ಪಿಲಿಪ್ಪಿ 1

1ಕ್ರಿಸ್ತ್ ಯೇಸುಚ಼ ದಾಸ್ ಜಾ಼ಲ್ಯಾಲ ಪೌಲ್ ಆನಿ ತಿಮೊಥೆ, ಪಿಲಿಪ್ಪಿತ್ ಕ್ರಿಸ್ತ್ ಯೇಸುಸ್ಲಾಗುನ್ ದೇವಾಚಿ ಲೊಕ ಜಾ಼ಲ್ಯಾಲ್ಯಾ ಸಗ್‌ಳ್ಯಾನಾ ಆನಿ ತ್ಯಂಚಿ ಸಂಗ ಆಸ್‌ಲ್ಯಾಲ್ಯಾ ಸಭೆಚಾ ಫುಡಾರಿ ಸಭೆಚಾ ಮಜ಼ತ್ ಕರ್ನಾರ‍್ಯಾನಾ ಲಿವಾಚ಼ ಕ್ಯಾ ಮಂಜೆ,

2ಆಮ್‍ಚ಼ಾ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ, ಶಾಂತಿ ಗಾವುನಿ.

ವಾಚಿವ್‌ತ್ಯಾಲ್ಯಾಂಚಿಸಾಟಿ ಪೌಲಾಚ಼ ಮಾಗ್ನ

3ಮಿ ತುಮ್ಚಿ ಯಾದ್ ಕರ‍್ತಾನಾಸ್ ಮಾಜಾ ದೇವಾಲಾ ದನ್ಯವಾದ್ ಕರ್ತೊ. 4ಮಿ ತುಮ್ಚಿಸಾಟಿ ದೇವಾಪ ಮಾಗ್ನ ಕರ್ತ್ಯಾಲ್ಯಾ ಸಗ್‌ಳ್ಯಾ ಯಳಾತ್ ಆನಂದಾನಿಸ್ ಮಾಗ್ನ ಕರ್ತ್ಯಾಲಾ ಜಾ಼ಲ್ಯೊ. 5ಕಾ ಮಂಜೆ ತುಮಿ ಆಂದಿಸ್ಟಾವ್ನಿ ಆಜ಼್ಪರ‍್ಯಾತ್ ಬರೆ ಖಬರಿಚಾ ಸಾಂಗ್‌ನ್ಯಾತ್ ಮಜ಼ತ್ಕರ್ತ್ಯಾಲ ಜಾ಼ಲ್ಯಾಸಾ. 6ಹ್ಯ ಚಾ಼ಂಗ್ಲ ಕಾಮ್ ತುಮ್ಚಿಪ ಸುರ್ವಾತ್ ಕೆಲ್ಯಾಲಾ ತ್ಯ ಚಾ಼ಲ್ವುನು ಯೇಸು ಕ್ರಿಸ್ತ್ ಯಯಾಚಾ ದಿಸಾಪರತ್ ಪುರ ಕರಾಯಾ ಆನ್ನಾರ್ ಮನ್ಹುನ್ ಮನಾ ಖಾತ್ರಿ ಹಾ. 7ತುಮ್ಚೆ ಸಗ್‌ಳ್ಯಾಂಚೆ ಗುಶ್ಟಿತ್ ಮನಾ ಆಸ ವಾಟಾಚ಼ ಶಾರ್ಕ ಹಾ. ಮಿ ತುರಂಗಾತ್ ಆಸ್ಥಾನಾ, ಬರೆ ಖಬರಿಚಾ ಪರತೇಕ್ ವಾದಾತ್ನಿ ತುಮಿ ಸಗ್ಳಿ ಮಾಜಿ ಸಂಗ ದೇವಾಚೆ ಕ್ರಪೆತ್ ವಾಟ್ನಿದಾರ್ ಜಾ಼ಲ್ಯಾಸಾ ಮನ್ಹುನ್ ತುಮಿ ಮಾಜಾ ಮನಾತ್ ಹಾಸಾ. 8ಕ್ರಿಸ್ತ ಯೇಸುಪ ಆಸ್‌ಲ್ಯಾಲೆ ಕನಿಕಾರಾಲಾ ತುಮ್ಚೆ ಸಗ್‌ಳ್ಯಾಂಚೆ ಸಾಟಿ ಕ್ಯವ್ಡಾ ತಳಮಳ್ತೊ. ಹ್ಯಲಾ ದೇವುಸ್ ವಳಕ್.

