃ τοὺς ὀφθαλμούς σου ἵνα βλέπῃς. Ἐγὼ ὅσους ἐὰν φιλῶ, ἐλέγχω καὶ παιδεύω· 42ζήλευε οὖν καὶ μετανόησον. Ἰδού, ἕστηκα ἐπὶ τὴν θύραν καὶ κρούω· ἐάν τις ἀκούσῃ τῆς φωνῆς μου καὶ ἀνοίξῃ τὴν θύραν, 43καὶ εἰσελεύσομαι πρὸς αὐτὸν καὶ δειπνήσω μετ᾽ αὐτοῦ καὶ αὐτὸς μετ᾽ ἐμοῦ. Ὁ νικῶν, δώσω αὐτῷ καθίσαι μετ᾽ ἐμοῦ ἐν τῷ θρόνῳ μου, ὡς κἀγὼ ἐνίκησα καὶ ἐκάθισα μετὰ τοῦ πατρός μου ἐν τῷ θρόνῳ αὐτοῦ. Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

Source notes (43)
  1. Footnote επτα 𝔐A,C,K [98.6%] ¦ --- ST [1.4%]
  2. Footnote ονομα 𝔐A,C,K [95.5%] ¦ το ονομα TR [2.3%]
  3. Footnote και 𝔐K [44.1%] ¦ οτι 𝔐A,C ANT CT PCK RP TR [54.1%]
  4. Footnote στηρισον 𝔐C,K(46) [41.4%] ¦ στηριξον 𝔐A TR [31.4%] ¦ τηρησον 𝔐K(27) HF [22.3%]
  5. Footnote εμελλες αποβαλλειν 𝔐K(41) [24.7%] ¦ ημελλες αποβαλλειν 𝔐A(9),K(36) [23.3%] ¦ εμελλον αποθανειν 𝔐A(17) CT [18.7%] ¦ εμελλες αποβαλειν 𝔐C PCK [15.5%] ¦ εμελλον αποθνησκειν 𝔐A(13) ANT [7.8%] ¦ μελλει αποθανειν TR [1.8%]
  6. Footnote τα 𝔐A,C,K [95.5%] ¦ --- WH [1.8%]
  7. Footnote μου 𝔐A(16),C,K [80.9%] ¦ --- 𝔐A(30) TR [19.1%]
  8. Footnote και ηκουσας και τηρει 𝔐A,C [50.2%] ¦ --- 𝔐K [43.4%]
  9. Footnote επι σε 𝔐A,C,K [78.6%] ¦ --- CT [20.9%]
  10. Footnote γνωση 𝔐K [48.4%] ¦ γνως 𝔐A,C CT PCK RP TR [49.8%]
  11. Footnote αλλ 𝔐A(29),C,K [80.5%] ¦ αλλα ANT ECM NA27 SBL TH WH [9.1%] ¦ --- 𝔐A(15) TR [10%]
  12. Footnote ολιγα εχεις ονοματα 𝔐A(30),C,K [66.4%] ¦ εχεις ολιγα ονοματα 𝔐A(16) ANT CT TR [25%] ¦ ολιγα ονοματα εχεις MSS [7.3%]
  13. Footnote εν 𝔐A,C,K [91.8%] ¦ και εν TR [8.2%]
  14. Footnote α 𝔐C,K [70.3%] ¦ οι 𝔐A [26.9%]
  15. Footnote ουτος 𝔐A,K(53) [62.7%] ¦ ουτω 𝔐C,K(30) ANT CT PCK [35.9%]
  16. Footnote ομολογησω 𝔐A,C,K [89.5%] ¦ εξομολογησομαι TR [1.8%] ¦ {omit εκ της βιβλου της ζωης και ομολογσω το ονομα αυτου} MSS [7.3%]
  17. Footnote φιλαδελφεια 𝔐A(27),C,K(46) [59.1%] ¦ φιλαδελφια 𝔐A(18),K(39) ECM TH WH [39.1%]
  18. Footnote κλειν 𝔐C,K [64.1%] ¦ κλειδα 𝔐A TR [35.9%]
  19. Footnote δαυιδ ¦ δαβιδ HF TR ¦ δαυειδ WH {Note: Most manuscripts use the abbreviation ΔΑΔ or δαδ.}
  20. Footnote κλεισει αυτην ει μη ο ανοιγων και ουδεις ανοιξει 𝔐C,K [47.7%] ¦ κλειει και κλειων και ουδεις ανοιγει 𝔐A [13.6%] ¦ κλεισει και κλειων και ουδεις ανοιξει ECM† [9.1%] ¦ κλεισει αυτην ει μη ο ανοιγων και κλειων και ουδεις ανοιξει MSS [5%] ¦ κλεισει και κλειων και ουδεις ανοιγει ANT ECM† NA SBL TH WH [1.8%] ¦ κλειει και κλειει και ουδεις ανοιγει TR [1.4%]
