Skip to content
BibleKenya
THETEXTC ΑΠΟΚΑΛΥΨΙΣ ΙΩΑΝΝΟΥ 20 Verse

The Text-Critical Greek New Testament

ΑΠΟΚΑΛΥΨΙΣ ΙΩΑΝΝΟΥ 20

Satan Bound for a Thousand Years

Καὶ εἶδον ἄγγελον καταβαίνοντα ἐκ τοῦ οὐρανοῦ, ἔχοντα τὴν 1κλεῖν τῆς ἀβύσσου καὶ ἅλυσιν μεγάλην ἐπὶ τὴν χεῖρα αὐτοῦ. Καὶ ἐκράτησε τὸν δράκοντα, 2τὸν ὄφιν τὸν ἀρχαῖον, ὅς ἐστι διάβολος καὶ 3ὁ Σατανᾶς, 4ὁ πλανῶν τὴν οἰκουμένην ὅλην, καὶ ἔδησεν αὐτὸν χίλια ἔτη. Καὶ ἔβαλεν αὐτὸν εἰς τὴν ἄβυσσον καὶ 5ἔκλεισε καὶ ἐσφράγισεν ἐπάνω αὐτοῦ, ἵνα μὴ 6πλανᾷ 7ἔτι τὰ ἔθνη, ἄχρι τελεσθῇ 8τὰ χίλια ἔτη. 9Μετὰ ταῦτα δεῖ 10λυθῆναι αὐτὸν μικρὸν χρόνον.

Καὶ εἶδον θρόνους—καὶ ἐκάθισαν ἐπ᾽ αὐτούς, καὶ κρίμα ἐδόθη αὐτοῖς—καὶ τὰς ψυχὰς τῶν πεπελεκισμένων διὰ τὴν μαρτυρίαν Ἰησοῦ καὶ διὰ τὸν λόγον τοῦ Θεοῦ, καὶ οἵτινες οὐ προσεκύνησαν 11τὸ θηρίον 12οὐδὲ 13τὴν εἰκόνα αὐτοῦ καὶ οὐκ ἔλαβον τὸ χάραγμα ἐπὶ 14τὸ μέτωπον καὶ ἐπὶ τὴν χεῖρα αὐτῶν· καὶ ἔζησαν καὶ ἐβασίλευσαν μετὰ 15τοῦ Χριστοῦ 16τὰ χίλια ἔτη. 17Καὶ οἱ λοιποὶ τῶν νεκρῶν οὐκ ἔζησαν ἄχρι τελεσθῇ τὰ χίλια ἔτη. Αὕτη ἡ ἀνάστασις ἡ πρώτη. Μακάριος καὶ ἅγιος ὁ ἔχων μέρος ἐν τῇ ἀναστάσει τῇ πρώτῃ· ἐπὶ τούτων ὁ 18δεύτερος θάνατος οὐκ ἔχει ἐξουσίαν, ἀλλ᾽ ἔσονται ἱερεῖς τοῦ Θεοῦ καὶ τοῦ Χριστοῦ, καὶ βασιλεύσουσι 19μετ᾽ αὐτοῦ 20χίλια ἔτη.

Satan Thrown into the Lake of Fire

Καὶ 21μετὰ τὰ χίλια ἔτη, λυθήσεται ὁ Σατανᾶς ἐκ τῆς φυλακῆς αὐτοῦ, καὶ ἐξελεύσεται πλανῆσαι τὰ ἔθνη τὰ ἐν ταῖς τέσσαρσι γωνίαις τῆς γῆς, τὸν Γὼγ καὶ 22τὸν Μαγώγ, 23συναγαγεῖν αὐτοὺς εἰς 24τὸν πόλεμον, ὧν ὁ ἀριθμὸς 25αὐτῶν 26ὡς ἡ ἄμμος τῆς θαλάσσης. Καὶ ἀνέβησαν ἐπὶ τὸ πλάτος τῆς γῆς καὶ 27ἐκύκλευσαν τὴν παρεμβολὴν τῶν ἁγίων καὶ τὴν πόλιν τὴν ἠγαπημένην, καὶ κατέβη 28πῦρ ἐκ τοῦ οὐρανοῦ ἀπὸ τοῦ Θεοῦ καὶ κατέφαγεν αὐτούς. Καὶ ὁ διάβολος ὁ πλανῶν αὐτοὺς ἐβλήθη εἰς τὴν λίμνην τοῦ πυρὸς 29καὶ θείου, ὅπου 30καὶ τὸ θηρίον καὶ ὁ ψευδοπροφήτης, καὶ βασανισθήσονται ἡμέρας καὶ νυκτὸς εἰς τοὺς αἰῶνας τῶν αἰώνων.

