2 पतरस 2

झुटो मास्तर

1जसो जो भुतकाल का दुन्या का बिच मे लुच्चो भविष्यव्दक्ता थो भटकन आलो अच्छो सिध्दात खे लाहे, अरु वु स्वामी खे नी बोल्हे जेने वोखे छुडयो असो कर्हे, अपना तुरुत विनास खे नियत्रन दिहे. 2फिर भी घनय दुन्या वुनकी रस्ता पर चल्हे. अरु क्युकी जो वे करस हइ, दुसरी बुरी बात खे सच्ची‍ चाय की जगा बोल्हे. 3वे लोभी का लिये बात खे तुमखे अपनो लाभ को कारण बनाह्ये अरु जो दण्ड कि आज्ञा वुन, पर पैयले से हुय गिस हइ, वोको आना मे कुछ भी देर नी, अरु वोको विनास नी.

4क्युकी जब परमेश्वर ने स्वर्गदूत खे जिनने पाप कर्यो, वुन खे भी नी छोड्यो पन नरक मे भेजी खे अंधारा कुण्ड मे दाली दियो, क्युकी न्याय का दिन तक बन्दी रीयो. 5अरु पैयला युग का जगत भी नी छोड्यो. जब भक्तिहीन जगत पर बडो पाणी को प्रलय भेज्यो, पन धर्म को प्रचार करण आलो नूह समेत आठ इन्सान खे बचय लीयो. 6अरु सदोम अरु गमोरा का नगर खे अंगार से डण्ड दिखे, अंगार से भस्म करीखे ताकि वे आन आलो भक्तहीन दुन्या कि शिक्षा का वास्ते एक दृष्‍टान्‍त बन्हे. 7अरु धर्मी लुत खे जो धर्मीहोन खे अनैतिक चालचलन से खुप दुख थो छुडय दियो. 8क्युकी व्हा धर्मी वुन का बीच मे र्हेतो हुयो, अरु वुन का अधर्म काम खे देखी देखी खे, अरु सुनी सुनी खे, हर दिन अपनो सच्चा मन खे कसोय करतो थो. 9ते प्रभु भक्त खे पेपर मे से नीकाली लेनू अरु अन्यायहोन खे न्याय का दिन तक डण्ड की दशा मे रखनो भी जानस हइ. 10खास करी खे वोखे जो बुरी अभिलाषाहोन का पीछे आंग का जसो चलते, अरु प्रभुता खे तुच्छ जानस हइ

वे ढीठ अरु जिद्दी हइ, अरु उचो पद आला खे बुरो अच्छो बोलना से नी डरे, अरु वोकी मजाक करतो ऱ्हे. 11तेभी स्वर्गदूत जो शक्ति अरु सामर्थ्य मे झुटो मास्तरहोन से बडो हइ, प्रभु का सामने वोखे बुरो अच्छो बोली खे दोस नी लगातो थो. 12पन ये दुन्या बिना दिम्माक जनवर का जसो हइ, जो पकड्य जानो अरु नास होन का वास्ते पइदा हुयो हइ. अरु जो बात खे समजे नी, वोका बारे मे अरु बुरो अच्छो बोलस हइ, वे जंगल का जनवर का जसो खतम करी दिह्ये जाह्ये. 13दुसरा को बुरो करण का बदल वोको बुरो हुये वोखे दिन दुपार भोग विलाप करणो अच्छो लगस हइ. यो कलंक अरु दोस हइ जब वे तुमारा सात खाते-पीस हइ, ते अपना तरप से पिरेम खाना खे, भोग विलाप करस हइ. 14वुनकी आख मे व्यभिचारणी बसी हुयोस हइ, अरु वे पाप कर्यो बिना रुखी नी सका वे कमजोर दुन्या खे जाल मे फसय लेस हइ. वोका मन खे लोभी करण को अभ्यास हुय गयो हइ, वे परमेश्वर की‍ श्राप मे हइ. 15वे सीधी रस्ता खे छोडी खे भटकी गया हइ. अरु बओर को बेटो बिलाम कि रस्ता पर अय गयो हइ. जेने बुरो काम कि मजबुरी खे लाड जान्यो. 16अरु वोखे वोका पाप का बारे मे वोखे डाट पड्यो, ह्या तक कि अबोल गधी ने इन्सान की बोली से वु भविष्यव्दक्ता खे ओका बचपना से रोख्यो.

17ये दुन्या सुको कुव्वा अरु तूफान खे उडाते हुये बद्दल हइ, परमेश्वर ने वोका वास्ते खुप खोल अन्धर रुखी गया हइ. 18वे व्यर्थ धमंड की बात करी करी खे अनैतिक काम का वजेसे वोखे दुन्या खे आंग पर अभिलाषाहोन मे फसय लेस हइ. 19वे वोखे स्वतंत्रता करण कि प्रतीज्ञा ते करस हइ, पन आप मेय ही भ्रटता को सेवक हइ कि क्युकी जो इन्सान जेकासे हारी गयोस हइ का उ वोको दास बनी जास हइ. 20जब वे प्रभु अरु उद्धारकर्ता यीशु मसीह की पैछान का वजेसे जगत की दुसरा रंग की अशुध्दता से बची नीकल्या, अरु फिर वोमे फसी खे हरी गया, ते जुनी दशा पैयले से भी बुरी हुय गय हइ. 21क्युकी धर्म का मार्ग खे नी जाननु ही वोका वासते यो अच्छो होतो, कि वोखे जानी खे, वु पवित्र आज्ञा से फिर जातो जो वोखे सोपी दीस गय थी. 22उन पर या खावत बरोबर बठस हइ, कि कुत्तो अपनी उल्टी का तरप अरु नहलाइ हय सुअरनी चिखल मे सोना का वासते फिर चली जास हइ.