Hoose'ikaa Raaga 3

Hoose'i Are Ifixxinni Welti Araaremeexxa

1Duuchchi Woddik Gootti ane'ni hiyyee qici «Ise wele manjo'n eeyyenda'neexxe yabaabulto kaddoolenna ta'anna martetexxi are atixxa eeyyi; insa'ne wele magenuwwibaanna hingooleenna foyyendeexxa zabiibetixxa kebbo eenolenna Duuchchi Woddiki Gootti Isira'eelito eeyyemmashshanni atinna isse eeyyi» hiyye.

2Tennexxee tommenna onde birretika sibiljonna mitte dhibbanna onde tomme kiilo so'inni ise'e hirenne. 3Okkoneechchi uduma ani isee, «Aninni welti heddo barra ofo'li, yabaabuldoxxee yookin wele manjinn hossoxxee; aninna atinni welti hedhannon» hiyye kulenne.

4Isira'eelito qeerraake bari'a moyanji belonna akeekisanji belo, tolchi belonna mageneefachchotixxe sooddo belo, eefude belonna mageneefantammaxxe fakke belo he'naan.

5Okkoneechchi uduma Isira'eelito heggeexxi Duuchchi Woddike Gootta insa'neka Magenonna moyanjo insa'neka Daawwiti harsitaan; insa'nenna udumike baro'ninna sodaante culphisa'n Duuchchi Woddike Goottibaa eebba isixxibaa dangaan.