ማዝሙረ 53

ሎኦ ኦያ አስ ባዋ

ዳዊቲ ዛማረታ ሀላቃስ ፃፍዳ ትምርተ

አኬካን ፃፈትዳ ግንፆ

1ኤያት ባንታ ዎዛናን፥ “ፆሲ ባዋ” ያጎሶና፤

ኤንታ ደኦይ ኢትስ፤ ኤንቲ ቱናባ ኦሶና፤

ሎኦባ ኦያ አስ እሶይካ ባዋ።

2ፆሳ ኮይያ ጭንጫ አስ ደእያኮ በአናዉ፥

ጎዳይ ሳሎፐ አሳ ፄሌስ።

3ኤንቲ ኡባይ ፆሳፈ ሃክዶሶና፤

ኡባይ እስፈ ቱንዶሶና።

ሎኦ ኦያ አስ ዴና፤

ሀር አቶሽን እስ አስካ ባዋ።

4አስ ካ መይሳዳ ታ አሳ መይሳት፥

ሀ ኢታ ኦያ አሳት ኤሮኮና?

ኤንቲ ፆሳ ፄጎኮና?

5ኤንቲ ዳጋም ኤሮና ዳጋማ ዳጋማና፤

ፆሳይ ባ አሳ ሞርከታ መቀ ላላና፤

ፆሳይ ኤንታ ካዳ ግሾ ኤንቲ ዬላታና።

6እስራኤለ አቶተይ ፅዮነፐ ዬረነ!

ፆሳይ ባ አሳ ድኡዋ ዛርያ ዎደ፥

ያይቆባ ዛረት ኡፋይቶ፤

እስራኤለ አሳይ ኡፋይሳን ሀሹ ጎ።