Yoonaasikaa Raaga

Yoonaasikaa Raaga

E'yichchoo

Wabeeki Yoonaasiki maxaafi, Mageniinka ajaja muuxa gibeeke mitte wabeeka'ni gelteexxa gargariti hexxeexxa rakko farri asse leellisha'neeke jirteti maxaafa kademmaxxee'e, wele wabeekkoletike maxaafanaa'ni gargariti hexxeexxa bifa afeen. Mageni Yoonaasii'i, «Jabake kadeeke Isira'eelike naaphibaa'ninna lumoka Asoorika boga galchammake moyanjixxe mootumma hunda hedhemmake lumoke Neneweke qachchibaa mari» hiyye Yoonaasii ajaje; Yoonaasi kinni «Mageni konne qachcha balleessatee kuleexxa jabaxxa erga tenne haaso'o malee'e muuxabaan» hiyye hedemmaxxee'e Mageniinxa erga Neenewe'a adhdhe me'atee hasebaan. Yaane kinni alalshitaaxxi jabaxxi yaane kaddeechchi uduma gammashsho afebaangi hiiddi ajajemeen.

Hedeexxi kada gophpheemmaxxee'ew yo'oshsha aare. Kunni maxaafi Mageni dada isixxe duuchcha'ni, mootumma afeexxa kula'neekenna duuchchiinxe iimi gama Mageni jaalalatikenna mararttetike Mageno kademmaxxee'e ardiinka naapha midde xixe balleessati irra gattowwaal hiyye eeyya'neexxa haaso'a'neeken.

Konne Maxaafi Giddo Hexxeexxa Yaanuwwa

Yoonaasi Hitta Ye'eme qiconna Jallatee qico

Mageniinbaa Yoonaasixxa Higa

Yoonaasi Neneweke Manna'ni Mageniinxa Erga Kulee qico

Mageni Neneweke Manni'a Mararee qico