ಎಫೆಸಾತ್‌ಲ್ಯಾನಾ 4:2

ಶರೀರಾತ್ ಯಕಿ

1ತುಮಾನಾ ದೇವಾನಿ ಹಾಕಟ್‌ಲ್ಯಾತ ತ್ಯಚಿಸ್ಲಾಗುನ್ ಚಾ಼ಂಗ್ಲಿ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಪ್ರಭುಚೆ ಸೇವೆಸ್ಲಾಗುನ್ ತುಂರ್ಗಾತ್ ಆಸ್‌ಲ್ಯಾಲಾ ಮೀ ತುಮಚಿಪ ಮಾಕ್ತೊ. 2ತುಮಿ ಬಾರಿಕ್ ವ್ಹವುನ್, ಸಾದಿ ವ್ಹವುನ್ ಖುಬ್ ಥಂಡ್ಪನಾನಿ ರಾಹುನ, ಮಾಯೆನಿ ಯಕಾ ಮಕಾಲಾ ಸುಸ್ವುನ್‍ಗೆವಾ. 3ಥಂಡ್ಪನಾಚಾ ಬಾಂದ್ನಾತ್ ಗಾವುನ್ ಪವಿತ್ರಾತ್ಮಾನಿ ಜಾ಼ಲ್ಯಾಲಿ ಯಕಿ ರಾಕಾಯಾ ಹುರ‍್ಪಾನಿ ರಾವ್ಹಾ. 4ತುಮಾನಾ ಹಾಕಟ್ಲಿತ ತವಾ ಯಕಸ್ ಆಸೆಸಾಟಿ ಹಾಕಟ್‌ಲ್ಯಾಚೆಗತ್, ತುಮಿ ಸಗ್ಳಿ ಯಕಾಸ್ ಶರೀರಾತ್ ಮಿಸಾಳ್ಯಾಲಿ, ಯಾಕುಸ್ ಆತ್ಮ ಗೆತಲ್ಯಾಲಿ, 5ತುಮಾನಾ ಸಗ್‍ಳ್ಯಾನಾ ಪ್ರಭು ಯೊಕುಸ್, ಇಸ್ವಾಸ್ ಯೊಕುಸ್, ಬಾಪ್ತಿಸ್ಮಾ ಯೆಕುಸ್, 6ಸಗ್‌ಳ್ಯಾನಾ ಬಾ ಜಾ಼ಲ್ಯಾಲಾ ದೇವ್ ಯೊಕುಸ್. ತ್ಯೊ ಸಗ್‌ಳ್ಯಾಂಚೆ ವರ್ ರಾಥ್ಯಾಲಾ, ಸಗ್‍ಳ್ಯಾಂಚಾಪ್ನಿ ಕಾಮ ಕರ್ನಾರಾ, ಸಗ್‌ಳ್ಯಾಪ್ನಿ ರಾನಾರಾ ಜಾ಼ಲ್ಯಾ.

7ಫನ್ ಕ್ರಿಸ್ತಾಚಾ ವರಾಚಾ ಮಾಪಾ ಶಾರ್ಕ ಪರತೆಕಾಲಾ ಕ್ರುಪಾವರ ದಿಲ್ಯಾ. 8ಮನ್ಹುನ್ ಪವಿತ್ರ ಗ್ರಂತಾತ್ ಆಸ ಲಿವಲ್ಯಾ,

ತ್ಯೊ ವರ್ ಗೆಲಾತವಾ

ಆಪ್ನು ತುರುಂಗಾತ್‌ಲ್ಯಾನಾ ದರುನ್ ನಿವ್ಹುನ್

ಮಾನ್ಸಾನಾ ವರ ದಿಲಿತ.