Judgment Before the Great White Throne

Καὶ εἶδον θρόνον 31μέγαν λευκὸν καὶ τὸν καθήμενον ἐπ᾽ 32αὐτόν, οὗ ἀπὸ 33προσώπου ἔφυγεν 34ἡ γῆ καὶ ὁ οὐρανός, καὶ τόπος οὐχ εὑρέθη αὐτοῖς. Καὶ εἶδον τοὺς νεκρούς, 35τοὺς μεγάλους καὶ τοὺς μικρούς, ἑστῶτας ἐνώπιον τοῦ 36θρόνου. Καὶ βιβλία 37ἤνοιξαν, καὶ 38ἄλλο βιβλίον 39ἠνεῴχθη, ὅ ἐστι τῆς ζωῆς. Καὶ ἐκρίθησαν οἱ νεκροὶ ἐκ τῶν γεγραμμένων ἐν τοῖς βιβλίοις κατὰ τὰ ἔργα αὐτῶν. Καὶ ἔδωκεν ἡ θάλασσα τοὺς 40νεκροὺς τοὺς ἐν αὐτῇ, καὶ ὁ Θάνατος καὶ ὁ ᾍδης ἔδωκαν τοὺς 41νεκροὺς τοὺς ἐν αὐτοῖς, καὶ ἐκρίθησαν ἕκαστος κατὰ τὰ ἔργα 42αὐτοῦ. Καὶ ὁ Θάνατος καὶ ὁ ᾍδης ἐβλήθησαν εἰς τὴν λίμνην τοῦ πυρός. 43Οὗτος ὁ θάνατος ὁ δεύτερός ἐστιν, ἡ λίμνη τοῦ πυρός. Καὶ εἴ τις οὐχ εὑρέθη ἐν 44τῷ βιβλίῳ τῆς ζωῆς γεγραμμένος, ἐβλήθη εἰς τὴν λίμνην τοῦ πυρός.

