यहेज्केल 9

यरुशलेम को दण्ड

1फिर ओने मरा कान मे जोर से पुकारते हये बोल्यो, उनखे मरा पास लीआ, जिनखे शहर का दुनियाहोन को न्याय करन का लिये ठहरायो हइ, अरु उनका मे से हर एक का हाथ मे हथियार हुये. 2इनका मे से छे: अदमी उत्तर की तरफ से उपर की फाटक का रस्ता से अपना अपना हाथ मे घात करन का हथियार लिये हुये अइ रा हइ अरु उनका बिच एक अदमी मलमल को कपडा पेन्यो हुयो थो, जेका बगल मे लिखन को सामान को एक झोरो थो, वे अंदर आया अरु धातु की वेदी का बाजु मे खडा हुइ गया. 3तब इस्राएल को परमेश्वर को तेज कुरुबहोन का उपर ऱ्हीयो करतो थो, वहा से उपर उठ्यो अरु डेवढी मे अइ गयो. तब यहोवा ने मलमल को कपडो पेन्यो उ अदमी खे पुकार्यो, जेका बगल मे लिखन को सामान को झोरो थो 4यहोवा ने ओका से बोल्यो पुरो यरुशलेम शहर मे जा अरु वे सब दुनीयाहोन का माथा पर एक चिन्ह लगानु, जो शहर मे हुइ रो सब घृणित कामहोन से दु:खी हइ अरु शोक मनास हइ. 5जसो की मेने सुन्यो, ओने दुसरा से बोल्यो, “ओका पिच्छे-पिच्छे पुरा शहर मे जानु अरु कोइ पर दया नी करनु अरु दुनीयाहोन खे मारते जा. 6बुढा, जुवान, पोरइहोन, बच्चा, माय सब खे मारी डालनु, परंतु कोइ भी असो इन्सान खे नी छुनु, जेमे चिन्ह लग्यो हुये. मरा पवित्र जगह से सुरु करनु,” अंत: उन्हे वे बुढाहोन से सुरु कर्यो, जो मंदिर का सामने था. 7फिर ओने उनका से बोल्यो, “ मंदिर खे अशुध्द करी देनु अरु मार्या गया दुनियाहोन से अंगन खे भरी देनु. तब जा” अत: वे बाहेर निकल्या अरु पुरा शहर मे दुनीयाहोन खे मारन लग्या. 8जब वे मारी रा था, अरु मी ऐखेलो री गयो, तब मी मुडा का बल गीरी गयो अरु चिल्लइखे बोल्यो, “हे प्रभु यहोवा, हाय! का तुम यरुशलेम पर अपना भयंकर कोप मे अइखे इस्राएल का सब बच्या हुया खे नाश करी दिये?” 9“तब ओने मेखे उत्तर दियो, इस्राएल अरु यहुदा का दुनियाहोन का पास बहुत ही जादा हइ; पुरो देश रक्तपात से अरु शहर अन्याय से भर्यो हइ, वे बोलस हइ, प्रभु हमारा देश खे छोडी खे चली गयो हइ, उ हमखे नी देखे.” 10येकालिये मी उनका उपर दया नी करन को या उनखे नी छोडनको, पर मी उनका काम खे उनका माथा पर ही डाली दियु. 11तब उ अदमी, जो मलमल का कपडा पेन्या अपना पास मे लीखन को सामान लीयो हुयो थो, वापिस अइखे बोल्यो, “तुमने जसो आदेश दियो थो, मेने ओसो करी दियो हइ.”