9ವರ್ ಗೆಲಾ ಮನ್ಹುನ್ ಸಾಂಗ್‌ಲ್ಯಾಲ್ಯಾಚಾ಼ ಅರ್ಥ ಕ್ಯಾ? ದರ್ತಿಚಾ ತ್ಯಾ ಜಾ಼ಗ್ಯಾತ್ ಉತಾರ‍್ಲಾ ಹುತಾ ಮನ್ಹುನ್ ಸಾಂಗ್‌ಲ್ಯಾ ಶಾರ್ಕ ಜಾ಼ಲನಾಹಿ ಕ್ಯಾ? 10ಖಾಲ್ ಉತ್ರುನ್ ಆಲ್ಯಾಲಾ, ತ್ಯೊಸ್ ಸಗಳಿಕ್ಡ ರಾಹ್ಯಾ ಸಗಳ್ಯಾ ಸ್ವರ್ಗಾವ್ನಿ ವೈಲ್ಯಾ ಠಿಕಾನ್ಯಾವ ಚ಼ಡ್ಲಾ. 11ತ್ಯನಿ ಥೊಡ್ಯಾನಾ ಅಪೊಸ್ತಲ್, ಥೊಡ್ಯಾನಾ ಪ್ರವಾದಿ, ಥೊಡ್ಯಾನಾ ಬರಿ ಖಬರ್ ಸಾಂಗ್ನಾರ, ಥೊಡ್ಯಾನಾ ಸಭಾ ಚಾ಼ಲಿವ್ನಾರ, ಸಿಕಿವ್ನಾರ ತರಿವ್ಲ. 12ಸೆವೆಚಾ ಕಾಮಾಸಾಟಿ ದೆವಾಚಾ ಲೊಕಾನಾ ತಯಾರ ಕರಾ ಕ್ರಿಸ್ತಾಚ಼ ಶರಿರ್ ಬಾಂದಾಯಾಸಾಟಿ, ತ್ಯನಿ ಆಸ ಕೆಲ 13ಮನ್ಹುನ್ ಸಗ್ಳಿ ಯಕಾಸ್ ಇಸ್ವಾಸಾನಿ ದೇವಾಚಾ ಲೇಕಾಚೆ ಗುಶ್ಟಿತ್ ಗಿನ್ಯಾನಾನಿ ಯೇಕ್ ವ್ಹಯಿ ಪರ‍್ಯಾತ್ ಹಿ ಸೇವಾ ಮೊರ‍್ಹ ಜಾ಼ಯಾ ವ್ಹಯಿ. ಆಮಿ ಪರಿ ಪುರ್ನ ವ್ಹಯಿ ಪರ‍್ಯಾತ್ ಮಂಜೆ ಕ್ರಿಸ್ತಾಚಾ ಸರ್ವ್ಯಾತ್ ಪೊಚ಼ ಪರ‍್ಯಾತ್ ಮೊರ‍್ಹ ಜಾ಼ಯಾ ವ್ಹಯಿ. 14ಮನ್ಹುನ್ ಆಮಿ ಹಿತ್ನಿ ಮೊರ‍್ಹ ಮುಲಾಚೆ಼ಗತ್ ನಸಾವ, ಬುರಶಾ ಮಾನ್ಸಾಚಾ ಕಪಟ್ಫನಾನಿ, ಪಿತುರಿತ್ ಗಾವುನ್, ತರ ತರಚಾ ಸಿಕಿವ್‌ನ್ಯಾನಿ ಕಂಗಾಲ್ ವ್ಹವುನ್ ವಾರ‍್ಯಾನಿ ಹಿಕ್ಡ ತಿಕ್ಡ ಫಿರ್ತ್ಯಾಚೆಗತ್ ವ್ಹಯಾಚೆ಼ ಆಂದಿ, 15ಮಾಯಾನಿ ಖರತ್ಯ ಬೊಲತ್ ಸಗ್ಳೆ ಗುಸ್ಟಿತ್ನಿ ಡುಯಿ ಜಾ಼ಲ್ಯಾಲ್ಯಾ ಕ್ರಿಸ್ತಾಪ ವಾಡುಯಾ. 16ಶರೀರ್ ಸಗ್ಳ ತ್ಯಚಿಪ್ನಿ ಪರತೆಕ್ ಸಾಂದ್ಯಾನಿ ಗಟ್ ಜು಼ಡುವುನ್ ಗಿಹುನ್ ಎಕ್ ರಾಹುನ್ , ಪರತೆಕ್ ಭಾಗ್ ಆಪ್ಲ ಆಪ್ಲ ಕಾಮ್ ಕರ್ತ್ಯಾಲ್ಯಾಸ್ ಲಾಗುನ್ ಶರೀರ್ ಮಾಯೆತ್ ವಾಡತ್ ಆರೊಗ್ಯವಾನ್ ರಾತ.

