Mazmure 67

Ne Som7uwa Nuus Poo7isa

Zammaareta Halaqaas Diithan Yexetida Saba Mazmure.

1Xoossay nuus qadheto; nuna anjo;

iya som7oy nu bolla poo7o. Salaha

2Ne ogey biitta bolla,

ne atotetha wolqay,

kawotethata ubban ereto.

3Abeeti Xoossaw, asay nena galato;

asa ubbay nena galato.

4Kawotethay malaaletidi ufaysan yexo;

ayis giiko, neeni asaas xillotethan pirdaasa;

sa7an de7iya kawotethata kaalethaasa. Salaha

5Abeeti Xoossaw, asay nena galato;

kawotethati ubbay nena galato.

6Biittay kathi immana;

Xoossay, nu Xoossay nuna anjis.

7Xoossay nuna anjida gisho,

biitta gaxaa gakanaw de7iya asay iya yayyo.