प्रेरितहोन 24

पौलुस का विरोध मे इलजाम

1पाच दिन का बाद हनन्याह महायाजक भोत बुजरुक अरु तिरतुल्लुस नामको कोय वकील खे साथ लिखे कैसरिया आयो. उनने राज्यपाला का सामने पौलुस पर इलजाम लगायो. 2जब पौलु खे बुलायो गयो ते तिरतुल्लुस पर इलजाम लगैइ खे बोलन लग्यो,

“हे महाप्रतापी, फेलिक्स का साथ मे पेस कर्यो तब थो पुलीस इलजाम लगाता हुये बोल्यो हे महामहिम तुम्हारो अगुवाइ मे काफी टेम से शांती से र्‍हि र्‍हा हइ, अरु तुम्हारा नजर से देश मे भोत जात को अच्छो सुधार हुयो हइ. 3येके हम हर जगा अरु फेलिक्स हर प्रकार से येको स्वागत करस हइ अरु हम बडी गैराइ से येका लिये धन्यवादीत हइ. 4पन येका लिये कि तोखे अरु दुख नी देनो चाउ, मी नी चाउ भोत जादा टेम मे तो प्रार्थना करुस हइ कृपया तुम मे हम खे एक दो शब्द मे सुनीले. 5क्युकि हमने इन्सान खे उपद्रवी अरु जगत का पुरा यहूदीयाहोन मे वाद विवाद पइदा करणआला, अरु नासरीहोन को चालु समे को अध्यक्ष पायो हइ. 6ओने मन्‍दिर खे अशुध्द करनो चाह्यो, अरु तब हमने ओखे बन्दी बन्ये लियो. 7पन पलटन का सरदार लूसियास ने अय खे ओखे हिम्मत हमारा हातहोन से छीनी लियो. 8या सब बातहोन खे जिन का बारे मे हम ओका पर इलजाम लगास हइ, तू खुद ओखे परखी खे जानी लिये.” 9यहूदीयाहोन ने भी ओको साथ दि खे बोल्या कि यो सब सच्ची थो.

फेलिक्स का सामने पौलुस को बचाव करनो

10जब राज्यपाल ने पौलुस कए बोलन का लिये इशारो कर्यो ते ओने जवाब दियो. मी यो जानी खे कि तु भोत साल से यो राष्ट्र को न्याय करस हइ, मी खुशी का साथ अपनो बचाव पक्ष तुम्हारा सामने जात रखनो चाहुस हइ. 11तूम पतो करी सकस हइ, कि जब से मी यरुशलेम मे आराधना करण खे आयो, मेखे बारा दिन से जादा दिन नी हुया. 12यहूदीयाहोन ने मेखे नी ते कोय का साथ बहस करता नी पायो, अरु नी दुन्या कि गर्दी लगाता हुये अरु यहूदीया आराधनालयहोन मे गर्दी नी शहर मे दंगो फैलाते हुये पायो. 13अरु नी ते वे उन बातहोन खे जिनका बारे मे वे अब मरा पर इलजाम लगास हइ, तरा सामने सच साबित करी सकस हइ. 14पन यो मी तरा सामने मानी लेउस हइ, कि जो रस्ता खे वे झुठो बोलस हइ, ओका रीति पर मी अपना बुजुरुखहोन को परमेश्वर कि आराधना करुस हइ. पन यो भी विश्वास करुस हइ जो बातहोन मूसा कि व्यवस्था अरु भविष्यव्दक्ताहोन की किताबहोन मे लिखी हइ उन सब पर विश्वास करुस हइ. 15अरु परमेश्वर पर ओसो ही विश्वास रखस हइ कि अच्छा अरु बुरा दो को ही पुनरुत्थान हुये. 16येका से मी खुद भी कोशिश करुस हइ, कि परमेश्वर खे अरु इन्सान का तरफ मरो विवेक सदा नीर्दोष र्‍हिये.

17भोत साल का बाद यरुशलेम मी अपना गरीब दुन्या खे पहचान, अरु दान चडान आयो थो. 18जब मी यो करी र्‍हो थो, उनने मेखे मन्‍दिर मे पायो, शुध्दिकरण कि विधी पुरी करी र्‍हो थो नी व्हा गर्दी थी अरु नी सोय. 19व्हा आसिया प्रांत का कुछ यहूदीया था, यो जरुरी था की अगर मरा विरोध मे उनका पास बात थी ते ह्या तरा सामने अय खे मरा पर इलजाम लगास. 20ह्या यहूदीया दुन्या खुद ही बोल्या, कि जब मी बडी सभा का सामने खडा थो, ते उनने मरा मे कोन तो अपराध पायो? 21जब मी उनका बीच मे खडो थो, “ तब मे ने उचो आवाज मे बोल्यो थो मर्या हुया मे से जिन्दो उठान का बारे मे मरा विश्वास करनो मरो न्याय हुइ र्‍हो हइ.”

22फेलिक्स ने जो रीति की बातहोन ठीक-ठीक जानतो थो, यन्हे यो बोली खे टाली दियो, “जब पलटन को सरदार लूसियास आह्ये ते तुम्हारी बात को नीर्णय दियु.” 23अरु सुबेदार खे आज्ञा दी, कि पौलुस खे कुच छुट दि खे रखवाली करणु, अरु ओका दोस्त मे से कोइ खे भी ओकी सेवा करण से नी रोखनु.

पौलुस की फिलिक्स अरु द्रुसिल्ला से बातचीत

24कुछ दिन का बाद फेलिक्स अपनी लुगय द्रुसिल्ला जो यहूदीया बय थी, साथ लिखे आयो अरु पौलुस खे बुलैइ खे उ विश्वास का बारे मे जो मसीह यीशु पर हइ, ओने सुन्यो. 25जब वा अच्छी बातहोन अरु खुद अरु आनआला न्याय का दिन की चर्चा करी र्‍हो थो, ते फेलिक्स ने डरी खे हुइ खे जवाब दियो, “ अभी तो जा. अवसर मीलीखे मी तोखे फिर बुलायू.” 26ओखे पौलुस से कुछ पैसा मीलन की भी आस थी. येका लिये अरु भी बार-बार बुलैइ खे बातहोन कर्या करतो थो.

27पन जब दो साल बीती गा, ते पुरकियुस फेस्तुस, फेलिक्स का जगा पर राज्यपाल बनी खे आयो, अरु फेलिक्स यहूदीयाहोन खे खुश करण की इच्छा से पौलुस खे बन्दीघर मे छोडी दियो.