ಕ್ರಿಸ್ತಾಪ ನವಾ ಜೀವ್ನಾ

(ಕೊಲೊಸ್ಸೆ 3:5-17)

17ಮನ್ಹುನ್ ಮೀ ಪ್ರಭುಪ ಸಾಂಗಾಚ಼ ಕ್ಯಾ ಮಂಜೆ ಇಸ್ವಾಸಾತ್ ನಸಲ್ಯಾಲಿ ಲೊಕ ಚಾ಼ಲತ್ಯಾಸಾರಿ ತುಮಿ ಹಿತ್ನಿ ಮೊರ‍್ಹ ಚಾ಼ಲುನಾಹಿ. ತೀ ಉಪೆಗ್ ನಸಲ್ಯಾಲೆ ಬುದಿನಿ ಚಾ಼ಲತ್ಯಾತ. 18ತ್ಯಂಚಾ ಮನಾನಾ ಆಂದಾರ್ ಆಲ್ಯಾ, ತೀ ಆಪ್ಲೆ ಹಾಟಿಸ್ಲಾಗುನ್ ಆನಿ ಆಪ್‌ಲ್ಯಾ ಖುಳ್ಯಾ ಪನಾಸ್ಲಾಗುನ್ ದೇವಾಪ್ನಿ ಗಾವ್ನಾರ‍್ಯಾ ಜೀವ್ನಾತ್ನಿ ದುರ್ ಜಾ಼ಲ್ಯಾತ. 19ತೀ ಮರ‍್ಯಾದ್ ಸುಡುನ್ ಆಪಲ್ಯಾಲಾ ಬುರಶಾಚಾ ತಾಬ್ಯಾತ್ ದಿವುನ್ ಹೌರ ಫನ್ ಕರತ್ಯಾಲಿ ಜಾ಼ಲ್ಯಾತ.

20ಫನ್ ತುಮಿ ತರಿ ಕ್ರಿಸ್ತಾಚೆ ಗುಸ್ಟಿತ್ ತಸ್ಲ ಸಿಕ್ಲಾ ನಾಹಿಸಾ. 21ಕಾ ಮಂಜೆ ಖರ‍್ಯಾನಿಸ್ ತುಮಿ ತ್ಯಚೆ ಗುಶ್ಟಿತ್ ತುಮಿ ಐಕ್‌ಲ್ಯಾಸಾ ಆನಿ ಯೇಸುವ ಆಸ್‌ಲ್ಯಾಲ್ಯಾ ಖರ‍್ಯಾತ್ ತುಮಿ ಸಿಕ್‌ಲ್ಯಾಸಾ. 22ಮನ್ಹುನ್ ತುಮಿ ತುಮ್ಚೆ ಪೈಲೆ ಚಾ಼ಲ್ನುಕಿಶಾರ್ಕಿ ಚಾ಼ಲಾಚೆ ಆಂದಿ ತಿ ಸೊಡಾಯಾ ವ್ಹಯಿಸಾ. ತಿ ಕಪಟ್ಪನಾಚೆ ಆಶಾನಿ ನಾಸ್ ವ್ಹತ್ಯಾಲಿ. 23ತುಮಿ ತುಮ್‍ಚ಼ ಮನ್ ಪುರ ನವಿನಿ ಬದ್ಲಾ. 24ಆನಿ , ನವಾ ಸಭಾವ್ ಗೆವಾ ತ್ಯೊ ಸಭಾವ್ ದೇವಾ ಶಾರ್ಕಾ ಖರ‍್ಯಾನಿ ನಿಯತಿಚಾ಼ ವ್ಹವುನ್, ಪವಿತ್ರ ಕೆಲ್ಯಾ.

