Mazmure 70

Xoossaw Tana Maaddanaw Gam7ofa

Dawita Qofiso Mazmure

1Abeeti Xoossaw tana ashshanaw haa simma;

abeeti Godaw, tana maaddanaw ellesa.

2Tana wodhanaw koyeysati,

yeellatonanne haniyaba dhayo.

Ta qohetetha amotteysati,

kawuyidi guye simmo.

3Taako iyaw “hashshu! hashshu!”

gidaysati xoonetida gisho yeellato.

4Nena koyiya ubbay

nenan ufaytonne malaaleto.

Qassi ne atotetha dosiya ubbay,

“Xoossay gitato” yaago.

5Taani manqonne metootancho;

abeeti Xoossaw, ellesada taako haaya.

Ta maadeynne tana ashshey nena gidiya gisho;

abeeti Godaw, gam7ofa.