Jaalalatikaa Maxaafa 1

Waajubichcho

1Faaro duuchchanaa'n hara quba saxxeexxa Solomoonixxa faaruwwa.1

Waajubitte

2Ifixxe suumexxe sunqecanni anee sunqedhuun;

jaalala atixxi woyineti caala gammachchiissa'neexxen.

3Shitto atixxixxi fishshe anee gammachchiisse;

summi atik dunedammaxxe shittoxxe fishsheshshaten;

danchoole atee eetooleta maachchota mambe'a assitaaxxi!

4Adhdhite ane me'i; wiinammoo!

Moyanji ifixxe goodhebaa anee iyyedaqqe'een.

Isixxa Jaaluwwa

Ate'n gammada'ennen; ililisaannen;

woyineti caalanna jaalala atixxa faarsanno.

5Ha'no tee Iyyerusaalemixxe dubartee;

ani xilloxen; kadonnolenna danchate;

Xillinni anki Qeedarike fooquwwishsha

Solomoonike mootomatike minike seemmatike goluwwishshaten.

6Bifia anxa xilliseechchi arishshote kaddeemmaxxee'e

Xilloxxe kada anxa uuddinoqqe'e;

Dayyuwwa anxi mitte godobixxi ane'n mufatte;

woyyinetike hiddichchixxe bakkake heqqanjonna anee assine;

aninna ifike woyintike hiddichchixxa bakka waalenne.

7Koo anke eeyyamallo, atika hore habaa bobbaassaattexxa

waaretanna haba ciisaashsha assitaattexxa

maganneten ane'n kuli.

Mayeete ani jaaluwwa atikike hori udumii'n

alba haguuqiteexxi gadaadotaaxxe manjo kada'ennechchi?

Iseka Jaaluwwa

8Tee ati melaalle duuchchiinaa'n caalla danchoondeettexxee, ege'na gophphoottole,

gedhebiinxa faana hordof;

Atixxe re'exxa beltannanna

allalsaanjiinke duunkaani bira bobbaalsi.

Labbaka Waajubichcho

9Tee anxe eeyemalloo! Feri'oonixxa fadhadiinxa gaarre harkisammake

fadhaduwwanaa'n mitte danchitte darmichchonn atee fakkeessenne;

10Boqo atixxik boqotixxe gutichchinni

Goobi atikinna fiixxeexxe elelluwwanni danchoomeedheen.

11No'o ati'a heddo cammarreka

worqetika gutichchuwwa ati'a giisinannon.

Waajubichcho

12Moyanji qorete'n hedheenaa

shitto anxixxi fishshe fa'a hite.

13Eeyyemalli anki ani'a anke lame ununixxe oddo'n hexxeexxe

gudunfendeexxe karbeshshaten.

14Anki eeyyemalli ani'a Eenigeedi hiyyemaake woyinetike hiddichchiinke boonchii'n

dageeke daraariinke luuphphisishshaten.

Labbaka Waajubichcho

15Tee anxe eeyyamallo ati hittata danchate!

Hittata danchitte!

Ille atixxi guugenjotishsha danchaten.

Waajubichcho

16Koo anke eeyemallo hittata danchake;

hittata biiffa'ette;

taqe no'oxxinna quffeexxe arsoshshaten.

Labbaka Waajubichcho

17No'oke minik dagalisanjuwwi birbirsuwwake;

heellichcho no'oxxinna hi'neesiinxe haqqexxen.