Iyyoba 35

1Elihuy qassi haysada yaagis;

2“Iyyoba, neeni, ‘Taani Xoossaa sinthan xillo’

geysi likee?

3‘Taani nagaraa oothonna aggada ay go7etiyana?

ay wodhe demmanee?’

yaagada ne Xoossaa oychanaw danda7aasa.

4Taani newunne

ne laggetas zaaro immana.

5Dhoqu gada salota xeella;

neepe bollara de7iya shaara akeekada be7a.

6Ne nagara oothiko Xoossaa aybin qohanee?

Ne balay dariko hessi iyaw ay oothii?

7Ne xillo gidiko iyaw ay immanee?

Woyko ne kushepe I ay ekanee?

8Ne nagaraa oothiko ne mela ase qohaasa;

qassi xillikoka ase go77aasa.

9“Un77i dariya wode asay waassees;

wolqaamata kushepe kessi ekiya asi koyidi wobbatoosona.

10Shin oonika, ‘Qamma mazmure immiya,

tana medhida Xoossay awun de7ii? 11Do7atape aathidi tamaarseysi,

kafotape aathidi cinca ootheysi awun de7i’ yaagenna.

12Enti waassoosona;

shin Xoossay enta otoruwa gaason,

entaw zaaro immenna. 13Coo waasuwa Xoossi tuma si7enna;

Ubbaa Danda7iya Xoossay hessa hayzenna.

14Neeni ta Xoossaa be7anaw danda7ike yaagikoka,

ne mootoy iya sinthan de7iya gisho,

ne iya danda7an naaganaw bessees.

15Xoossay ase pirdonnabaanne

nagara aggidi aadhana gada qopay?

16Hessa gisho, neeni ne doona coo dooyasa;

eri bayna haasaya darsaasa” yaagis.