ማዝሙረ 42

ናምአን ማፃፋ

(ማዝ 42—72)

ጎደትያ አሳ ዎሳ

ቆረ ናይታ ትምርተ

አኬካን ፃፍዳ ማዝሙረ

1ጋር ፑልቶ ሃ ላሞተይሳዳ፥

ፆሳዉ፥ ታ ሸምፕያ ነና ላሞታዉሱ።

2“ታ ሸምፕያ ፆሳ፥

ደኦ ፆሳ በአናዉ ሳሞታዉሱ፤

አዉደ ጋካዳ እያ ሶምኡዋ በኦ” ያጋዉሱ።

3አሳይ፥ “ነ ፆሳይ አዉን ደኢ?”

ግያ ዎደ፥

ጋላስነ ቃም ታዉ አፉ ካ ግድስ።

4ታኒ ኤንታ ባኣለ ቦንቻናዉ ሺቅዳ፥ ዳሮ አሳ ካለዳ፥

ጋላታ የንነ እልልሳን ፆሳ ኬ በይሳ ቆፕያ ዎደ፥

ታ ዎዛናይ አዛኖን መቄስ።

5ታ ሸምፐ፥ አይስ አዛናይ?

አይስ ኡንኤታይ?

ነ ፆሳን ኡፋይስ ዎ፤

ታና አሽያ፥ ታ ፆሳ ታኒ ቡሮ ጋላታና።

6ታ ዎዛናይ አዛንስ፤

ሄሳ ግሾ ታኒ ዮርዳኖሰ ቢታን፥

አርሞና ቃን፥ ምዛረ ዙማን፥

ኤቃዳ ነና ቆፓና።

7ነ ሶሱዋ ጉንን ጪሞይ ጪሙዋ ፄጌስ፤

ነ ቤታይነ ነ ዙለይ ታ ቦላራ አስ።

8ጎዳይ ባ ሲቁዋ ጋላስ ታዉ ኪቴስ፤

ቃማ ጋላታ የይ ታራ ደኤስ፤

ታ ደኦ ፆሳ ዎሳና።

9ፆሳ፥ ታ ዛላኮ፥

“ታና አይስ ዶጋዲ?

ታ ሞርከት ታና ኡንኤን፥

ዬካሸ አይስ ሄመቶ” ያጋና።

10ታ ሞርከት፥ “ነ ፆሳይ አዉን ደኢ?”

ያግድ ጫይያ ዎደ ታ መቀይ መቄስ።

11ታ ሸምፐ አይስ አዛናይ?

አይስ ኡንኤታይ?

ፆሳን ኡፋይስ ዎ፤

ታና አሽያ፥ ታ ፆሳ ታ ቡሮ ጋላታና።