Gedeo Bible
Ermiyaasikaa Raaga 45
Magen Baarooki'a Haaso'eexxa Erga
Yihudiinke moyanjik Iyyosiyaasik belti Iyyo'aaqemi moye galchamma baro'n sholgeessoxxe wogga'n, ani Ermiyaasi haaso'enneka hiyyichcho Baarooki mirqisanjoke'n hana borreessechchi uduma, ani Neeryaka belto Baarooki'n hiyye haaso'eeqic,1 «Koo Baarooki, Lumoki Duuchchi Woddiki Gootti Isira'eeliki Mageni atee'e: ati, ‹Duuchchi Woddiki Gootti dhibo anixe'ninni hana yaaddo ane'n lebe'een, ani'a aane'e; oodhishshatixxe birasa'nenaa'ni kexxeexxa shaqqeennen; hafuura adhdhebe'non› » hiteeten.
Duuchchi Woddiki Gootti, «isoo'o hiyyeeqic: ‹Duuchchi Woddiki Gootti hiyya'neqici: boga duuchcha'n ijaarennexxa yaane diigannon; kaasennelcho goshannon. Ani manjo duuchcha'n ba'ne iyyedaga'annexxe'e gargar hexxeexxa eloxxa yaane ati'a assonna'a yortatte? Yortoxxe'e; yaane kinni marte geltetteba duuchcha lubbo gattattoshsha assannon; ani Duuchchi Woddiki Gootti tenne haaso'eennen› » hiyye.
Source notes (1)
- Cross-reference 2 Moy. 24:1; 2 Odo. 36:5-7; Dan. 1:1-2.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.