1 पतरस 1

नमस्कार

1पतरस का तरप से जो यीशु मसीह को प्रेरित हइ, वे परदेसीहोन का नाम जो पुन्तुस, गलातीया,

कप्पदुकिया, आसिया अरु बिथुनीया मे इदर उदर हुय खे रेहस हइ. 2तुम बाप परमेश्वर खे पुरो उद्देश का जसो चुन्या गया हय अरु ओकी आत्मा का वजेसे पवित्र दुन्या रुख्या गया येका लिये जेने आज्ञा मानन अरु यीशु मसीह का खुन का छिटा जान का वजेसे पवित्र रुखी जानी लिये.

तुम पर कृपा अरु शांती भोत से होती र्‍हिये.

एक जिन्दी आस

3हमारो प्रभु यीशु मसीह का परमेश्वर बाप खे धन्यवाद दे, जेने यीशु मसीह खे मर्‍यो हुया मे से जिन्दो हुय खे उठन का वजेसे अपनी बडी दया से हमखे जिन्दी आस का लिये नवो जन्म दियो. 4अगर एक अविनाशी अरु नीर्मल, अरु अमर वारीस का लिये जो तुम्हारा लिये स्वर्ग मे रखी हइ. 5जो विश्वास का वजेसे सुरक्षित हइ परमेश्वर की सामर्थ्य का वजेसे लिये वु उध्दार का लिये जो आखरी टेम मे प्रगट होन आला का लिये तैयार हइ.

6येका लिये तुम भोत भोत खुशी र्हिये का अगर अब कुछ थोडा टेम का अलग तरीका की परीक्षाहोन का कारन दुख उठानु. 7अरु येका लिये हइ कि तुमारा देख्यो हुयो भरोसो जो समज्हे अंगार से तपायो हुयो नाशमान सोन्ना से भी कुछ जादा मोल हइ, जब यीशु मसीह प्रगट हुये तुमखे प्रशंसा को अरु महिमा का अरु इज्जत मील्हे. 8तुम ओकासे प्रेम करस हय अरु तुमने बिना देखे भी विश्वास करीखे जब की तुमने अभी देख्यो नी ते तुम खुशी से खुश हुये जो बात से बतायो नी जय सखे . 9तुमारो मन होन को उध्दार यो जो तुमारो विश्वास को उध्देश तुमखे ओकासे मील्यो हय.

10या उध्दार का बारे मे वे भविष्यव्दक्ताहोन ने ध्यान से ढुडढांड अरु छान बिन करी खे जेने ओका अनुग्रह का बारे मे जो तुमारा पर होन को थो, भविष्यवाणी करी थी. 11वे नबिहोन ने मसीह की आत्मा से वे बात खे ढुडीखे नीकालन की कोशिश की मसीह पर आनआलो दुख को टेम अरु परिस्थितिहोन अरु उ महिमा जो यो दुख का बाद प्रगट हुये 12परमेश्वर ने वे भविष्यवक्ताहोन पर प्रगट कर्यो गयो कि वे अपनी खुद की नी क्युकी तुम्हारी सेवा का लिये या बात बोली थी, जेकी खबर अब तुमारा उनका वजेसे मील्यो जिनने पवित्र आत्मा से जो स्वर्ग से भेज्यो गयो, तुमखे खबर सुनय. अरु या बात खे स्वर्गदूत भी ध्यान से समजान की लालुच रखस हइ

पवित्र जिवन जीन खे बुलानो

13यो कारण अपनी दिमाग खे काम करण का लिये तैयार कर. खुद पर काबु रखनु, जब यीशु मसीह प्रगट हुये तब जो आशीर्वाद तुमखे मीलन को हइ, ओका पर अपनी आस पुरा मन से लगय खे रखनु 14अज्ञाकारी बच्चाहोन का जसो उ टेम की बुरी इच्छाहोन का जसो अपना आप खे मत झाकनु जो तुम मे पैयले थी, जब तुम अनाडी था. 15पन जसो तुम्हारो बुलानआलो पवित्र हइ, वोसोय तुम भी अपना सब चाल-चलन मे पवित्र बननू. 16क्युकि शास्त्र मे लिख्यो हइ, कि पवित्र बनीखे क्युकि मी पवित्र हय.1

17अरु अगर तुम हे बाप बोलिखे एक काम होन का जसो भेद भाव करीखे न्याय करण आलो परमेश्वर खे प्रार्थाना मे यो बाप बोलीखे बुलास हइ, ते या जमीन पर नवाडो हुये, परमेश्वर आदर देस हुये डर का सात जिवन जी. 18क्युकि तुम जानस हइ, कि तुम्हारो बेकार चाल-चलन बापदादा से चलते आस हइ, ओकासे तुम्हारो छुटकारो चांदी सोन्नो मणजे खतमहोन आली चिजहोन का वजेसे नी हुयो. 19क्युकि भोत मोल को मसीह खे अर्पण का वजेसे जो एक नीर्दोष अरु नीषपाप मेडा का खुन जसो थो. 20संसार को नीर्माण का पैयले परमेश्वर का वजेसे मसीह खे चुन्यो गयो थो पन तुमारा लिये या आखरी दिन मे ओखे प्रगट कर्यो गयो. 21उ मसीह का वजेसे तु उ परमेश्वर पर विश्वास करस हय, जेने ओखे मर्या हुया मे से जिन्दो कर्यो अरु महिमा दि खे जबकी तुम्हारो विश्वास अरु आस परमेश्वर पर टिक्यो र्‍हेनु.

22अब तोने सच्ची को पालन कर्यो हुयो सच्चो भयचारो का प्रेम का नीष्कपट करण का लिये अपना आप खे पवित्र करी लियो हइ, ते पुरा दिल का सात आपस मे एक दुसरा से प्रेम करणु. 23क्युकि तुम ने नाशमान नी पर अविनाशी बीज से परमेश्वर खे जिन्दो अरु कभी भी रुखन आलो वचन का वजेसे नवो जन्म मील्यो हइ. 24क्युकि जसो शास्त्र मे लिख्यो हइ, हर एक जनवर

घास का जसो हइ, अरु ओकी सब सोबा

जंगल का फूल जससो हइ अरु

घास सुकी जास हइ अरु फुल झाडि जास हइ2.

25पन प्रभु को वचन पिडमपिडि स्थिर र्‍हिये अरु योइ सुसमाचार को वचन हइ जो तुम खे सुनायो गयो थो.