9ಆನಿ ತುಮ್ಚಿ ಮಾಯಾ ಆಜು಼ನ್ ಖುಬ್ ಪುರ‍್ಯಾ ಗಿನ್ಯಾನಾನಿ ಇಚಾರಾನಿ ವಾಡುನಿ ಮನ್ಹುನ್ ಮಿ ತುಮ್ಚಿ ಸಾಟಿ ಮಾಗ್ನ ಕರ್ತೊ. 10ಆಸಿ ಚಾ಼ಂಗ್ಲಿ ಕಾಮ ಕಚಿ ಮನ್ಹುನ್ ಸಗ್ಳಾ ಇಚಾರ್ ಕರಾಯಾ ವ್ಹಯಿ. ಮನ್ಹುನ್ ಆನಿ ಕ್ರಿಸ್ತ ಯಯಾಚಾ ದಿಸಾತ್ ತುಮಿ ನಿರ್ಮಳ್, ದೊಶ್ ನಸ್ನಾರಿ, ರಾಹ್ಯಾ ವ್ಹಯಿಸಾ 11ದೇವಾಚೆ ಮಹಿಮೆಸಾಟಿ ಆನಿ ಸ್ತೊತ್ರಾಸಾಟಿ ಯೇಸು ಕ್ರಿಸ್ತಾನಿ ಉತ್ಪನ್ ಕೆಲ್ಯಾಲ ಖರ‍್ಯಾ ಜಾ಼ಲ್ಯಾಲ್ಯಾ ಚಾ಼ಂಗಲ್ಯಾ ಗುನಾನಿ ತುಮ್‍ಚಾ಼ ಜೀವ್ನಾ ಬರ್ನಾರ್.

ಜಿವ್ನಾ ಕರಾಯಾ ಕ್ರಿಸ್ತ್

12ಬನ್ಹಿ ಬಾವ್ಹಾನು, ದೆವಾಚೆ ಮೈಮಾ ಆನಿ ಸ್ತೊತ್ರಾಸಾಟಿ ಯೆಸುಕ್ರಿಸ್ತ ಹ್ಯ ಸಗ್ಳ ಬರಿ ಖಬರ್ ಸಾಂಗಾಯಾ ಮಜ಼ತ್ ಜಾ಼ಲಿ ಮನ್ಹುನ್ ತುಮಿ ಸಮಜು಼ನ್ ಗಿಹ್ಯಾ ವ್ಹಯಿಸಾ ಮನ್ಹುನ್ ಮನ್‌ ಕರ್ತೊ. 13ಕಸ ಮಂಜೆ ಮಿ ತುರಂಗಾತ ರಾಯಲ್ಯಾಲೊ ಕ್ರಿಸ್ತಾಸ್ ಲಾಗುನುಸ್ ಮನ್ಹುನ್ ರಾಜ಼ವಾಡ್ಯಾಚಾ ರಾಖನ್ದಾರಾನಾ ಆನಿ ಬಾಕಿಚಾ ಸಗ್‌ಳ್ಯಾನಾ ಸಮಾಜ಼್ಲ ಹುತ್ತ. 14ಯವ್ಡಸ್ ನವ್ಹ ಬನ್ಹಿ ಬಾವ್ಹಾತ್‍ಲ್ಯಾ ಖುಬ್ ಜ಼ನಾನಾ ಮನಾ ಕೊಂಡಲ್ಯಾಲ್ಯಾಸ್ ಲಾಗುನ್ ಪ್ರಭುಪ ಇಸ್ವಾಸಾನಿ ದೇವಾಚಿ ಬರಿ ಖಬರ್ ಭೆ ನಸ್ಥಾನಾ ಆನಿ ಸಾಂಗಾಯಾ ಖುಬ್ ಧೀರ್ ಆಲಾ.

15ಥೊಡಜಾ಼ನ್ ಖೊಟ್ಯಾಫನಾನಿ ದುಯಿ ಗಾಲ್ಹಾಯಾ ವ್ಹಯಿ ಮನ್ಹುನ್ ಸಾಂಗ್‌ತ್ಯಾತ ಆನಿ ಥೊಡ ಚಾ಼ಂಗಲ್ಯಾ ಮನಾನಿ ಕ್ರಿಸ್ತಾಚೆ ಗುಸ್ಟಿತ್ ಸಾಂಗ್‌ತ್ಯಾತ. 16ಹೆ ತರಿ ಬರೆ ಖಬರಿಚೆ ಗುಶ್ಟಿತ್ ಉತ್ತರ್ ಸಾಂಗಾಯಾ ಸಾಟಿ ಮನಾ ಹಿತ್ತ ಗ್ಯಾತ್‌ಲ್ಯಾ ಮನ್ಹುನ್ ಸಮಜು಼ನ್ ಮಾಯೆನಿ ಹ್ಯ ಕರ್ತ್ಯಾತ. 17ತೇ ದುಸ್ರೆ ತರಚ಼ ಆಸ್‌ಲ್ಯಾವ ಮಿ ಬೆಡ್ಯಾಂಚಾನಿ ಬ್ಯಾಂದ್‌ಲ್ಯಾಲೊ ಹುತೊ ತವಾಬಿ ಮನಾ ತರಾಸ್ ಜಾಸ್ತಿ ಕರಾಯಾ ವ್ಹಯಿ ಮನ್ಹುನ್ ಯವಜು಼ನ್, ಪ್ರಾಮಾನಿಕ್ ನಸ್‌ಲ್ಯಾಲ್ಯಾನಿ ಸ್ವತಾಚಾ ಉದ್ದೆಶಾನಿ ಕ್ರಿಸ್ತಾಚೆ ಗುಸ್ಟಿತ್ ಸಾಂಗ್ನಾರ ಜಾ಼ಲ್ಯಾತ.