  21. Footnote ανεωγμενην 𝔐A,C,K [83.2%] ¦ ηνεωγμενην NA SBL WH [16.4%]
  22. Footnote ην 𝔐A,C,K [89.1%] ¦ και TR [9.5%]
  23. Footnote διδωμι 𝔐A,C,K [96.8%] ¦ διδω NA SBL TH WH [1.4%]
  24. Footnote ηξωσι 𝔐A(27),C(10),K [68%] ¦ ηξουσι 𝔐A(19),C(17) ANT ECM† NA PCK SBL TH WH [31.1%]
  25. Footnote προσκυνησωσιν 𝔐A,C,K [81.3%] ¦ προσκυνησουσιν ANT ECM† NA SBL TH WH [18.3%]
  26. Footnote ηγαπησα 𝔐C,K [60.5%] ¦ εγω ηγαπησα 𝔐A ANT CT TR [35.5%]
  27. Footnote ερχομαι 𝔐A,C,K [92.8%] ¦ ιδου ερχομαι TR [7.2%]
  28. Footnote ἣ καταβαίνει 𝔐C,K [74.1%] ¦ ἡ καταβαίνουσα 𝔐A CT ST [24.1%]
  29. Footnote απο 𝔐K [40.5%] ¦ εκ 𝔐A,C ANT CT PCK RP TR [58.2%]
  30. Footnote ονομα 𝔐K [45.5%] ¦ ονομα μου 𝔐A,C ANT CT HF PCK RP TR [53.6%]
  31. Footnote εν λαοδικεια εκκλησιας 𝔐A,C,K [71.2%] ¦ εν λαοδικια εκκλησιας TH WH [12.3%] ¦ εκκλησιας λαοδικεων TR [1.4%]
  32. Footnote αληθινος 𝔐A,C,K [85.8%] ¦ ο αληθινος WH [12.8%]
  33. Footnote οφελον ψυχρος ης η ζεστος 𝔐A,C,K [82.2%] ¦ οφελον ψυχρος ειης η ζεστος TR [2.7%] ¦ --- MSS [8.7%]
  34. Footnote ου ζεστος ουτε ψυχρος 𝔐C,K [64.4%] ¦ ουτε ζεστος ουτε ψυχρος 𝔐A ANT CT [24.7%] ¦ ουτε ψυχρος ουτε ζεστος TR [4.1%]
  35. Footnote λεγεις 𝔐A(28),C,K [67%] ¦ λεγεις οτι 𝔐A(16) ANT NA SBL TH TR WH [32.1%]
  36. Footnote ουδενος 𝔐A,C,K [93.2%] ¦ ουδεν NA SBL TH WH [6.8%]
  37. Footnote ο 𝔐C,K [61.5%] ¦ --- 𝔐A NA SBL TH TR WH [34.8%]
  38. Footnote ελεεινος 𝔐A,C,K [91.8%] ¦ ελεινος WH [2.9%] {Note: ECM does not collate spelling differences for this variant unit. Consequently, this spelling difference is calculated only from Hoskier's collation.}
  39. Footnote χρυσιον παρ εμου 𝔐C,K [57%] ¦ παρ εμου χρυσιον 𝔐A ANT CT TR [31.2%] ¦ χρυσιον MSS [5.4%]
  40. Footnote κολλυριον 𝔐A(14),K [50%] ¦ κολλουριον 𝔐A(14),C NA PCK SBL TR WH [36.8%] ¦ κουλλουριον 𝔐A(16) [12.3%]
  41. Footnote ινα εγχριση 𝔐K [46.6%] ¦ εγχρισον 𝔐A ECM† TR [17.6%] ¦ εγχρισον επι 𝔐C PCK [13.6%] ¦ εγχρισαι ECM† NA SBL TH WH [10.4%]
  42. Footnote ζηλευε 𝔐K [47.7%] ¦ ζηλωσον 𝔐A,C ECM† PCK RP TR [47.3%]
  43. Footnote και 𝔐C,K [63.6%] ¦ --- 𝔐A ECM† TR WH [36.4%]

The Text-Critical Greek New Testament. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.