Skip to content
BibleKenya
THETEXTC ΑΠΟΚΑΛΥΨΙΣ ΙΩΑΝΝΟΥ 11 Verse

The Text-Critical Greek New Testament

ΑΠΟΚΑΛΥΨΙΣ ΙΩΑΝΝΟΥ 11

The Two Witnesses

Καὶ ἐδόθη μοι κάλαμος ὅμοιος ῥάβδῳ, 1λέγων, 2Ἔγειρε καὶ μέτρησον τὸν ναὸν τοῦ Θεοῦ καὶ τὸ θυσιαστήριον καὶ τοὺς προσκυνοῦντας ἐν αὐτῷ. Καὶ τὴν αὐλὴν τὴν 3ἔξωθεν τοῦ ναοῦ ἔκβαλε 4ἔξω καὶ μὴ αὐτὴν μετρήσῃς, ὅτι ἐδόθη τοῖς ἔθνεσι, καὶ τὴν πόλιν τὴν ἁγίαν πατήσουσι μῆνας 5τεσσαράκοντα καὶ δύο. Καὶ δώσω τοῖς δυσὶ μάρτυσί μου, καὶ προφητεύσουσιν ἡμέρας χιλίας διακοσίας ἑξήκοντα, 6περιβεβλημένοι σάκκους.

Οὗτοί εἰσιν αἱ δύο ἐλαῖαι καὶ 7αἱ δύο λυχνίαι αἱ ἐνώπιον τοῦ 8Κυρίου τῆς γῆς 9ἑστῶτες. Καὶ εἴ τις 10αὐτοὺς θέλει ἀδικῆσαι, πῦρ ἐκπορεύεται ἐκ τοῦ στόματος αὐτῶν καὶ κατεσθίει τοὺς ἐχθροὺς αὐτῶν· καὶ εἴ τις 11θέλει αὐτοὺς ἀδικῆσαι, οὕτω δεῖ αὐτὸν ἀποκτανθῆναι. Οὗτοι ἔχουσι 12τὸν οὐρανὸν ἐξουσίαν κλεῖσαι, ἵνα μὴ 13ὑετὸς βρέχῃ τὰς ἡμέρας τῆς προφητείας αὐτῶν, καὶ ἐξουσίαν ἔχουσιν ἐπὶ τῶν ὑδάτων στρέφειν αὐτὰ εἰς αἷμα καὶ πατάξαι τὴν γῆν 14ὁσάκις ἐὰν θελήσωσιν ἐν πάσῃ πληγῇ. Καὶ ὅταν τελέσωσι τὴν μαρτυρίαν αὐτῶν, τὸ θηρίον τὸ ἀναβαῖνον ἐκ τῆς ἀβύσσου ποιήσει 15μετ᾽ αὐτῶν πόλεμον καὶ νικήσει αὐτοὺς καὶ ἀποκτενεῖ αὐτούς. Καὶ 16τὸ πτῶμα αὐτῶν ἐπὶ τῆς πλατείας 17τῆς πόλεως τῆς μεγάλης, ἥτις καλεῖται πνευματικῶς Σόδομα καὶ Αἴγυπτος, ὅπου 18καὶ ὁ Κύριος 19αὐτῶν ἐσταυρώθη. Καὶ 20βλέπουσιν ἐκ τῶν λαῶν καὶ φυλῶν καὶ γλωσσῶν καὶ ἐθνῶν 21τὸ πτῶμα αὐτῶν ἡμέρας τρεῖς 22ἥμισυ, καὶ τὰ πτώματα αὐτῶν οὐκ 23ἀφήσουσι τεθῆναι εἰς 24μνῆμα. Καὶ οἱ κατοικοῦντες ἐπὶ τῆς γῆς 25χαίρουσιν ἐπ᾽ αὐτοῖς καὶ 26εὐφρανθήσονται καὶ δῶρα 27δώσουσιν ἀλλήλοις, ὅτι οὗτοι οἱ δύο προφῆται ἐβασάνισαν τοὺς κατοικοῦντας ἐπὶ τῆς γῆς. Καὶ μετὰ 28τὰς τρεῖς ἡμέρας καὶ ἥμισυ, πνεῦμα ζωῆς ἐκ τοῦ Θεοῦ εἰσῆλθεν 29εἰς αὐτούς, καὶ ἔστησαν ἐπὶ τοὺς πόδας αὐτῶν, καὶ φόβος μέγας 30ἔπεσεν ἐπὶ τοὺς θεωροῦντας αὐτούς. Καὶ 31ἤκουσα 32φωνὴν μεγάλην ἐκ τοῦ οὐρανοῦ λέγουσαν αὐτοῖς, 33Ἀνάβητε ὧδε. Καὶ ἀνέβησαν εἰς τὸν οὐρανὸν ἐν τῇ νεφέλῃ, καὶ ἐθεώρησαν αὐτοὺς οἱ ἐχθροὶ αὐτῶν. 34Ἐν ἐκείνῃ τῇ 35ἡμέρᾳ ἐγένετο σεισμὸς μέγας, καὶ τὸ δέκατον τῆς πόλεως ἔπεσε, καὶ ἀπεκτάνθησαν ἐν τῷ σεισμῷ ὀνόματα ἀνθρώπων χιλιάδες ἑπτά, καὶ οἱ λοιποὶ ἔμφοβοι ἐγένοντο καὶ ἔδωκαν δόξαν τῷ Θεῷ τοῦ οὐρανοῦ.

