Mazmure 51

Taw Geeshsha Wozana Imma

Dawiti zammaareta halaqaas xaafida mazmure

Dawiti Barsaabera laymatida wode nabiya Naatani iyaw odi simmin Dawiti yexida mazmure.

1Abeeti Xoossaw, ne merinaa siiquwada tana maara;

ne qadheta daruwa mela ta nagaraa qucha.

2Ta iitatethaafe tana meecca;

ta nagaraape tana geeshsha.

3Taani ta qohuwa erayis;

ta nagaray ubba wode ta sinthana.

4Taani nena, ne xalaala qohas;

ne sinthan iitabaa oothas.

Hessa gisho, ne hanquwan ne like;

ne pirdanka ne xillo.

5Heko ta yeletiya wode nagarancho;

ta aaye ulon buroo attiya,

wodepe doomada taani nagarancho.

6Neeni asa wozanape tumatethi koyaasa;

ta gaatha asatethaa cincatethi tamaarsa.

7Hisoophe boncon tana wurxa; ta geeyana;

tana meecca; ta shachafe aadhada booxana.

8Ne tana ufaysinne lo77oba sissa;

ne mentherethida ta meqethaa zaarada ufaysa.

9Ne som7uwa ta nagaraape hara soo zaara;

ta bala ubbaa qucha.

10Abeeti Xoossaw, geeshsha wozana tanan medha;

qaaxonna ayyaana ta giddon ooratha.

11Tana ne sinthafe yeggofa;

ne Geeshsha Ayyaana taape ekofa.

12Ne atotetha ufaysaa taw zaara;

ta new kiitetana mela tana zempisa.

13Ta he wode higge mentheyisata ne ogiya tamaarsana;

nagaranchotika neeko simmana.

14Abeeti Xoossaw, tana ashshiya Xoossaw,

suuthu gussiya nagarape tana ashsha;

he wode ta inxarsay ne xillotetha yexana.

15Abeeti Godaw, ta doona dooya;

ta inxarsay ne galataa awaajana.

16Ne yarshon ufaytiyako, ta new yarshanashin,

ne xuussa yarshon ufaytaka.

17Xoossaa yarshoy aada ayyaana;

Xoossaw, ne meqidanne

kawuyida wozanaa kadhaka.

18Abeeti Xoossaw, dosan Xiyoones keeha;

Yerusalaame gimbeta gimba.

19He wode ne xillotetha yarshoninne

xuussa yarshon ufaytana.

pollo shiqiaya mehe yarshon ne ufaytana;

kormati ne yarsho bessan yarishetana.