Marqoosixxaa Wengeele

Marqoosi Borreesseexxa

Gootta No'oke Yessuusi Kirstoosixxa Wongeele

E'yichchoo

Marqoosixxa wengeele «Kunni Mageniinke belto Yessuusi Kiristoosixxe eloxxe odoke ke'iton» hita'nee saffaan; tenne wengeele giddo Yessuusi hujetikenna baallomiinke manjo kadee shiqeen; isik baallominna ifixxe barsiisan, fuggoke hafuura'n afeexxe hunnanninna majiinxa cubbo gattowaal hiyyati leelliteen. Yessuusi «Manjo cobbotixxe garbummanaa'n leexa fulchati hedho ifixxa saisse uwwatee dageenneke Manjiinke Belton» hiyyati isi umo ifingenninni haaso'edheen; Marqoosi Yessuusixxa jirte shiqisheek toggichchikinna hunna wo'miteeke orniite kadda wodda isi duudhe haaso'exxi Yessuusike hiyyichcho'ninna barrisa'nite kaddebaak isi asseexxe manba'a hujuwwa'niten xammaqallo Yohaanisixxe jirte, Yessuusixxe xammaqaxxeenna isixxe hega uudemiyyoxxe harumaaka e'yichcho uwweechchi uduma borresanji Yessuusixxe barssiisaxxeenna isixxe fayyisatixxe ergatenshaaxxe ifisaan. Yannati uduma Yessuusixxi hordoffeeyye Yessuusi'i caala egenda'ni me'iteexe qixxe'ni Yessuusi'i gareeraammakir caala isoo ginba'n me'e; udu'mitaaxxi hafuura adhdhuwwa'ni Yessuusixxe hedhoke muuxamiinxe torba giddo assendeemmaxxe yaanuwwa giddii'n isixxe fannsenshaxxanna isixxe ke'axxa haaso'aakeran. Hafuura adhdha tommenna jaane laakkoossa saddeetike langake gamisinna laakkoosa sallanekenaa'ni leme tommi qico'ni hexxeexxi kutuwwa edixxe mirqisanjo maxaafi giddo calla afendaaxxeran.

Konne Maxaafi Giddo Hexxeexxa Yaanuwwa

Tenne wengeelka ke'ito

Yessuusi ergatensha Galiila safeexxa

Iyyerussaalemi ergatemeexxa

Iyyerussaalemi'ninna qaraqarake'n muuxamiinxe torbaxxa ergatensha

Gootiinxa Reyotenaa'n ke'a

Reyotenaa'n ke'eeke Goottixxa leellanna isixxa iimi'a me'a