ማዝሙረ 112

ፅሎይ ቃፀና

1ጎዳ ጋላትተ፤

ጎዳስ ያየይስነ

እያ ኪታ ናገይስ አንጀትዳይሳ።

2እያ ናይት ቢታን ዎልቃማ ግዳና፤

ሱረ አሳ የለታይ አንጀታና።

3ሻሎይነ ዱረተ እያ ኬን ደኤስ፤

እያ ፅሎተይ መርናዉ ዳና።

4ኬሀ፥ ፅሎነ ቃትያ አሳስ፥

ማ ግዶን ፖኦይ ፖኤስ።

5ኬሀተን ጮ ታልእያ ኡራስ፥

ባ ኦሱዋ ሱረተን ኦያ ኡራስ

ኬሀባይ ያና።

6ፅሎ አስ አዉደካ ኩንደና፤

እ መርናዉ ሀሳየታና።

7እያ ዎዛናይ ህርጎና ግሾነ

እ ጎዳን አማነትያ ግሾ፥

ኢታባ ስእኮካ እ ዳጋመና፤

8እያ ዎዛናይ ምኖ ግድያ ግሾ ያየና፤

ዉርሰን እያ ሞርከት ፆነትን በአና።

9እ ማንቁዋስ ዳርስድ እሜስ፤

እያ ፅሎተይ መርናዉ ደኤስ፤

እያ ካጨይ ቦንቾን ቁ ቁ ጋና።

10ኢታ አስ ሄሳ በእድ ይሎቴስ፤

መተርሸ ሳፅሸ ጮ ዬስ፤

ኢታ አሳ አሞይ ጮ አታና።