ማዝሙረ 20

ፆሳን አማነታ

ዛማረታ ሀላቃስ ፃፈትዳ ዳዊታ ማዝሙረ

1መቶ ዎደ ጎዳይ ነና ስኦ፤

ያይቆባ ፆሳ ሱንይ ነና ናጎ።

2ባ ኬፈ ነዉ ማዶ ኪቶ፤

ፅዮነፐ ነና ካትሶ።

3እ ነ ያርሾ ኡባ ሀሳዮ፤

ነ ፁሳ ያርሹዋን ኡፋይቶ። ሳላሀ

4ነ ዎዛና አሙዋ ነዉ እሞ፤

ነ ቆፋ ኡባ ፖሎ።

5ነ ፆኑዋን ኑና ኡፋይሶ፤

ኑ ፆሳ ሱንን ኑ ባንድራ ቁ ኦና፤

ነ ዎሳ ኡባ ጎዳይ ነዉ ዛሮ።

6ጎዳይ ባ ዶርዳ ካዋስ፥

ፆኖ እምዳይሳ ታኒ ቡሮ ኤራይስ።

እ ባ ጌሻ ሳሉዋን ስአና፤

ባ ኡሻቻ ኩሸን ግታ ፆኖ እያዉ እማና።

7እሶት እሶት ባንታ ኦላ ፓራ ጋርያን፥

ሀራት ባንታ ፓራን ጬቀቶሶና፤

ሽን ኑኒ ጎዳ ኑ ፆሳ ዎልቃን ጬቀቶስ።

8ኤንቲ በትድ ኩንዳና፤

ሽን ኑኒ ደንድድ ምን ኤቃና።

9አቤት ጎዳዉ፥ ካዋስ ፆኖ እማ፤

ኑኒ ነና ፄግያ ዎደ ስአ።