ማዝሙረ 14

ፆሰ ኤሮና አሳታ

ዛማረታ ሀላቃስ ፃፈትዳ ዳዊታ ማዝሙረ

1ኤያት ባንታ ዎዛናን፥ “ፆሲ ባዋ” ያጎሶና፤

ኤንታ ደኦይ ኢትስ።

ኤንቲ እፀትዳባ ኦሶና፤

ሎኦባ ኦያ አስ ባዋ።

2አኬከይነ ፆሰ ኮየይ ደእያኮ በአናዉ፥

ጎዳይ ሳሎፐ ዱገ አሰ ፄሌስ።

3ሽን ኡባይ ዞኮ ዛርዶሶና፤

ኡባይ ጎኦናባ ግድዶሶና።

ሎኦባ ኦያ ኦንካ ባዋ፤

ሀር አቶሽን እስ አስካ ባዋ።

4አስ ካ መይሳዳ፥

ኤንቲ ታ አሳ ቦንቅድ ሞሶና፤

ሀ ኢታ አሳት አይባካ ኤሮኮና፤

ኤንቲ ፆሳ ዎሶኮና።

5ሽን ፆሳይ ፅሎ አሳራ ደእያ ግሾ፥

ኢታ አሳት ያሻን ኮኮሮሶና።

6ህንተ ማንቆታ ቆፋ ላሌታ፤

ሽን ጎዳይ ማንቆት ቆሰትድ አትያ በሰ።

7እስራኤለስ አቶተ ፅዮነፐ ዬረነ!

ጎዳይ ኤንታ ዱሳ ዛርያ ዎደ፥

ያይቆባ ኮቻይ ኡፋይታና፤

እስራኤለ አሳይ ሀሹ ጋና።