Mazmure 101

Taani Suure Oge Hemetana

Dawita Mazmure

1Ta ne siiquwabaanne ne xillo pirdaba yexana;

Godaw, ta nena mazmuren galatana.

2Taani suure ogiyan daana;

neeni taako awude yaanee?

Taani ta keethan suuretethan hemetana.

3Taani ta ayfey iitabaa xeellenna;

Xoossafe haakida asaa oosuwa ixayis;

enti taara gahetokona.

4Wozanaa geellatethi taape haako;

iitatethaas besse immike.

5Geeman ba laggiya zigiriya uraa si77i oothana;

otortiyanne ceeqetiya asi taani danda7ike.

6Enti taara daana mela,

biitta bolla de7iya ammanetiya asata

Taani keeha ayfen xeellayis;

suuretethan hemetiya asi taw kiitetees.

7Cimmiya asi ta keethan deenna;

wordo haasaya asi ta sinthan eqenna.

8Biittan de7iya iita asaa,

taani gallas gallas si77i oothana.

Iitaa ootheyisata ubbaa

taani Godaa katamaape shoddana.