Ruutikaa Maxaafa

Ruutikaa Maxaafa

E'yichchoo

Nage'i callinni wo'me'eek Ruutixxi jirte afende'eek Hayyooletik maxaafa'ni kulendeexxe xaqaro callixxe yanna'nitemman; Mo'aabike boga'ni ilendee. Ruutinna Isra'eelike manjo'ni heerundeen. Iikki heerundemmak manjichchi reyee wodda ballo isexxe No'aami'a lumoshsha xuurameettete kadde. Iittan kinni Isra'eelika Gootta Mageno lumoshsha mitte godobinni eetteen. Udumii'ni siretike aro'ike fira'ni heerunde. Konne heerumixxe daafe'n Isira'eelike lumoke moyanjo Daawwiti'a obobote kadde. Yessuusi Kirstoosi kinni Daawwitixxe sannen.

Hayyoletik maxaafi haaso'a'neexxi jirtuwwa Mageniink ardi Magenokenaa'n bayyatemmaxxee iso'n gelteexxa ba'ne leellishshaan. Ruutiki maxaafi haaso'a'neexxi jirte kinni Mageno egendebaaxxi Manjichcho Isira'eelika Gootta Mageno amande alfiteexxa eebbanna Mageno addateeke manninni welti mitteba laakko'endeexxa laakko'ensha leellishshaan. Iittanni kinni Ruutik maxaafi kunni yowwendeexxi gosa Mageno adde assexxe'e Mageniinba daggoole Mageni gibebaang adhdhaake kadeexxa leellishsha maxaafan.

Konne Maxaafi Giddo Hexxeexxa Yaanuwwa

Na'oomixxa Ruutinni Welti Beeteliheemi'a Higa

Ruutixxanna Bo'eezixxa Afeshsha

Bo'eezi Ruutii Aadhe