ಮಾರ್ಕ್ 11

ಯೇಸು ರಾಜಾಚೆಗತ್ ಯೆರುಸಲೆಮಿತ್ ಗೆಲ್ಯಾಲಾ

(ಮತ್ತಾಯ್ 21:1-11; ಲುಕ್ 19:28-40; ಯೊಹಾನ್ 12:12-19)

1ಯೇಸು ಆನಿ ತ್ಯಚ಼ ಶಿಶಾ ಯೆರುಸಲೆಮಿಚೆ ಜ಼ವಳ್ ಆಸ್‌ಲ್ಯಾಲೆ ಬೆತ್ಪೆ ಆನಿ ಬೆತಾನಿಚೆ ಕಡಸ್ ಆಲ ತವಾ. ತೇ ಆಲಿವ್ ಜಾ಼ಢಾಚಾ ಗುಢ್ಯಾವ ಪೋಚ಼್ಲ ತಿಥ ಯೇಸುನಿ ಆಪ್‌ಲ್ಯಾದೊಗಾ ಶಿಶಾನಾ ಹಾಕ್ಟುನ್ 2“ತಿಥ ದಿಸಥ್ಯಾಲ್ಯಾ ಗಾವಾತ್ ಜಾ಼ವಾ. ತುಮಿ ತಿಥ ಗೆಲಾಸಾಕಿ ಕಂದಿಸ್ ಕೊನ್ ತ್ಯಚಿವ ಬಸ್‌ಲ್ಯಾನಸ್‌ಲ್ಯಾಲ ಯೊಕ್ ಗಾಡ್ವಾಚಾ಼ ಪೆಟಾ ಬ್ಯಾಂದ್‌ಲ್ಯಾಲಾ ದಿಸಲ್. ತ್ಯಲಾ ಗಿಹುನ್ ಮಾಜಿಪ ಯವಾ. 3ಕುನಿತರಿ ತ್ಯಲಾ ಕಾ ಗಿಹುನ್ ಜಾ಼ತಾಸಾ ಮನ್ಹುನ್ ತುಮಾನಾ ಇಚಾರ್ಲತ, ದನ್‌ಹ್ಯಾಲಾ, ವ್ಹಯಿಜಾ಼ಲ್ಯಾ. ತ್ಯೊ ಹ್ಯಲಾ ಬಿಗಿನಿ ಮಾಗಾರಾ ಲಾವುನ್ ದೆನಾರ್ ಮನ್ಹುನ್ ತ್ಯಲಾ ಸಾಂಗಾ” ಮನ್ಹುನ್ ಸಾಂಗುನ್ ತ್ಯನಾ ಲಾವುನ್ ದಿಲ.

4ಶಿಶಾ ಗಾವಾತ್ ಗೆಲ ತವಾ ವಾಟಚೆ ಕಡಸಲ್ಯಾ ಯಕಾ ಗರ‍್ಹಾಚಾ ದಾರಾಚೆ ಕಡಸ್ ಬ್ಯಾಂದ್‌ಲ್ಯಾಲ ಗಾಡಾವ್ ದಿಸ್ಲ. ಶಿಶಾಂಚಾನಿ ತ್ಯ ಗಾಡಾವ್ ಶೊಡ್ಲ ತವಾ, 5ತಿಥ ಉಬಿ ರಾಯ್‌ಲ್ಯಾಲ್ಯಾ ಲೊಕಾಂಚಾನಿ “ತುಮಿ ಕ್ಯಾ ಕರ್ತಾಸಾ? ತ್ಯಲಾ ಕಾ ಶೊಡ್ತಾಸಾ? ಮನ್ಹುನ್” ಇಚಾರ್ಲ. 6ಯೇಸುನಿ ಆಪ್‌ಲ್ಯಾಲಾ ಸಾಂಗ್‌ಲ್ಯಾ ಶಾರ್ಕ ಶಿಶಾಂಚಾನಿ ಸಾಂಗ್ಲ. ತವಾ ಲೊಕಾಂಚಾನಿ ಗಾಡಾವ್ ತ್ಯನಾ ಸುಡುನ್ ದಿಲ.