Ἡ οὐαὶ ἡ δευτέρα ἀπῆλθεν· 36ἡ οὐαὶ ἡ τρίτη, ἰδού, ἔρχεται ταχύ.

The Seventh Trumpet

Καὶ ὁ ἕβδομος ἄγγελος ἐσάλπισε, καὶ ἐγένοντο φωναὶ μεγάλαι ἐν τῷ οὐρανῷ 37λέγοντες, 38Ἐγένετο ἡ βασιλεία τοῦ κόσμου τοῦ Κυρίου ἡμῶν καὶ τοῦ Χριστοῦ αὐτοῦ, καὶ βασιλεύσει εἰς τοὺς αἰῶνας τῶν αἰώνων. Καὶ οἱ 39εἴκοσι τέσσαρες πρεσβύτεροι 40οἱ ἐνώπιον τοῦ θρόνου τοῦ Θεοῦ, οἳ κάθηνται ἐπὶ τοὺς θρόνους αὐτῶν, 41ἔπεσον ἐπὶ τὰ πρόσωπα αὐτῶν καὶ προσεκύνησαν τῷ Θεῷ, λέγοντες,

Εὐχαριστοῦμέν σοι, Κύριε ὁ Θεὸς ὁ παντοκράτωρ,

ὁ ὢν καὶ ὁ 42ἦν,

ὅτι 43εἴληφας τὴν δύναμίν σου τὴν μεγάλην

καὶ ἐβασίλευσας.

Καὶ τὰ ἔθνη ὠργίσθησαν,

καὶ ἦλθεν ἡ ὀργή σου

καὶ ὁ καιρὸς τῶν 44νεκρῶν κριθῆναι

καὶ δοῦναι τὸν μισθὸν τοῖς δούλοις σου τοῖς προφήταις

καὶ τοῖς ἁγίοις 45καὶ τοῖς φοβουμένοις τὸ ὄνομά σου, 46

τοῖς μικροῖς καὶ τοῖς μεγάλοις,

καὶ διαφθεῖραι τοὺς 47διαφθείροντας τὴν γῆν.

Καὶ 48ἠνοίχθη ὁ ναὸς τοῦ Θεοῦ 49ἐν τῷ οὐρανῷ, καὶ ὤφθη ἡ κιβωτὸς τῆς διαθήκης 50τοῦ Κυρίου ἐν τῷ ναῷ αὐτοῦ, καὶ ἐγένοντο ἀστραπαὶ καὶ 51φωναὶ καὶ βρονταὶ καὶ χάλαζα μεγάλη.

