Skip to content
BibleKenya

Gedeo Bible

Nehimiyakaa Maxaafa 10

Ookkone weli aaggotike borreessa'n maxxansa uggeekiri konnechchinni butti'a hedheekeran;

Ardiink galchalli Hakaaliyyaki belti Nehimiya, Sedeqiyaasi,

Seeraya, Azaariyaasi, Ermiyaasi,

Faaskoori, Amareya, Melikiya,

Haxuushi, Sebenya, Meluuki,

Hariimi, Merimooti, Abdiyu,

Daani'eli, Ginetoni, Baarooki,

Mesulaami, Abiya, Miyaamini,

Me'aziya, Biligayi, Shemaya, tinni konnechchi iima kulendeexxi qeesoluwwatemmani.

Leewwitotenaa'n konnechchinni butti'a hexxeexxe

Azaaniyaki belti Iyyaasu, Henadaadixxe labbaxxe oosenaa'n Biiniwwi, Qadimi'eeli,

Dayyuwwi insa'neeki, Sebaniya, Hoodiya, Qoliixaasi, Feeliya, Hanani,

Mika, Re'aabi, Hashabiya,

Zekkuri, Seeraabiya, Sebeniya,

Hoodiya, Baani, Beeniinu.

Ardiinke akeekisanjuwwanaa'n konnechchinni butti'a hedheeke:

Faaroosi, Fehaaqimo'aabi, Elaami, Zaatu'i, Baani,

Buuni, Azigaadi, Bebaayi,

Adooniya Bigiwwayi, Adiini,

Axeeri, Hiziqiyaasi, Azuuri,

Hoodiya, Hashuumi, Bedaayi,

Hariifi, Anaatooti, Nobayi,

Megiphi'aasi, Mesulaami, Hezi'eeri,

Mesezeebeli, Saadooqi, Yaatsu'i,

Felaaxiya, Hanani, Anaya,

Hoosse'i, Hanaaniya, Hashuubi,

Haloheesi, Feliha, Sobeeqi,

Rehuumi, Hashabina, Me'iseeya,

Akiya Hanani, Anaani,

Meluuki, Hariimi, Be'aanna.

Gateeki wele ardi, qeese, Leewwito, hula heqqaammaki heqqanjuwwi, faarsaaleeyye, galmiinki erganjuwwi, Mageniinke seeri'a hiyyeexxi olla'ake'n hedheeke gosa gosake ard giddii'ni ifi foyeek duuchchi, aruwwa insa'neexxi, labbaxxinna meyyaxxi insa'neexxi oose, ege'neekinna galchchedhaaki duuchchi, insa'nenna ifike dayyuwwinninna ifike Ja'laabuwwin welti mitteba Mageniinka erganjo Muuse gamii'n uwwemeeka Mageniinka seera, Gootta no'oke Magenika ajajuwwa galdumuwwanna aadauwwa duuchcha ajajema gonphoolenna assa gonphoole badinemmaashsha kakante.

«Dubarra no'oka qarqara no'oke'n hedheeke gosa gosake ardi'a herunsiinsabo'noni; insa'neeka dubarranna labbaxxe no'oxxe oose'a aadhinsabo'noni.1

«Olla'a no'oke'n hedheek gosa gosak ard edi sanbatixxa barra gurgudhdhatee miya yookaani midha aa'ne dangoole, edi sanbatixxa barra yookaan heene woyyitte barra'ninna insa'nenaa'n hidhdhinabo'noni. Torbaxxe torbaxxe wogga'n boga huccinabe'no liqeessineenneka liqa duuchchanna adhdha waallannoni.2

«Wogga wogga'ninni Mageniinke minixxe huje'a kaddaxxa 5 kiilo graama birreti sibljo uunonnaa kakantenne.3 Tinninna Xarabbeezake'n shiqqaaxxa daabo, duuchchi wodda shiqqaaxxa midhatixxa uwwa, ciincatika tolcha, edike sanbatixxe barra'ninna haaroxxe baate fulatike ayyaana'ninna muremeeke ayyaanuwwa'n shiqqaaxxe uwwaara, woyyichcha tolchuwi'a, Isira'eelixxe cubbo'a biratee shiqaaka cubbotika tolchuwwanna Mageno no'okike minixxe huje duuchchi'a hosaake kadaan.

«No'o qeese, Leewwitotinna ardi wogga wogga'ninni murendemmashsha seerake'n borreessendemma qicinni, Duuchchi Woddike Gootta no'oke Magenike tolchimalcho'n ha'yishendaaxxa heqqe no'o mitti mittingik mini hadi haano Mageno no'okike minibaa iyyedagiyyo hasissaaxxa murronnaa hixa ibirsinenneni.

«Midha no'xxika umonna no'oke mitti mitti haqichchixxe gummaka umo Mageniinke minibaa iyyedangannon.4

«Ittanni seerake'n borreesendemmashshanni edise ilendeexxa labbaxxa no'oxxa oose, edise ilemeeka lalo no'oka, gedhebo no'okanna re'e no'oxxa Mageno no'okike mine'n, ergatenda'neexxe qeesebaa iyyedanganno.5

«Iti lenbennexxi bulle, no'oxxa midhatika tolcha no'aka, haqichchiinxa gumma duuchcha, harooka woyinetika bulbulonna zayituwwa umiinxa uwwa qeesetibaa Mageno no'okike miyuwiinke minuwwibaa iyyedangannoni. No'o hunjannoke qachchuwwa duuchcha'n hexxeexxa uuwwa bukki assaaki Leewwitotike kadeemmaxxe, midha no'oxxixxa tommitte Leewwitotinbaa iyyedangaanneni.6 Qeese tommitte aaxxaa wodda Aaroonixxe sannenaa'n ilemeeki qeesichchi Leewwitoti welti hedhuun; eettene tommitte bukki assendemmaxxenaa'n Leewwito tommekenaa'n mitte anga Mageno no'okike miyuwiinke minuwwa'n tuullammaba iyyedangaani.7 Isira'eeliki ardinna Leewwito, midhatenaa'n, Harooxxe woyyinetixxee bookana'ninna zayitetenaa'n a'neeka, galmiinka miyuwwa massinamaba, ergataammaki qeesichchi, hula heqqaammakirinna faarssaalleeyye hexxaammabaa miyuwwiinke minuwwibaa iyyedangowwaali.

«No'onna Mageno no'okike mini'aa hara ga'ma'm hinabe'non» hine.

Source notes (7)
  1. Cross-reference Fula. 34:16; Lew. 7:3.
  2. Cross-reference Fula. 23:10-11; Lew. 25:1-7; Lew. 15:1-2.
  3. Cross-reference Fula. 30:11-16.
  4. Cross-reference Fula. 23:19; 34:26; Lew. 26:2.
  5. Cross-reference Fula. 13:2.
  6. Cross-reference Lak. 18:21.
  7. Cross-reference Lak. 18:26.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.