Mazmure 12

Alame Iitatethaafe Atetha Woosa

Zammaareta Halaqaas Xaafetida Dawita Mazmure.

1Xoossa asi biittafe wurida gisho,

asa giddon ammanetethi bayna gisho,

Godaw nuna maaddarkii?

2Ubbay wordo haasayoosona;

issoy issuwa cimmiya inxarsan

nam7u wozanan odetoosona.

3Abeeti Godaw, cimmiya doona gorda;

otoron ceeqetiya inxarsaa teqa.

4Enti, “Nu inxarsan nu xoonana;

nu doonay nuusa;

nuus godi oonee?” yaagosona.

5“Manqota un7aa gishonne,

metootanchota ooliya gisho,

ha77i taani dendana;

enti amotiya sarotethaa entaw immana” yaagees Goday.

6Godaa qaalay geeshshi;

taman laapun toho seerida birada geeshshi.

7Abeeti Godaw neeni enta naaga;

haysa mela asape merinaw enta ashsha.

8Iiti asaa giddon bonchetiya wode,

geella asati ceeqetishe simeretoosona.