Source notes (51)
  1. Footnote λεγων 𝔐A,K [71.5%] ¦ και ειστηκει ο αγγελος λεγων 𝔐C PCK [20.6%] ¦ και ο αγγελος ειστηκει λεγων SCR [0%]
  2. Footnote εγειρε 𝔐A(26),K(47) [49.1%] ¦ εγειραι 𝔐A(15),C,K(35) PCK RP TR [45.8%] ¦ εγειρον MSS [5.1%]
  3. Footnote εξωθεν 𝔐A(30),C,K [86%] ¦ εσωθεν 𝔐A(16) ST [13.5%]
  4. Footnote εξω 𝔐A(18),K [59.7%] ¦ εξωθεν 𝔐A(23),C ECM† NA PCK SBL TH WH [34.7%]
  5. Footnote τεσσαρακοντα και δυο 𝔐K [39.4%] ¦ μβ΄ 𝔐A,C ECM [29.2%] ¦ τεσσαρακοντα δυο ANT PCK TR [23.1%] ¦ τεσσερακοντα και δυο NA WH [3.2%] ¦ τεσσερακοντα δυο SBL TH [2.8%]
  6. Footnote περιβεβλημενοι 𝔐A(24),C,K [77.3%] ¦ περιβεβλημενους 𝔐A(20) TH WH [19%]
  7. Footnote αι 𝔐A,C,K [96.3%] ¦ --- ST [3.7%]
  8. Footnote κυριου 𝔐C,K [75.8%] ¦ θεου 𝔐A TR [24.2%]
  9. Footnote εστωτες 𝔐K [40.5%] ¦ εστωσαι 𝔐A,C ANT ECM† PCK RP TR [58.1%]
  10. Footnote αυτους θελει 𝔐A,C,K [82.9%] ¦ θελει αυτους MSS [7.9%] ¦ αυτους θελη TR [6.5%]
  11. Footnote θελει αυτους 𝔐A(19),C,K [74.1%] ¦ αυτους θελει 𝔐A(23) [12.5%] ¦ θελησει αυτους MSS [5.1%] ¦ αυτους θελη TR [0.9%] ¦ θεληση αυτους NA SBL TH WH [0.9%]
  12. Footnote τον ουρανον εξουσιαν κλεισαι 𝔐K [46.5%] ¦ εξουσιαν κλεισαι τον ουρανον 𝔐A,C PCK TR [43.3%] ¦ εξουσιαν τον ουρανον κλεισαι ANT [5.1%] ¦ την εξουσιαν κλεισαι τον ουρανον CT [4.1%]
  13. Footnote υετος βρεχη τας ημερας της προφητειας αυτων 𝔐A,C,K [71.6%] ¦ υετος βρεχει τας ημερας της προφητειας αυτων MSS [15.3%] ¦ βρεχη υετος εν ταις ημεραις αυτων της προφητειας MSS [5.6%] ¦ βρεχη υετος εν ημεραις αυτων της προφητειας TR [0%]
  14. Footnote οσακις εαν θελησωσιν εν παση πληγη 𝔐K [40.3%] ¦ εν παση πληγη οσακις εαν θελησωσι 𝔐A,C ANT CT PCK [31.9%] ¦ εν παση πληγη οσακις αν θελησωσι MSS [5.6%] ¦ παση πληγη οσακις εαν θελησωσι TR [1.4%]
  15. Footnote μετ αυτων πολεμον 𝔐A(14),C,K [80.6%] ¦ πολεμον μετ αυτων 𝔐A(22) TR [14.3%]
  16. Footnote το πτωμα 𝔐K [49.8%] ¦ τα πτωματα 𝔐A,C PCK TR [49.8%]
  17. Footnote της πολεως της μεγαλης 𝔐A,C,K [91.7%] ¦ της μεγαλης πολεως MSS [6.5%] ¦ πολεως της μεγαλης TR [0.9%]
  18. Footnote και 𝔐A(15),C,K [73.7%] ¦ --- 𝔐A(28) [24.9%]
  19. Footnote αυτων 𝔐A,C,K [95.9%] ¦ ημων TR [1.8%]
  20. Footnote βλεπουσιν 𝔐A,C,K [98.6%] ¦ βλεψουσιν TR [0.9%]
  21. Footnote το πτωμα 𝔐K [54.4%] ¦ τα πτωματα 𝔐A,C PCK TR [43.3%]
  22. Footnote ημισυ 𝔐A(28),C,K [81.5%] ¦ και ημισυ 𝔐A(18) ANT CT TR [18.1%]
  23. Footnote αφησουσι 𝔐C,K [73.6%] ¦ αφιουσι 𝔐A CT [21.3%]
  24. Footnote μνημα 𝔐A,C,K [92.1%] ¦ μνηματα TR [2.3%]
  25. Footnote χαιρουσιν 𝔐A,C,K [94.5%] ¦ χαρουσιν TR [0.9%]
  26. Footnote ευφρανθησονται 𝔐C,K [69.1%] ¦ ευφραινονται 𝔐A CT [29%]
