यहून्ना 19

1येका पर पिलातुस ने यीशु खे लिखे कोडा लगवाया. 2अरु सेवकहोन ने काटा को मुकुट गूधिखे ओका माथा रख्यो, अरु ओखे बैगनी कपडा पेनाया, 3अरु ओका पास अयखे बोलन लग्या, “हे यहूदीयाहोन का राजा खे प्रणाम!” अरु ओखे थप्पड मार्यो.

4तब पिलातुस ने फिर बाहेर नीकलीखे दुन्याहोन से बोल्यो, “देखनु, मी ओखे तुम्हारा पास फिर बाहेर लउस हइ. ताकि तुम जान्ये कि मी कुछ भी दोष नी मील्हे.”

5तब यीशु का काटा को मुकुट अरु बैगनी कपडा परन्या हुया बाहेर नीकल्यो अरु पिलातुस ने उनसे बोल्यो, “देखनु यो इन्सान.”

6जब प्रधान याजकहोन अरु सेवकहोन ने ओखे देख्यो ते चिलैइ खे बोल्यो, “ओखे क्रुस पर चडा, क्रुस पर!” पिलातुस ने उनसे बोल्यो,

“तुम मे ओखे लिखे क्रुस पर चडा. क्युकी मी ओका मे दोष नी पायो.”

7यहूदीयाहोन ने ओखे जवाब दियो, “हमारी भी व्यवस्था हइ अरु व्यवस्था का जसो उ मार्यो जान का योग्य हइ क्युकी ओने अपना आप खे परमेश्वर को बेटो बतायो.”

8जब पिलातुस ने या बात सुनी ते अरु भी डरी गयो. 9अरु फिर किल्ला का अंदर गयो अरु यीशु से बोल्यो,

“तू खा को हइ?” पर यीशु ने ओखे कुछ भी जवाब नी दियो. 10पिलातुस ने ओकासे बोल्यो, “मरासे क्यु नी बोले, तू नी जाने कि तोखे छोड़ देन को अधिकार मेखे हइ अरु तोखे क्रुस पर चडान को भी अधिकार हइ.”

11यीशु ने जवाब दियो, “अगर तोखे उपर से नी दियो जातो, ते तरो मरा पर कुछ अधिकार नी होतो. येका लिए जेने मेखे तरो हात पकडवायो हइ, ओको पाप जादा हइ.”

12येका से पिलातुस ने ओखे छोड़ देनो चायो, पर यहूदीयाहोन ने चिल्लै चिल्लय खे बोल्यो, “अगर तू येखे छोड़ दिये ते तू कैसर को दोस्त नी. जो कोय अपना आप खे राजो बनास हइ उ कैसर को सामनो करस हइ.”

13या बातहोन सुनीखे पिलातुस यीशु खे बाहेर लायो अरु वा जगह मे एक चबूत्ररो थो का जो इब्रानी मे “गब्बता” बोलस हइ का अरु न्याय आसन पर बैठ्यो. 14यो त्योवार को तैयारी को दिन थो अरु छे घंटा का नजीकपास थो तब ओने यहूदीहोन से बोल्यो, “देखनु, योही हइ, तुम्हारो राजो!”

15पर वे चिल्लाया, ली जा!

ली जा! ओखे क्रुस पर चढ़ा! पिलातुस ने उनसे बोल्यो “मी तुम्हारो राजा?”

“खे क्रुस पर चढ़ाउ प्रधान याजकहोन ने जवाब दियो.”

“कैसर खे छोड़ हमारो अरु कोय राजो नी.”

क्रुस पर चढायो जानो

(मत्ती 27:32-44; मरकुस 15:21-32; लूका 23:26-43)

16तब ओने ओखे उनका हात सौप दियो ताकि उ क्रुस पर चढायो जाये. 17तब वे यीशु खे ली गया अरु उ अपनो क्रुस उठायो हुया उ जगा तक बाहेर गयो जो “खोपडी कि जगा” बोलस हइ अरु इब्रानी मे “गुलगुता.” 18व्हा उनने ओखे अरु उ ओका साथ अरु दो इन्सानहोन खे क्रुस पर चढायो, एक खे इधर अरु एक खे उधर, अरु बीच मे यीशु खे. 19अरु पिलातुस ने एक दोष चिट्टी लिखीखे क्रुस पर लगै दि अरु ओमे यो लिख्यो हुयो थो, “यीशु नासरी यहूदीयाहोन को राजो.” 20यो दोष चिट्टी भोत यहूदीयाहोन ने पड्यो क्युकी वा जगा झा यीशु क्रुस पर चढायो गयो थो नगर का पास थी अरु चिट्टी इब्रानी अरु लतीनी अरु यूनानी मे लिखी हुइ थी. 21तब यहूदीयाहोन को प्रधान याजकहोन ने पिलातुस से बोल्यो, “यहूदीयाहोन को राजो” मत लिख पर यो कि “ओने बोल्यो, मी यहूदीयाहोन को राजो हइ.”

