Geeshsha Maxaafa

Mazmure 125

Xoossay Ba Asaa Yuushona

Pudethe keyishe yexiya mazmure.

Godan ammaneteysati qaaxanaw danda7onna,

merinaw de7iya Xiyoone zuma mela.

Dereti Yerusalaame yuushon de7eysada,

hachife merinaa gakanaw,

Goday ba asaa yuushon de7ees.

Xilloti banta kushiya iitabas denthonna mela

iitata ayso xam7ay xillota biittan gam7enna.

Abeeti Godaw, keeha asatasinne

wozana suure asatas lo77oba ootha.

Shin neeni iita asata seeriya wode,

ne ogiya aggida asaaka seera.

Isra7eeles saroy gido.

Geeshsha Maxaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.