  27. Footnote δωσουσιν 𝔐K [51.4%] ¦ πεμψουσιν 𝔐A,C ANT CT PCK TR [47.7%]
  28. Footnote τας 𝔐K [57.1%] ¦ --- 𝔐A,C ECM† PCK [41.9%]
  29. Footnote εις αυτους 𝔐K [48.4%] ¦ επ αυτους 𝔐C PCK TR [19.1%] ¦ εν αυτοις 𝔐A(19) NA SBL TH WH [17.7%] ¦ αυτοις 𝔐A(18) ECM [13.5%]
  30. Footnote επεσεν 𝔐A(20),K [46.1%] ¦ επεπεσεν 𝔐A(14),C ANT CT PCK [42.4%]
  31. Footnote ηκουσα 𝔐A,C,K [90.3%] ¦ ηκουσαν ECM† NA SBL TH TR WH [6.9%]
  32. Footnote φωνην μεγαλην … λεγουσαν 𝔐K [56.9%] ¦ φωνης μεγαλης … λεγουσης 𝔐A,C CT PCK [41.3%]
  33. Footnote αναβητε 𝔐A,C,K [87.2%] ¦ αναβατε CT [11.9%]
  34. Footnote εν 𝔐K [44%] ¦ και εν 𝔐A,C ANT CT PCK RP TR [56%]
  35. Footnote ημερα 𝔐A(18),C,K [73.3%] ¦ ωρα 𝔐A(28) CT TR [26.7%]
  36. Footnote η ουαι η τριτη ιδου 𝔐C,K [64.1%] ¦ ιδου η ουαι η τριτη 𝔐A(14) CT ST [15.7%] ¦ ιδου η τριτη ουαι 𝔐A(18) [8.8%] ¦ και ιδου η ουαι η τριτη SCR [0%]
  37. Footnote λεγοντες 𝔐K(44) [24.7%] ¦ λεγουσαι 𝔐A,C,K(39) ANT ECM PCK RP TH TR [74.4%]
  38. Footnote εγενετο η βασιλεια 𝔐A(23),C,K [83.9%] ¦ εγενοντο αι βασιλειαι 𝔐A(19) TR [12.9%]
  39. Footnote εικοσι τεσσαρες 𝔐A(25),K(40) [48.6%] ¦ κδ΄ 𝔐A(22),C,K(42) ECM [50.9%] ¦ εικοσι και τεσσαρες TR [0.5%]
  40. Footnote οι ενωπιον του θρονου του θεου οι καθηνται 𝔐K [40.4%] ¦ οι ενωπιον του θεου καθημενοι 𝔐A(18),C ECM† NA PCK RP SBL TR WH [27.5%] ¦ ενωπιον του θεου καθημενοι 𝔐A(27) [14.2%] ¦ οι ενωπιον του θεου οι καθηνται TH [1.8%] ¦ οι ενωπιον του θεου καθηνται ECM† [1.8%]
  41. Footnote επεσον 𝔐A(29),C,K(50) [63.3%] ¦ επεσαν 𝔐A(18),K(33) ANT CT TR [36.2%]
  42. Footnote ην 𝔐A(27),K [66.7%] ¦ ην και ο ερχομενος 𝔐A(19),C ANT PCK TR [30.1%]
  43. Footnote ειληφας 𝔐A,C,K [99.1%] ¦ ειληφες WH [0.5%]
  44. Footnote νεκρων 𝔐A,C,K [94.1%] ¦ εθνων ANT [5.9%]
  45. Footnote και 𝔐C,K [77.1%] ¦ --- 𝔐A ANT [22.9%]
  46. Footnote τοις μικροις και τοις μεγαλοις 𝔐A,C,K [96.3%] ¦ τους μικρους και τους μεγαλους NA SBL TH WH [2.3%]
  47. Footnote διαφθειροντας 𝔐A(17),K [60.1%] ¦ διαφθειραντας 𝔐C ANT PCK [27.1%] ¦ φθειροντας 𝔐A(20) [10.6%]
  48. Footnote ηνοιχθη 𝔐K [43.5%] ¦ ηνοιγη 𝔐A,C ANT CT PCK RP TR [56%]
  49. Footnote εν 𝔐A,C,K [82.5%] ¦ ο εν ANT ECM† NA SBL TH WH [17.1%]
  50. Footnote του κυριου 𝔐C,K [51.9%] ¦ αυτου 𝔐A CT TR [32.4%] ¦ του θεου MSS [13.5%] ¦ κυριου ANT [6.9%]
  51. Footnote φωναι και βρονται 𝔐C,K [52.1%] ¦ φωναι και βρονται και σεισμος 𝔐A ANT CT TR [28.4%] ¦ βρονται και φωναι MSS [6.5%] ¦ βρονται και φωναι και σεισμοι MSS [5.1%]

The Text-Critical Greek New Testament. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.