Gowlan Bible
1 थिस्सलुनीकियों 3
मंडली कि चेला कि योग्यता
या बात जब हम भी धीरज नी ऱ्ही गयो, ते हम ने यो ठहरायो, की एथेस नगर मे अखे लो ऱ्हेनो अच्छो हुये. अरु हम तीमुथियुस खे जो मसीह को सुसमाचार मे हमारो साथिहोन का अरु परमेश्वर को सहकर्मी हइ, येका लिये भेज्यो कि तुम खे मजबुत कर्हे अरु तुमारो विश्वास का बारे मे तुम खे प्रोत्साहित कर्हे. क्युकी कोय यो दुख से पिछे जाये का क्युकी तुम खुद खे जानस हइ कि हम येका लिये ठैराया गया हइ. वास्तव मे जब हम तुमारा पास था, ते तरा से बोलतो थो, की हम पर सताव आनवालो हइ ते ठीक असो ही हुयो अरु तुम भली भाती जानस हइ जेका से घटित हुयो. येका लिये क्युकी मी जादा रस्ता नी करी सकु अरु तुमारो विश्वास का विषय मे तीमुथियुस खे भेजी दियो क्युकी मेखे डर थो सैतान ने तुम खे लुभय खे हमारो कठिन मेहनत बेकार नी करी दियो.
पन अभी तीमुथियुस ने जो तुमारा पास से हमारा ह्या अभी तुमारा पास से हमारा पास आयोस हइ, विश्वास अरु प्रेम को सुसमाचार सुनायो, ओने हम खे बतायो कि तुम हमारा बारे मे हमेशा सोचता ऱ्हेस हइ तुम हम से मीलन खे भोत लालुच हुये के असो ही जसो हम तुमसे मीलन. येका लिये हे विश्वासी साथिहोन, हमारी सभी पिडाहोन मे तुमारा विश्वास कारण हमारो उत्साह भोत बडो हइ. क्युकी अब फिर जिवन जी सकीरा हइ क्युकी हम जानी गया हइ कि प्रभु मे तुम खे पंको खडो हइ. अब हम आप करण हमारो परमेश्वर को धन्यवाद देस हइ ओकी उपस्तिथी मे ओका कारण हम उनको धन्यवाद देस हइ? जब हम रात दिन एक मन हूइ, प्रार्थना करता ऱ्हेस हइ, कि तुमारो मेडो देखेखे अरु तुमारा विश्वास कि कमी पुरी कर्हे.
अब हमारो परमेश्वर अरु बाप अरु मसीह यीशु खे हमारो प्रभु तुम तक पोचना मे हमारी रस्ता देखी हुये अरु प्रभु एक दुसरा का प्रती तथा सब का लिये तन मे ओकी बडोत्री कर तुमारा लिये जसो तुमारा लिये प्रेम बरसास हइ. ताकि उ तुमारा मन खे असो स्थिर कर्हे, कि जब हमारो प्रभु यीशु अपना सब पवित्र दुन्याहोन का सात अय खे उ हमारो परमेश्वर अरु बाप का सामने पवित्रता मे नीर्दोष रुख्यो.
Gowlan Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.