Skip to content
BibleKenya

Yohaannisixxaa Wengeele

John

Introduction from this edition

Yohaannisi Borreesseexxa

Gootta No'oke Yessuusi Kirstoosixxaa Wengeele

E'yichchoo

Yohaannisixxi wengeele Yessuusii'i shiqissaak maala oddo'weexxi manjiinxe oddo'n afemeeke hedhoke Mageniinke hiyyichcho kadeexxa ifisatiten; kunni maxxafii ifike uminni ifiseeshshanni tinni wengeele borreessendeechchi konnee maxaafa haassessaak manni Yessuusi anjiralloke kadee dagaan hiyyemeemmake Mageniinke Belto kadeexxa amannaashshanna iso'ni amana insa'nexxenaa'n kexxeexxa insa'ne duuchchi woddixxa hedho alfinaaxxa konkaashshaten (20:31).

Tennee wengeelexxi siretixxi kuta iikki duuchchi woddiki Mageniinki hiyyichchinna Yessuusii mitte kandeexxa e'yichchiinxe bifanni shiqqiseechchi uduma Yessuusi anjiralloke kadeexxi dagaan hiyyemeemmake Mageniink Belto kada isixxa leellishshaaxxa gargar gargar hexxeexxa masuwwa leellishaan; ookkonneechchi uduma tennee masuwwanaa'n maa gumma afendeexxa barrisaaxxi jirtuwwa hordoffeexxi daggaan; tinni kutanna haasottaachchi mitti mitti manni Yessuusi'n amaneexxi isixxe hordoffeeyye kada insa'nexxa, welikinna iittanni hitta isoo xa'neexxanna iso'n amanabe'no hineeshaten; hafuura adhdha (13-17) Yessuusi abidemeexxa hashsha ifixxe ergameeyyenni welti isi hittee qico duudhendeexxa mittumma afeemmaxxanna isixxe fannisenshaxxe shiqo'n qixxeefachchotikanna dayyeefachchottika hiyyichcho insa'ne'n laqiseemmaxxa haaso'aan. Iitti muuxamiinxa hafuura adhdhaari Yesuusixxe abidenshaxxeenna murteete shiqa isixxee iittanni isixxe fanniseshaxxeenna reyotenaa'n isixxee ke'axxee iittanni reyotenaa'n ke'eechchi uduma ifixxe ergameeyye'n leelleexxa qalli assaakeeran.

Yohaannis Yessuusi Kiristoosi darre'n afendaaxxa eettenee duuchchi woddixxa hedho lumiseexxi leellishaak kunni badhaadhi ta'inaa'n safeexxi Yessuusii'i oriinsha, dhugaatishsha, hedhotishshanna asseexxi adhdhaakeeri'aten. Yohaannisixxa wengeele gargar hexxeexxe assaachchi amanatixxa dhugaara ifisatee ege'nedeexxanna barra barrake galduma'n la'oonfantaaneexxa tinniirinna wodi'iinsha, buddeeniisha, ifaa, alallisanjo, gedhebo, woyinetika hiddichchonna woyinetixxa gumma fakkattaaxxa yaanuwwa mammaasik la'oonfata isexxen.

Konne Maxaafi Giddo Hexxeexxa Yaanuwwa

E'yichchoo

Xammaqqallo Yohaannisiinna Yessuusixxa edisaaxxa ergameeyye

Ergatensha safa Yessuusixxa

Iyyerussaalem giddonna iseke qarqara'n isixxe ergatenshaxxa muuxamiinxa barruwwa

Reyotenaa'n ke'a Gootiinxanna isixxa leella

Muuxamaa: Gaaliila giddo wele wodda ifixxe ergameeyye'n leelleexxa

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.