1 Yohana

1 Yohana

Gabartati

Shin ga̱ ana ga̱ Yohana yen shinti ga̱ botli ka̱ ka̱ɗe Salomi, tik ɗe yilka ga̱ Maryam ana ga̱ Yesu (yen Mat 27:56; Mar 16:1; Yoh 19:25). Yohana suk yilkeni jwasi, ka̱a̱ Yakubu suk Biturus ka̱ɗe mil shinti jwe ni njaa mal Yesu wu. Kaal ɗa̱ lishti taka̱rda ɗe mekan jimi wo, Yohana lish ga̱ɓa ma̱n ta̱mti gwe asa̱ mbe na̱ shin gwas wu, a tik ɗe ma̱lgwe lish Ruya ga̱ Yohana wu pak. Ko ɗe sa̱ dla̱m shin ga̱ ma̱lgwe lish wasike ka̱ lishtisi wu, ama yal ga̱ɓa ka̱ lishti jwisi suk ka̱ ga̱ɓa ma̱n ta̱mti tumal Yohana te yal ga̱ɓa ga̱ mbala̱n ɗe na̱m. A kolsi ji motgaa ga̱ ma̱n kopti dla̱m ɗe yen shinti ga̱ botli Yohana ka̱ lishsi. Ta̱ lish lishti taka̱rda ɗe mekan ju ka̱ pakti multi gwasi, ka̱ gin ɗe 85 ta̱ la ɗe 95 Kaal ɗa̱ ma̱shka̱n ga̱ Yesu. Gon a ba̱n Apisus ten ka̱t atl ga̱ nak'en Asiya, lu gwe ta̱ ma̱shi ata̱ ni kaksha bacina ga̱ ma̱n kopti wu, ka̱ɗe lu gwe ta̱ lish wasike ka̱li wu.

Yohana nda̱lli gahwula̱n mbala̱n ta̱s pa̱l zumunta suk Yesu suk yilkeni jwasa̱n na̱ lishti taka̱rda ga̱n. Ta̱ da̱lisi kan ten bi ga̱ɓa shelti jwe a palli ga̱ɓa ten Yesu, Yen ga̱ Nya ɗe lal wu