7ಶಿಶಾಂಚಾನಿ ಗಾಡಾವ್ ಯೇಸುಪ ಆನುನ್ ಆಪ್ಲ ಶಾಲು ಗಾಡ್ವಾವರ್ ಹಾತರ್ಲ. ತವಾ ಯೇಸು ತ್ಯಾವರ್ ಬಸ್ಲಾ. 8ಖುಬ್ ಲೊಕಾಂಚಾನಿ ತ್ಯಚಿ ಸಾಟಿ ವಾಟವ ಆಪ್ಲ ಕಪ್ಡ ಹಾತರ್ಲ. ದುಸ್‌ರ‍್ಯಾ ಥೊಡ್ಯಾಂಚಾನಿ ಬಾಗತ್ನಿ ಪಾನ ಕಾಪುನ್ ಆನುನ್ ವಾಟವ ಪಗಳ್ಳಿತ. 1 9ಥುಡಿ ಲೊಕ ಯೇಸುಚೆ ಮೊರ‍್ಹ ಆನಿ ಮಾಗ್ಹ ಜಾ಼ತ್ಯಾಲಿ

“ತ್ಯಲಾ ಸ್ತುತಿ ಕರಾ!

ಪ್ರಬುಚಾ ನಾವಾನಿ ಯತ್ಯೊ ತ್ಯಲಾ ದೇವ್ ಆಶಿರ್ವಾದ್ ಕರುನಿ!

10ಆಮ್‌ಚಾ಼ ವಡಿಲ್ ದಾವಿದಾಚ಼ ಯನಾರ್

ತ್ಯಲಾ ದೇವ್ ಆಶಿರ್ವಾದ್ ಕರುನಿ!

ದೇವಾಲಾ ಸ್ತುತಿ ವ್ಹವುನಿ ಆಸಿ ಜೊ಼ರಾನಿ ಮನ್ಹಿತಿತ.

11ಯೇಸುನಿ ಯೆರುಸಲೆಮಿತ್ ಪ್ರವೆಸ್ ಕರುನ್, ದೇವ್ಳಾತ್ ಜಾ಼ವುನ್ ತಿತ್ಲ ಸರ್ಬೌಥ ಸಗ್ಳ ಬಗ್ಲ. ಫನ್ ತವಾ ಯೊಳ್ ಜಾ಼ಲ್ಥಾ. ಮನ್ಹುನ್ ಯೇಸು ಬಾರಾ ಜಾ಼ನ್ ಶಿಶಾಂಚಿ ಸಂಗ ಬೆತಾನಿತ್ ಗೆಲಾ.

ವಾಳ್ಯಾಲ ಅಂಜು಼ರಾಚ಼ ಝಾ಼ಡ್

(ಮತ್ತಾಯ್ 21:18-19)

12ದಿಸ್ರೆ ದಿಸಿ ತೇ ಬೆತಾನಿತ್ನಿ ಯಯಿತ್ ಆಸ್ಥಾನಾ ಯೇಸುಲಾ ಭುಕ್ ಲಾಗ್ಲಿ. 13ತ್ಯನಿ ಪಾನಾನಿ ಬರ್‌ಲ್ಯಾಲ ಯಾಕ್ ಅಂಜು಼ರಾಚ಼2 ಜಾ಼ಡ್ ಬಗ್ಲ. ಆನಿ ತ್ಯಲಾ ಫಳ ಲಾಗ್‌ಲ್ಯಾತ ಕ್ಯಾ ಬಗಾಯಾ ತಿಥ ಗೆಲಾ. ಖರ ತ್ಯಲಾ ತಿಥ ಯಾಕ್ಬಿ ಫಳ್ ದಿಸ್ಲ ನಾಹಿ. ನಿಸ್ಥಿ ಪಾನ ತ್ಯವ್ಡಿಸ್ ಹುತ್ತಿತ ಕಾ ಮನ್‌ಲ್ಯಾವ ತ್ಯ ಪಿಕಾಚ ಸಿಜ಼ನ್ ನವ್ಥ. 14ಮನ್ಹುನ್ ಯೇಸುನಿ ತ್ಯಾ ಜಾ಼ಢಾಲಾ, ಹಿತ್ನಿ ಮೊರ‍್ಹ ತುಜ಼ ಫಳ್ ಕುನಿ ಖಾವು ನಾಹಿ ಆಸ ವ್ಹವುನಿ ಮನ್ಲಾ. ಯೇಸುಚಾ ಶಿಶಾಂಚಾನಿಬಿ ಹ್ಯೊ ಸಬೊತ್ ಐಕ್ಲಾ.

