इब्रानीहोन 12

परमेश्वर हमारो बाप

1यो कारन जब कि गवाह होन को असो बडो बद्दल हम खे घेर्यो हुयो हइ, ते ओका हर एक रोखन आली चिज अरु उलझान आला पाप खे दूर करी खे उ दौड जेमे हम दौडनु हइ धीरज से दौडनु. 2अरु विश्वास को कर्तो अरु सिध्द करण आला यीशु का तरफ ताकता र्‍हियेका जेने वा खुशी का लिये जो ओने आगे धर्यो थो, लाज की कुछ चिन्ता नी करी खे क्रुस को दुख उठायो, अरु परमेश्वर का राजगद्दी का जवना तरफ जयखे बठौ.

3येका लिये ओ पर ध्यान करणू, जेने अपना विरोध मे पापीहोन को येतनो विरोध सह लियो कि तुम नीराश मन हुइ, हिम्मत नी छोड़ देनू. 4तुम ने पाप से लडते हुए ओका से एसी मतभेद नी करी कि तुम्हारा खुन बोहायो. 5अरु तुम वा उपदेश खे जो तुम खे बेटाहोन का समान दियो जास हइ, भूली गा हइ?

“हे मरा बेटा प्रभु को ताडनना की हलकी बात नी जानी खे अरु जब उ तोखे घुटना से

साहस नी छोडनु.

6क्युकि प्रभु जेका से प्रेम करस हइ, ओकी ताडनो भी करस हइ,

अरु जेखे बेटो बन्यइ लेस हइ, ओखे कोडा भी लगास हइ.”

7तुम दुख खे ताडनो समझी खे सैइले. परमेश्वर तुम खे बेटो जानी खे तुम्हारा साथ बर्ताव करस हइ, उ कोन सो बेटो हइ जेखे ताडनो बाप नी करस? 8अगर उ ताडनो जेको भागीदार सब होस हइ, तुमारी नी हुये ते तुम बेटो नी पर व्यभिचार का बच्चा ठैर्ये. 9फिर जब कि हमारा शरीर पर बाप भी हमारो ताडनो करस हइ अरु हमने उनको सम्मान कर्यो, ते आत्मा को बाप, अरु भी अधीन नी ऱ्हिये जेका से जिन्दो र्‍हिये? 10वे तो अपनो अपनो समजी खे जसो थोडा दिन का लिये ताडनो करतो थो, पर उ तो हमारा भला का लिये करस हइ, कि हम भी ओकि पवित्रता को हिस्सेदार हुय जाये. 11वर्तमान मे हर प्रकार कि ताडनो खुशी कि नी पर दुख ही कि बातहोन दिखाइ पडस हइ. तेभी ओखे सहते सहते पक्को हुइ गयो हइ कि बाद मे उनखे शांती का सात धर्म को प्रतीफल मील्योस हइ.

नीर्देश अरु चेतावनी

12येका लिये ढीला हात अरु नीर्बल घुटना खे सीधो कर, 13अरु अपना पाय का लिये सीधी रस्ता बनानु कि लंगडाहोन भटक नी जाये पर अच्छो भलो हुइ गया.

14सब का साथ शांती का साथ र्‍हेनू अरु पवित्र जिवन जीन का लिये हर प्रकार क्युकि येका बीना प्रभु खे देख नी सक्ये. 15अपना आप कि चौकसी करणु ताकी कोय परमेश्वर का झाड का जसा बडनु क्युकि ओका विश से तंटा परदा नी हुये. 16अनैतिक अरु अधर्मीक एसाव का जसो अधर्मी हुये जेने एक बार का खाना का बदला अपनो बडो बेटो होन को पद ओने बेची डाल्यो ओका बाद तुम जानस हइ की जब ओने अपना बाप से रोइखे पानो ते अयोग्य कर्यो गयो. 17तुमखे जानस हुये कि बाद मे जब ओने आशीर्वाद पानो चाह्ये ते अयोग्य गिन्यो गयो, अरु आसु बोह्य बोहय खे ढुडना पर भी मन पर भी मन फिराव को मौको ओखे नी मील्यो.

18अब अंगार का जसो इस्राइली दुन्या गय था असो अब जलस हुये टेकडी का पास जेखे महसुस कर्यो जैइ सकतो थो नी अंधारो अरु नी ते उदास अरु नी ते आंध का पास आह्ये तुम ते, 19अरु पिपडी की आवाज अरु बोलनआला को असा बोल का पास नी अउ जेखे सुननआला ने प्रार्थना करी कि आब हम से अरु बात नी करी जाये. 20क्युकि वे ओको ज्ञान खे नी सही सक्या “अगर कोय जनवर भी टेकडा खे पकड्ये ते ओका पर फत्तर मार्यो जाह्ये.” 21अरु उ दर्शन असो डरावनो थो कि मूसा ने बोल्यो, मी खुप डरुस अरु कापुस हइ.

22पर तुम सिय्योन का टेकडा का पास अरु जिन्दो परमेश्वर का नगर मे स्वर्गीय येरुशलेम का पास लाखो स्वर्गदूत का पास अय पोच्यो हइ. 23अरु वे पैयला बोल कि साधारण सभा अरु सब मंडली जेको नाम स्वर्ग मे लिख्यो हुयो हइ, अरु सब को न्याय परमेश्वर का पास अरु सिद्ध कर्यो हुयो धर्मीहोन की आत्मा. 24अरु जो नवी वाचा को मध्यस्थ यीशु अरु छिडकाव को उ खुन का पास आया हइ, जो हाबिल को खुन से उत्तम बातहोन बोलस हइ.

25सावधान र्‍हेनु, अरु वे बोलन आला से मुडो नी फेरनू, क्युकि वे दुन्या जब धरती पर का चेतावनी देन आला से मुडो मोडी खे नी बची सक्ये ते हम स्वर्ग पर से चेतावनी देन आला से मुडो मोडीखे कसा बची सक्ये. 26उ टेम ते उनका बोल ने धरती खे हलय दियो, पर अब ओने या प्रतीज्ञा की हइ कि एक बार फिर मेने फक्त पृथ्वी का बद्दल खे हलय दियू. 27अरु यो बोल खे एक बार फिर या बात खे प्रगट करस हइ कि जो चिज हलायो जास हइ, वे सृजी हुइ चिजहोन हानीकारण टली जाये. ताकि जो चिजहोन हलायो नी जाये वे अटल बनी र्‍हिये. हाग्गै 2.6

28यो कारण हम यो राज्य खे परइ जो हलन को नी कृतज्ञ हुये कि अरु भक्ति अरु डर सहित परमेश्वर की असी आराधना कर्ये जेका से उ प्रसन्न होस हइ. 29क्युकि हमारो परमेश्वर भस्म करण आलो अंगार हइ.