25ಮನ್ಹುನ್ ಪರತೆಕ್ ಯೊಕ್ ಆಪ್‌ಲ್ಯಾ ಯಕಾ ಮಕಾಚೆ ಸಂಗ ಲಬಾಡ್ ಸುಡುನ್ ಖರತ್ಯ ಬುಲುನಿ. ಕಾ ಮಂಜೆ ಆಮಿ ಪರತೆಕ್ ಜಾ಼ನ್ ಯಕಾಸ್ ಶರೀರಾಚ಼ ಭಾಗ್ ಜಾ಼ಲ್ಯಾವ್. 26ರಾಗ್ ಕೆಲಾಸಾತರಿ ಪಾಪ್ ಕರುನಕೊಸಾ, ದೀಸ್ ಮಾವ್ಳಾಚೆ ಆಂದಿ ತುಮ್‍ಚಾ಼ ರಾಗ್ ನಿವ್ಳುನಿ. 27ಸೈತಾನಾಲಾ ಜಾ಼ಗಾ ದಿವುನಕೊಸಾ. 28ಚು಼ರಿ ಕರ್ನಾರಾ ಹಿತ್ನಿ ಮೊರ‍್ಹ ಚು಼ರಿ ಕರಾಚೆ ಆಂದಿ ಚಾ಼ಂಗ್ಲ ಕಾಮ್ ಕರುನಿ. ತವಾ ಗರಿಬಾನಾ ದಿಯಾ ತ್ಯಲಾ ವ್ಹನಾರ್. 29ತುಮ್ಚಾ ತೊಂಡಾತ್ನಿ ಕಸ್ಲಸ್ ಬುರ್ಸ ಸಬಾತ್ ಯವುನಾಹಿತ. ಭಕ್ತಿ ವಾಡಾಯಾ ವ್ಹಯಿಜಾ಼ಲ್ಯಾಲ್ಯಾ ಬೊಲ್ಯಾ ಬೊಲ್ಯಾವ ಐಕ್‌ತ್ಯಾಲ್ಯಾನಾ ಬರ ರಾಹಿಲ್. 30ದೇವಾಚಾ ಪವಿತ್ರಾತ್ಮಾಲಾ ದುಕ್ವು ನಕೊಸಾ. ತ್ಯಚಿಪ್ನಿಸ್ ಸುಟ್ನುಕಿಚಾ ದಿಸಾಸಾಟಿ ಸಿಕಾ ಗೆತಲ್ಯಾಸಾನವ್ಹ. 31ಸಗ್ಳ ವಾದ್, ರಾಗ್, ಸಂತಾಪ್, ಬಾಂಡಾನ್, ನಿಂದಾ ಹ್ಯ ಸಗ್ಳೆ ತರಚ಼ ನೀಚ಼್ ಪನ್ ತುಮ್ಚಿಪ್ನಿ ದುರ್ ಕರಾ. 32ಹ್ಯಚೆ ಬದಲ್ ಯಕಾಮಕಾಸಂಗ ದಯೆನಿ, ಕರ್ನಾನಿ ರಾವ್ಹಾ. ದೇವಾನಿ ತುಮಾನಾ ಕ್ರಿಸ್ತಾಪ ಮಾಪ್ ಕೆಲ್ಯಾ ಶಾರ್ಕ ತುಮಿ ಯಕಾ ಮಕಾಲಾ ಮಾಪ್‍ಕರಾ.