ದೇವ್ಳಾತ್ ಮಾಗ್ನ ಕರಾಚ಼

(ಮತ್ತಾಯ್ 21:12-17; ಲುಕ್ 19:45-48; ಯೊಹಾನ್ 2:13-22)

15ತೇ ಯೆರುಸಲೆಮಿತ್ ಆಲ. ತವಾ ಯೇಸು ದೇವ್ಳಾತ್ ಗೆಲಾ ತಿಥ ಸಾಮಾನ್ ಇಕ್‌ತ್ಯಾಲ್ಯಾನಾ ಗೆಥ್ಯಾಲ್ಯಾನಾ ತ್ಯನಿ ತಿಥ್ನಿ ಬಾಹಿರ್ ಪಳಿವ್ಲಿತ; ಪೈಶಾಚಾ಼ ಯವಾರ್ ಕರ್ತ್ಯಾಲ್ಯಾಂಚಿ ಬೆಂಚ ಕವ್ಡ ಇಕ್‌ತ್ಯಾಲ್ಯಾಂಚಿ ಬಿಸ್ನಿ ತ್ಯನಿ ಪಾಡುನ್ ಗ್ಯಾತ್ಲಿತ. 16ವಜ್ಜಿ ಗಿಹುನ್ ಯಹುದಿಂಚಾ ಮೊಟ್ಯಾ ದೇವ್ಳಾಚಾ ಆಂಗ್ನಾತ್ನಿ ಜಾ಼ತ್ಯಾಲ್ಯಾನಾ ತ್ಯನಿ ಥಾಂಬಿವ್ಲಿತ. 17ಮಂಗ್ ಯೇಸುನಿ ತ್ಯಾ ಲೊಕಾನಾ “ಮಾಜ಼ ದಿವುಳ್ ಸಗ್‌ಳ್ಯಾ3 ದೇಸೆತ್‌ಲ್ಯಾ ಲೊಕಾಂಚ಼ ಮಾಗ್‍ನ್ಯಾಚ ದಿವುಳ್ ವ್ಹಯಾಚ಼, ಮನ್ಹುನ್ ಪವಿತ್ರ ಶಾಸ್ತಾರಾತ್ ಪರ್ಮೇಶ್ವರಾನಿ ಸಾಂಗ್‌ಲ್ಯಾ. ಫನ್ ತುಮಿ ದಿವುಳ್ ಚೊ಼ರಾಚಿ4 ಘಬ್ ಕಿಲಿಸಾ” ಮನ್ಲಾ.

18ಲೊಕ ಸಗ್ಳಿ ಯೇಸುಚಿ ಗ್ಯೋಸ್ಟ್ ಐಕುನ್ ಖುಬ್ ಗಾಭಾರ್ಲ್ಯಾಲಿ ಹುತ್ತಿತ ಮನ್ಹುನ್ ಮುಖ್ಯ ಯಾಜಕ ಆನಿ ದರ್ಮಶಾಸ್ತಾರ್ ಸಿಕಿವ್‌ತ್ಯಾಲ ಯೇಸುಲಾ ಬಿಹ್ಯಾಲ ಆನಿ ಯೇಸುಚ಼ ಹೆ ಸಬ್ಧ ಐಕುನ್ ತ್ಯಲಾ ಠಾರ್ ಮಾರಾಯಾ ಪಾರಕ್ ಯವಜಾ಼ಯಾ ಲಾಗ್ಲ.

19ತಿಸಿ ಶಾಂಜ಼್ ಜಾ಼ಲಿ ತವಾ ಯೇಸು ಆನಿ ತ್ಯಚ಼ ಶಿಶಾ ಶಾರ್ ಸುಡುನ್ ಬಾಹಿರ್ ಗೆಲ.