22पिलातुस ने जवाब दियो, “मेने जो लिखी दियो, उ लिखी दियो.”

23जब सेवक होन ने यीशु खे क्रुस पर चडा चुक्या, ते ओका कपडा लिखे चार टुकडा कर्या, हर सेवक का लिये एक टुकडो अरु कुर्ता भी लियो, पर कुर्ता बिन सीअन उपर से नीचे तक सियो हुयो थो. 24येका लिए उनने आपस मे बोल्यो, “हम येखे नी फाड्ये पर येका पर चिट्ठी डाल्ये कि उ कोको हुये” यो येका लिए हुयो,

कि पवित्रशास्त्र की बात पूरी हो,

“उनने मरा कपडा आपस मे बाटी लिया अरु मरा कपडा पर चिट्ठी डाली.”

25अन्नत सेवकहोन ने असो मे कर्यो, पर यीशु खे क्रुस का पास ओकी माय अरु ओकी माय की भैइन मरियम, क्लोपास की लुगइ अरु मरियम मगदलीनी खड़ी थी. 26यीशु ने अपनी माय अरु ओका सेवक खे जोका से उ प्रेम रखेतो थो पास खडा देखीखे अपनी माय से बोल्यो, “हे बय, देख, यो तरो बेटो आय.” 27तब ओका सेवक से बोल्यो, “या तरी माय आय” अरु उ टेम से उ सेवक ओखे अपना घर ली गया.

यीशु को मरनो

(मत्ती 27:45-56; मरकुस 15:33-41; लूका 23:44-49)

28येका बाद यीशु ने यो जानीखे कि आब सब कुछ हुइ चुक्यो. येका लिए कि पवित्रशास्त्र की बात पूरी हुये बोल्यो, “मी प्यासो हइ.” 29व्हा एक सिरका से भर्यो हुयो बर्तन धर्यो थो, येका लिए उनने सिरका भिजायो हुया पनसोख्‍ता को जूफा पर रखीखे ओका मुडा से लगायो. 30जब यीशु ने वह सिरकी लि खे बोल्यो, “पूरो हुय” अरु माथो झुखै खे आत्मा छोडी दियो.

भाला से छेध्यो जानो

31अरु येका लिए कि उ तैयारी को दिन थो, यहूदीयाहोन ने पिलातुस से प्रार्थना करीखे कि उनकी टाग तोडी दि जाह्ये अरु वे उतार्ये जाह्ये क्युकी अराम को दिन वे क्रुस पर नी र्‍हिये क्युकी उ अराम को दिन बडो दिन थो. 32येका लिए सेवक होन ने अयखे पहइले की टागहोन तोडी तब दूसरा की भी, जो ओका साथ क्रुसहोन पर चडाया गया था. 33पर जब यीशु का पास देख्यो कि उ मरी चुक्यो हइ, ते ओकी टागहोन नी तोडी. 34पर सेवक होन मे से एक ने ओको पजर बेधा अरु ओमे से जल्दी खुन अरु पानी नीकल्यो. 35जो ने यो देख्यो, ओ ने गवइ दी हइ, अरु ओकी गवइ सच्ची हइ. अरु उ जानस हइ, कि सच्ची बोलस हइ कि तुम भी विश्वास करणु. 36ये बातहोन येका लिए हुइ कि पवित्रशास्त्र की या बात पूरी हुये, “ओकी कोय हड्डी तोडी नी जाये.” 37फिर एक अरु जगा पर यो लिख्यो हइ, “जोका से उनने बेध्यो हइ, ओ पर दृष्टि कर्ये.”

यूसुफ का कब्र मे यीशु को दफनायो जानो

(मत्ती 27:45-56; मरकुस 15:33-41; लूका 23:44-49)

38या बातहोन का बाद अरिमतियाह का यूसुफ ने, जो यीशु को चेलो थो, पर यहूदीयाहोन का डर से या बात खे लुकायो थो, पिलातुस से प्रार्थना करीखे कि मी यीशु कि लास खे ली जउ, अरु पिलातुस ने ओकी प्रार्थना सुनी, अरु उ अय खे ओको लास ली गयो. 39नीकुदेमुस भी जो पहइले यीशु का पास रात खे गयो थो पचास सेर का लोबान मील्यो हुयो गन्धरस अरु एलवा ली आयो. 40तब उनने यीशु को लास खे लियो अरु यहूदीयाहोन का गाडन की रीति का जसो ओखे गधानवाली चिज का साथ कपडा मे गुड्यो. 41जगा पर झा यीशु क्रुस पर चढायो गयो थो, एक बारी थी. अरु वा बारी मे एक नइ कब्र थी. जोमे कभी कोय नी रख्यो गयो थो. 42अन्नत यहूदीयाहोन की तैयारी का दिन थो, उनने यीशु खे ओ मे रख्यो, क्युकी वा कब्र पास थी.