እዮባ 16

እዮባ ሃሳያ

1እዮብ ሀይሳዳ ያግድ ዛርስ፤

2“ታኒ ሄሳ መላ ሃሳያ ዳሮ ስአስ፤

ህንተ ምንይ ታና ሳለስ።

3ጎእ ባይና ህንተ ኦዳስ ዉርሰ ባዌ?

ታራ ህንተና ሄሳዳ ፓላንያ ጋሶይ አይቤ?

4ህንተ ታ በሳን፥ ታኒ ህንተ በሳን ግድዳባ ግድያኮ፥

ታኒ ታ ሁጵያ ቃሸ፥

ሀእ ህንተ ግያባ ኡባ ህንተ ቦላ ሎይዳ ጋናሽን!

5ታ ዞርያን ታ ህንተና ምንናሽን!

ታ ዶናፐ ከይያ ኦዳይ ህንተና ምንናሽን!

6“ሽን ታ ሃሳይኮካ ታ ሳሆይ ደጨና፤

ታ ስእ ጋዳ ዳንዳእኮካ ታፐ ክቸና።

7አቤት ፆሳዉ፥ ነ ታና ታ አሳተፈ ከሳዳሳ፤

ታ ኬ አሳ ኡባ ይሳዳሳ።

8ሹቅዳ ታ ጎጋይ ታዉ ማርካ ግድስ፤

ታ ግልቃተይ ታና ናጋራንቾ ከስስ።

9ፆሳይ ሀንቀትድ ታ አሳተ ቃንፀረስ፤

ታና እፅድ ባ አቻ ታ ቦላ ጋርጭስ፤

ታ ሞርከይ ባ አይፍያ ታ ቦላ ከስስ።

10አሳይ ታ ዩሾን ሺቅድ ታና ቀልቅስዶሶና፤

ታና ለቅድ ባቅዶሶና። 11ፆሳይ ታና ናጋራቾታስ አድ እሚስ፤

ኢታታ ኩሸን ታና የግስ።

12ታኒ ካሰ ሳሮ ደአስ፤

ሽን ፆሳይ ታና ትንቸረስ፤

ታ ምርጋጭያ ኦይክድ ታና መንረስ፤

ጫቸ ሎህስያ ማላ ኦስ።

13እያ ቶራንቾት ባንታ ዶንገን ታና ተቅዶሶና፤

ቃይ ባይና ታ ክላሁዋ ሙፀረዶሶና፤

ታ ጭያ ሳአን ጉስዶሶና።

14እ ታና ዛር ዛር ማዱንፅስስ፤

ኦላንቾዳ ቶልድ ጫድስ።

15ታኒ ካዮ ማኦ ማአስ፤

ታ ዎልቃይ ዉርን ባናን ኡታስ።

16ዬሆን ታ ሶምኦይ ጋቢስ፤

ታ አይፈይ ዞእስ።

17ሽን ሄ ኡባን ታ ባልዳባይ ባዋ፤

ታ ጌሻ ዎዛናን ዎሳይስ።

18ቢታዉ፥ ታና ጋክዳ ቆሁዋ ካሞፋ፤

ታ ዋሶይ ሸምፕያ ሶ ደሞፎ።

19ሄኮ ታ ማርካይ ሳሎና፤

ታ ፃባቃይ ቦላና።

20ታ ላገት ታና ካድ ፄሎሶና፤

ታ አይፈይ ፆሳ ስንን አፉ ትጌስ።

21አሰ አሳራ ስገያ አስ ደኤይሳዳ፥

ታና ፆሳራ ስገያ አስ ደእዳባ ግድረነሽን።

22ታ ላይይ ዉራና ሀኔስ፤

ጉ ዎደፐ ጉየ ታ ስሞና ሶ ባና።