ಅಂಜು಼ರಾಚಾ ಜಾ಼ಢಾಚಾ಼ ಪಾಟಾ

(ಮತ್ತಾಯ್ 21:20-22)

20ದಿಸ್ರೆ ದಿಸಿ ಸಕಾಳಚ಼, ವಾಟನಿ ಜಾ಼ತಾನಾ. ಮಾಗ್‍ಲ್ಯಾ ದಿಸಾ ದಿಸಿ ಯೇಸುನಿ ಸರಾಪ್‌ಲ್ಯಾಲ ಅಂಜು಼ರಾಚ಼ ಝಾ಼ಡ್ ತ್ಯಂಚಾನಿ ಬಗ್ಲ ತ್ಯ ಝಾ಼ಡ್ ಮುಳಾ ಸಾಹಿತ್ ವಾಳುನ್ ಗೆಲ್ತ. 21ಪೇತ್ರಾನಿ ಜಾ಼ಲಹ್ಯಾಲ ಯವಜು಼ನ್, ಯೇಸುಲಾ, “ಪ್ರಬು, ಬಗ್! ಕ್ಯಾಲ್ ತು ಸರಾಪ್‌ಲ್ಯಾಲ ಅಂಜು಼ರಾಚ಼ ಝಾ಼ಡ್ ವಾಳುನ್ಗೆಲ್ಯಾ” ಮನ್ಲಾ.

22ಯೇಸು, “ದೇವಾವ ಇಸ್ವಾಸ್ ಥೆವಾ” ಮನ್ಲಾ. 23“ಮಿ ತುಮಾನಾ ಖರ ಸಾಂಗ್ತೊ. ಕೊನ್ತರಿ ಹ್ಯಾ ಗುಢ್ಯಾಲಾ, ತು ಉಪ್ಟುನ್ ಜಾ಼ವುನ್ ಸಮಿಂದೊರಾತ್ ಪಡ್, ಮನ್ಹುನ್ ಸಾಂಗುನ್, ಆನ್ಮಾನ್ ನಸ್ಥಾನಾ, ತ್ಯನಿ ಸಾಂಗ್‌ಲ್ಯಾಲ ವ್ಹನಾರ್ ಮನ್ಹುನ್ ಇಸ್ವಾಸ್ ಥೆವ್‌ಲ್ಯಾವ, ಪರ್ಮೇಶ್ವರ್ ತ್ಯ ತ್ಯಚಿಸಾಟಿ ಕರ್ನಾರ್. 24ಮನ್ಹುನ್ ತುಮಿ ಮಾಗ್ನ ಕರ್ತಾನಾ ಕಾಯ್ತರಿ ಮಾಗ್‍ಲ್ಯಾವ ತ್ಯ ಗಾವ್ಲ ಮನ್ಹುನ್ ಇಸ್ವಾಸ್ ಥೆವ್ಲಾತ ತವಾಸ್ ತುಮಿ ಮಾಗ್‍ಲ್ಯಾಲ ತುಮಾನಾ ಗಾವ್ಲ 25ತುಮಿ ಮಾಗ್ನ ಕರ್ತಾನಾ ತುಮಾನಾ ಕುನಾವತರಿ ಕಸ್ಲಾತರಿ ರಾಗ್ ಆಸ್‌ಲ್ಯಾಲಾ ಯದತ್ ಆಲ್ಯಾವ ತ್ಯಲಾ ಮಾಪ್ ಕರಾ. 26ತವಾ ಪರಲೊಕಾತ್ಲಾ ದೆವ್ ತುಮ್ಚಿ ಚು಼ಕ್ ಮಾಪ್ ಕರಿಲ್” ಮನ್ಲಾ5.