Source notes (44)
  1. Footnote κλειν 𝔐A(23),C,K [82.3%] ¦ κλειδα 𝔐A(21) TR [16.3%]
  2. Footnote τον οφιν τον αρχαιον 𝔐A,C,K [92.8%] ¦ τον αρχαιον MSS [5.3%] ¦ ο οφις ο αρχαιος NA SBL TH WH [1.9%]
  3. Footnote ο 𝔐C,K(42) [54.3%] ¦ --- 𝔐A,K(36) TR [45.2%]
  4. Footnote ο πλανων την οικουμενην ολην 𝔐C,K [66.8%] ¦ ο πλανων την οικουμενην ANT [0.5%] ¦ --- 𝔐A CT TR [32.2%]
  5. Footnote εκλεισε 𝔐A(20),C,K [87.6%] ¦ εδησεν 𝔐A(19) [9.6%] ¦ εκλεισεν αυτον TR [0.5%]
  6. Footnote πλανα 𝔐C,K [71.3%] ¦ πλανηση 𝔐A CT TR [27.3%]
  7. Footnote ετι τα εθνη 𝔐A(25),C,K [84.6%] ¦ τα εθνη 𝔐A(17) [11.1%] ¦ τα εθνη ετι TR [2.4%]
  8. Footnote τα 𝔐C,K [73.2%] ¦ --- 𝔐A [25.4%]
  9. Footnote μετα 𝔐K [45.5%] ¦ και μετα 𝔐A,C RP PCK TR [52.2%]
  10. Footnote λυθηναι αυτον 𝔐K [48.8%] ¦ αυτον λυθηναι 𝔐A,C ANT PCK RP TR [50.2%]
  11. Footnote το θηριον 𝔐K [47.8%] ¦ τω θηριω 𝔐A,C PCK TR [48.8%]
  12. Footnote ουδε 𝔐K [50.7%] ¦ ουτε 𝔐A,C ANT PCK TR [48.8%]
  13. Footnote την εικονα 𝔐A(22),K [64.6%] ¦ τη εικονι 𝔐A(22),C PCK [34.4%]
  14. Footnote το μετωπον 𝔐K [48.3%] ¦ το μετωπον αυτων 𝔐A(22),C ANT PCK TR [28.2%] ¦ των μετωπων αυτων 𝔐A(14) [12%] ¦ των μετωπων MSS [7.7%]
  15. Footnote του 𝔐A(24),C,K [84.2%] ¦ --- 𝔐A(21) TR [15.8%]
  16. Footnote τα 𝔐K [49.3%] ¦ --- 𝔐A,C ANT CT PCK SCR [50.7%]
  17. Footnote και οι λοιποι των νεκρων ουκ εζησαν αχρι τελεσθη τα χιλια ετη 𝔐A,C [35.6%] ¦ και οι λοιποι των νεκρων ουκ εζησαν αχρι τελεσθωσι τα χιλια ετη MSS [5.8%] ¦ οι λοιποι των νεκρων ουκ εζησαν αχρι τελεσθη τα χιλια ετη NA SBL TH WH [1%] ¦ οι λοιποι των νεκρων ουκ ανεζησαν εως τελεσθη τα χιλια ετη TR [0.5%] ¦ και οι λοιποι των νεκρων ουκ εζησαν εως τελεσθη τα χιλια ετη ANT [0%] ¦ --- 𝔐K ECM [36.5%]
  18. Footnote δευτερος θανατος 𝔐A(18),C,K [83.7%] ¦ θανατος ο δευτερος 𝔐A(25) TR [15.4%]
  19. Footnote μετ αυτου 𝔐A,C [67.5%] ¦ μετα ταυτα 𝔐K [29.1%]
  20. Footnote χιλια 𝔐A,C,K [82.4%] ¦ τα χιλια NA TH WH [17%]
  21. Footnote μετα 𝔐K [38.6%] ¦ οταν τελεσθη 𝔐A,C ANT CT PCK RP TR [46.9%] ¦ οτε ετελεσθησαν MSS [6.3%]
  22. Footnote τον 𝔐C,K [76%] ¦ --- 𝔐A ECM† NA SBL TH WH [23.5%]
  23. Footnote συναγαγειν 𝔐C,K [73.3%] ¦ και συναγαγειν 𝔐A [25.7%]
  24. Footnote τον 𝔐C,K [69.3%] ¦ --- 𝔐A TR [30.7%]
  25. Footnote αυτων 𝔐K [49.3%] ¦ --- 𝔐A,C RP PCK TR [50.2%]
  26. Footnote ως η 𝔐A,C,K(34) [60.7%] ¦ ωσει 𝔐K(41) [37.9%]
  27. Footnote εκυκλευσαν 𝔐C,K [44.3%] ¦ εκυκλωσαν 𝔐A RP TR [52.7%]
  28. Footnote πυρ εκ του ουρανου απο του θεου 𝔐A(7),C,K [61.3%] ¦ πυρ απο του θεου εκ του ουρανου ECM TR [7.8%] ¦ πυρ εκ του ουρανου 𝔐A(10) NA SBL TH WH [6.4%] ¦ πυρ εκ θεου απο του ουρανου 𝔐A(9) [6.4%] ¦ εκ του θεου πυρ απο του ουρανου 𝔐A(8) [3.9%]
  29. Footnote και θειου 𝔐A(24),C,K [67%] ¦ και του θειου 𝔐A(19) ANT [24.8%] ¦ του θειου MSS [6.3%]
  30. Footnote και 𝔐C,K [70.6%] ¦ --- 𝔐A TR [27%]
  31. Footnote μεγαν λευκον 𝔐C,K [57.8%] ¦ λευκον μεγαν 𝔐A TR [33.8%] ¦ λευκον MSS [5.9%]
  32. Footnote αυτον 𝔐A,C,K [80.5%] ¦ αυτου SBL TH TR WH [12.2%] ¦ αυτω ANT [7.3%]
  33. Footnote προσωπου 𝔐A,C,K [90.7%] ¦ του προσωπου CT [9.3%]
  34. Footnote η γη και ο ουρανος 𝔐A,K [74.4%] ¦ ο ουρανος και η γη 𝔐C PCK [21.2%]
  35. Footnote τους μεγαλους και τους μικρους εστωτας 𝔐A,C [55.2%] ¦ εστωτας 𝔐K [30%] ¦ εστωτας τους μικρους και τους μεγαλους MSS [7.9%] ¦ μικρους και μεγαλους εστωτας TR [1.5%]
  36. Footnote θρονου 𝔐A(26),C,K [89.7%] ¦ θεου 𝔐A(18) TR [9.8%]
  37. Footnote ηνοιξαν 𝔐K [29.1%] ¦ ηνοιχθησαν ANT CT [22.2%] ¦ ηνεωχθησαν 𝔐A RP TR [21.2%] ¦ ανεωχθησαν 𝔐C PCK [17.2%]
  38. Footnote αλλο βιβλιον 𝔐A,C,K [96.1%] ¦ βιβλιον αλλο TR [1.5%]
  39. Footnote ηνεωχθη 𝔐K [45.6%] ¦ ηνοιχθη 𝔐A ANT NA SBL TH WH [28.4%] ¦ ανεωχθη 𝔐C PCK [20.6%]
  40. Footnote νεκρους τους εν αυτη 𝔐K [62.1%] ¦ εν αυτη νεκρους 𝔐A,C PCK TR [31%]
  41. Footnote νεκρους τους εν αυτοις 𝔐K [56.9%] ¦ εν αυτοις νεκρους 𝔐A,C PCK TR [30.7%]
  42. Footnote αυτου 𝔐K(46) [32.5%] ¦ αυτων 𝔐A,C,K(26) ANT CT PCK RP TR [63.1%]
  43. Footnote ουτος ο θανατος ο δευτερος εστιν η λιμνη του πυρος 𝔐A(12),K [48.5%] ¦ ουτος εστιν ο θανατος ο δευτερος η λιμνη του πυρος 𝔐C PCK [14.9%] ¦ ουτος ο θανατος δευτερος εστιν η λιμνη του πυρος 𝔐A(8) [4%] ¦ ουτος εστιν ο δευτερος θανατος TR [1%] ¦ ουτος ο θανατος ο δευτερος εστιν ANT [0%] ¦ --- 𝔐A(13) [21.8%]
  44. Footnote εν τω βιβλιω της ζωης γεγραμμενος 𝔐K [46.5%] ¦ εν τη βιβλω της ζωης γεγραμμενος 𝔐A,C ANT CT PCK TR [37.1%] ¦ γεγραμμενος εν τη βιβλω της ζωης MSS [5.4%]

The Text-Critical Greek New Testament. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.