18ಕಸ ಜಾ಼ಲತರಿ ಕ್ಯಾ? ಕಚೆ ತರನಿಬಿ ಕಪ್‌ಟ್ಯಾನಿ ನಾಹಿತ ಖರ‍್ಯಾನಿ ವ್ಹವುನಿ ಕ್ರಿಸ್ತಾಚ಼ ಸಾಂಗ್‌ಲ್ಯಾಲ ಹಾ, ಹ್ಯನಿ ಮನಾ ಸಂತೊಶ್ ಜಾ಼ಲ್ಯಾ. ಮೊರ‍್ಹಬಿ ಸಂತೊಶ್ ವ್ಹನಾರ್. 19ಕಾ ಮಂಜೆ ತುಮ್ಚಾ ಮಾಗ್‌ನ್ಯಾನಿ ಆನಿ ಯೇಸು ಕ್ರಿಸ್ತಾಚಾ ಆತ್‌ಮ್ಯಾಚೆ ಮಜ಼ತಿನಿ ಹ್ಯ ಮಾಜೆ ಸುಟ್ನುಕಿಲಾ ಪ್ಯಾಯ್ದಾ ವ್ಹಯಿಲ್ ಮನ್ಹುನ್ ಮನಾ ಠಾವ ಹಾ. 20ಕಸ ಮಂಜೆ ಮಿ ಕಸ್ಲೆ ಗುಶ್ಟಿತ್ ಲಾಜಾ಼ಚೆ ಆಂದಿ ಖಾಯಿಮ್ಚೆಗತ್ ಆತ್ತಾಬಿ ಖುಬ್ ದಿರ‍್ಹಾನಿ ಹಾ ಮನ್ಹುನ್ ಜ಼ಗ್ಲೊ ತರಿ ಶಾರ್ಕ ಮೆಲೊ ತರಿ ಶಾರ್ಕ ಮಾಜಾ ಶರೀರಾಸ್ ಲಾಗುನ್ ಕ್ರಿಸ್ತಾಲಾ ಮೈಮಾ ವ್ಹಯಾ ವ್ಹಯಿ ಮನ್ಹುನ್ ಮಾಜ಼ ಖುಬ್ ಮನ್ ಜಾ಼ಲ್ಹ. ತಸಸ್ ವ್ಹನಾರ್ ಮನ್ಹುನ್ ಆಶಾ ಹಾ. 21ಮನಾತರಿ ಜ಼ಗಾಚ಼ ಮಂಜೆ ಕ್ರಿಸ್ತುಸ್, ಮರಾಚಾ಼ ಪ್ಯಾಯ್ದಾ. 22ಶರೀರಾತ್ ಜೀವ್ನಾ ಕರಾಯಾ ಸಾಟಿ ಮಾಜ಼ ಕಾಮ್ ಕರುನ್ ಪ್ಯಾಯ್ದಾ ಗಿಹ್ಯಾ ಮನಾ ವ್ಹನಾರ್ ಆಸ ಆಸ್ಥಾನಾ ಕಚ಼ ನಿವ್ಡುನ್ ಗಿಹ್ಯಾ ವ್ಹಯಿ ಮನ್ಹುನ್ ಮನಾ ಸಮಜ಼ನಾ. 23ಹೇ ದುನಿಚೆ ಮದ್ದಿ ಗಾವುನ್ ಪಡ್ಲೊ, ಹೀತ್ನಿ ನಿಗುನ್ ಕ್ರಿಸ್ತಾಚೆ ಸಂಗ ರಾಹ್ಯಾಚ಼ಸ್ ಮಾಜ಼ ಮನ್, ತ್ಯ ಖುಬ್ ಬರಜಾ಼ಲ್ಯಾ. 24ಫನ್ ಮೀ ಆಜು಼ನ್ ಶರೀರಾನಿ ಜಿತ್ತಾ ಹಾ ಮನ್ಹುನ್ ತುಮ್ಚಿ ಸಾಟಿ ಖುಬ್ ಗರಜ಼್ ಹಾ. 25ಮನ್ಹುನ್ ತುಮಾನಾ ಕ್ರಿಸ್ತಾಚಾ ಇಸ್ವಾಸಾತ್ ವಾಡತ್ ಸಂತೊಸ್ ವ್ಹಯಾ ಸಾಟಿ ಮೀ ಜಿತ್ತಾ ರಾಹುನ್ ತುಮ್ಚಿ ಸಂಗ ರಾನ್ಹಾರ್ ಮನ್ಹುನ್ ಘಟ್ ಇಸ್ವಾಸ್ ಹಾ. 26ಆಸಾ ಮೀ ಪರ್ತುನ್ ತುಮ್ಚಿಪ ಯತ್ಯೊ ಮನ್ಹುನ್ ತುಮಿ ಕ್ರಿಸ್ತ ಯೇಸುಚೆ ಗುಸ್ಟಿತ್ ಸಂತೊಸ್ ವ್ಹಯಾ ಸಾಟಿ ಮಾಜಿಪ್ನಿ ಖುಬ್ ಕಾರನ್ ವ್ಹನಾರ್.