ಯೇಸುಚಾ ಅಧಿಕಾರಾವ ಆಲ್ಯಾಲಾ ಆನ್ಮಾನ್

(ಮತ್ತಾಯ್ 21:23-27; ಲುಕ್ 20:1-8)

27ಯೇಸು ಆನಿ ತ್ಯಚ಼ ಶಿಶಾ ಆನಿಕ್ ಯಂಗ್ದಾ ಯೆರುಸಲೆಮಿತ್ ಆಲ. ಯೇಸು ದೆವ್ಳಾತ್ ಫಿರತ್ ಆಸ್ಥಾನಾ ಮುಖ್ಯ ಯಾಜಕ್ ದರ್ಮ ಉಪದೆಸ್ ಕರ್ತ್ಯಾಲ ಆನಿ ಯೆಹುದಿ ಜಾಂತ ತ್ಯಚಿಪ ಯವುನ್. 28“ಹ್ಯ ಸಗ್ಳ ಕರಾಯಾ ತುಲಾ ಕ್ಯಾ ಹಾಕ್ ಹಾ? ಕುನಿ ಹ್ಯೊ ಹುಕುಮ್ ದಿಲಾ? ಆಮಾನಾ ಸಾಂಗ್!” ಮನ್ಲ.

29ಯೇಸು ತ್ಯನಾ “ಮಿ ತುಮಾನಾ ಯೊಕ್ ಸಬ್ಧ ಇಚಾರ್ತೊ. ತುಮಿ ಮಾಜಾ ಸಬ್ಧಾಲಾ ಉತ್ತರ್ ದಿಲ್ಯಾವ ಮಿ ಕಚಾ ಹುಕ್ಮಾನಿ ಹ್ಯ ಕರ್ತೊ ಮನ್ಹುನ್ ತುಮಾನಾ ಸಾಂಗ್ತೊ. 30ಯೊಹಾನಾನಿ ಲೊಕಾನಾ ಪವಿತ್ರ ಬಾಪ್ತಿಸ್ಮಾ ದಿಲ್ಯಾಲ ದೇವಾನಿ ದಿಲ್ಯಾಲ್ಯಾ ಹುಕ್ಮಾನಿ ಕ್ಯಾ ಮಾನ್ಸಾನಿ ದಿಲ್ಯಾಲ್ಯಾ ಹುಕ್ಮಾನಿ? ಮನಾ ಸಾಂಗಾ!” ಮನ್ಲಾ.

31ತವಾ ತ್ಯಂಚಾನಿ, “ಆಮಿ ಕ್ಯಾ ಸಾಂಗುಯಾ ದೇವಾಪ್ನಿ ಆಲ್ಯಾಲಾ ಹಾಕ್ ಮನ್‌ಲ್ಯಾವ ತುಮಿ ಕಾ ತ್ಯಚಿವ ಇಸ್ವಾಸ್ ಥೆವ್ಲಾ ನಾಹಿಸಾ ಮನ್ಹುನ್ ಇಚಾರ್ನಾರ್. 32ಯೆಕ್ ವೆಳಿ ಮಾನ್ಸಾಪ್ನಿ ಆಲ್ಯಾಲ್ಯಾ ಹುಕ್ಮಾನಿ ಮನ್‌ಲ್ಯಾವ ಲೊಕ ಆಮ್ಚಿವ ರಾಗ್ ಕರ್ನಾರ್” ಮನ್ಹುನ್ ಆಪ್‍ಲ್ಯಾ ಆಪ್‌ಲ್ಯಾತ್ ಬೋಲ. (ಸಗ್‌ಳ್ಯಾಲೋಕಾಂಚಾನಿ ಯೊಹಾನ್ ಪ್ರವಾದಿ ಮನ್ಹುನ್ ಇಸ್ವಾಸ್ ಥೇವ್ಲಾ ಹುತ್ತಾ) ಮನ್ಹುನ್ ಲೊಕಾನಾ ಬಿಹ್ಯಾಲ.

33ಹ್ಯಚೆ ಸಾಟಿ ತೆ ಯೇಸುಲಾ, “ತ್ಯ ಆಮಾನಾ ಠ್ಹಾವ ನಾಹಿ” ಮನ್ಲ.

ಯೇಸುನಿ ತ್ಯನಾ, “ತಸ ಜಾ಼ಲ್ಯಾ ಮಿ ಸಾಹಿತ್ ಕಚಾ ಹಕ್ಕಾನಿ ಹ್ಯ ಸಗ್ಳ ಕರ್ತೊ ತುಮಾನಾ ಸಾಂಗಿತ್ ನಾಹಿ” ಮನ್ಲಾ.