प्रकाशन 5

किताब अरु मेडो

1जो राजगद्दी पर बठ्यो थो का मे ने वोका जवना हात मे एक किताब देखी जो अंदर अरु बाहेर लिखी थी, अरु व्हा सात सिक्का लगय खे बन्द करी दि थी. 2फिर मे ने एक ताखत आलो स्वर्गदूत खे देख्यो जो बडा बात से यो प्रचार करतो थो, “या किताब खे खोलनो अरु सिक्का तोडन का योग्य कोन हइ?” 3पन नी स्वर्ग मे, नी का नीच्चे कोय वा किताब खे खोलनो या वोका पर नजर डाली की योग्य कोय नी नीकल्यो. 4तब मी फूटी फूटीखे रोन लग्यो का क्युकि वा किताब खे खोलनो या वोका पर नजर डालन को योग्य कोय नी मील्यो. 5येका पर वा बापदादाहोन मे से एक ने मरा से बोल्यो, “मत रोय. देख का यहूदा को गोत का वु सेर दाउद किताब खे खोलनो अरु वोकी सात सिक्का तोडन का वासते जिन्दो हुयोस हइ.”

6तब मे ने देख्यो मेढो राजगद्दी का बिच खडो हइ अरु चारी जनवरहोन अरु वे बापदादा होन का बीच मेको मान एक खुन कऱ्यो हुयो मेडो खडो देख्यो. वो, सात सींग अरु सात आख था. यो परमेश्वर कि सात आत्माहोन हइ जो सब पृथ्वी पर भेज्यो गयो थो. 7वोने अयखे वोका जवना हात से जो राजगद्दी पर बठ्यो थो, वा किताब ली ली. 8जब वोने किताब ली ली ते वे चार जनवर अरु चौबीसों बापदादा दुन्या ने मुडा का सामने घुटना टेक गिरी पड्या.वोमेसे हर एक का हात मे जबान अरु अंगारो का जो पवित्र दुन्या की प्रार्थनाहोन हइ, से भऱ्या हुया सोना को कटोरा था. 9वे यो नवो गिद गान लग्या,

“तु या किताब खे लेन का

अरु येकी सिक्का को खोलन का योग्य हइ.

क्युकि तोने खुन हुयखे अपनो खुन से हर एक कुल

अरु भाषा अरु दुन्या अरु जमात मे से परमेश्वर को दुन्या खे हर जास से अरु सब गोत्र से सब राष्ट्र मोल लियोस हइ.

10अरु वुन खे हमारो परमेश्वर की सेवा करण का लिये एक राज अरु मंत्री बनायो. अरु वे पृथ्वी पर राज करस हइ.”

11फिर से मे ने स्वर्गदूत कि आवाज सुन वे सिंहासन जनवर अरु वे बापदादा खे चारी तरप खुप से स्वर्गदूतहोन की बात सुनी जिन कि गिनती लाख अरु करोडो कि थी, 12अरु वे वुच्चा अवाज से यो गित गाते बोलतो थो,

“खुन कऱ्यो हुयो मेडो ही सामर्थ्य अरु धन अरु ज्ञान अरु शक्ति अरु इज्जत अरु महिमा अरु धन्यवाद का योग्य हइ.” 13फिर मे ने स्वर्ग मे अरु पृथ्वी पर

अरु का नीचे अरु समुद्र कि सब हुय चिजहोन खे अरु सब कुछ खे जो वुनमे हइ,

यो बोलते सुन्यो, “जो राजगद्दी पर बठ्यो हइ वोका अरु मेडो को अरु सम्मान कि महिमा अरु राज हमेशा हमेशा ऱ्हिये.” 14अरु चार जनवरहोन ने आमीन बोल्यो कि अरु बुजरुक दुन्या ने गिरीखे पायपड्या.