ಇಸ್ವಾಸಿಂಚಾನಿ ಬರೆ ಖಬರಿಲಾ ಯೊಗ್ಯ ರಾಹ್ಯಾ ವ್ಹಯಿ ಮನ್ಹುನ್ ಶಿಕ್ಷೆನ್

27ಕಸಬಿ ಕ್ರಿಸ್ತಾಚೆ ಬರೆ ಖಬರಿಲಾ ಚಾ಼ಂಗ್ಲ ವ್ಹವುನ್ ಚಾ಼ಲಾ. ತವಾ ಮಿ ಯವುನ್ ತುಮಾನಾ ಬಗ್ಲ ತರಿ , ದುರ್ ರಾಹುನ್ ತುಮ್ಚೆ ಗುಶ್ಟಿತ್ ಐಕ್ಲತರಿ ತ್ಯವ್ಡಸ್. ತುಮಿ ತುಮ್ಚಾ ವಾದಿನಾ ಕಚೆಸ್ ಗುಸ್ಟಿತ್ ಬಿಹ್ಯಾಚೆಆಂದಿ ಯಕಾ ಮನಾನಿ ಘಟ್ ಉಬ ರಾಹುನ್ ಬರೆ ಖಬರಿವ ಥೆವ್‌ಲ್ಯಾಲ್ಯಾ ಇಸ್ವಾಸಾ ಸಾಟಿ ಯಕಾ ಮನಾನಿ ಮಿಳುನ್ ಲಡತ್ಯಾಲಿ ಜಾ಼ಲ್ಯಾಸಾ ಮನ್ಹುನ್ ಮಿ ಸಮಜು಼ನ್ ಗೆನ್ಹಾರ್. 28ತುಮ್ಚಾ ವಿರೊದಿನಾ ಬಿಹು ನಕೊಸಾ ಕಾ ಮಂಜೆ ತುಮಿ ಆಸಿ ರಾಹ್ಯಾಚ಼ ವಾದಿಂಚಾ ನಾಸಾಲಾಬಿ , ತುಮ್ಚೆ ರಕ್ಷೆನೆಲಾಬಿ ಯೆಕ್ ವಳಕ್ ಜಾ಼ಲೆ. ಹ್ಯ ದೆವ್ ಕರ್ತ್ಯೊ. 29ಕಾ ಮಂಜೆ ಕ್ರಿಸ್ತಾವ ಇಸ್ವಾಸ್ ಥೆವಾಚಾ಼ ತ್ಯವ್ಡಸ್ ನವ್ಹ ತ್ಯಚಿ ಸಾಟಿ ದುಖ್ ಗಿಹ್ಯಾಚ಼ ತುಮಾನಾ ಯೊಕ್ ಬರಾ ಅವಕಾಸ್ ಗಾವಲ್ಯಾ. 30ಆಸ ತುಮಿ ಮಾಜಿಪ ಬಗ್‌ಲ್ಯಾಲ ಆನಿ ಆತಾ ಮಾಜೆ ಗುಶ್ಟಿತ್ ಐಕ್‌ತ್ಯಾಲಾ ತ್ಯೊಸ್ ತರಾಸ್ ತುಮಾನಾಬಿ ಹಾ.