Hoose'ikaa Raaga 14

Eebba Adhdhatee Aadde Aaga

1Koo Isira'eelike arda cubbote'n ibbettaxxee,

Duuchchi Woddike Gootta atike Magenibaa higi.

2Hitinaaka hiyyichcho aaxxine:

Duuchchi Woddike Goottibaa higge:

Hitinaaqic,

«Cubbo no'oxxa duuchcha no'o'a gattowwali hiyyi:

Ati'a shiqinsaanneka galata,

Mararte atixxinn no'oo adhdhi.

3Asoori no'oo anjiro'a dande'abaa

loliinka fadhaduwwanna gulunfaabe'no;

Ta'inni elqi'a ifixxe anganni hunjennachcho,

annanna ama afebaakiir atenaa'n mararte alfa'neen

‹Magenuwwa no'oken› hinabe'no» hiyye.

4«Ani addatema gopha insa'nexxenaa'ni insa'ne fayyisannon;

Aare anxa insa'nenaa'ni hissedhennaxxee

ittanni insa'nee eeyyannon:

5Ani Isira'eeli'a iimike wojishsha kadannon

isinna eloke daraarishsha dararaan;

Libaanoosike birbirsike

hiddichishsha hidda oltaan.

6Dame isixxi nophphitaan;

Danchumma isixxinna ejersiinke haqichchishsha

fishshe isixxinna Libaanoosike birbirsishsha kaddaan.

7Mannikinna higgeenni gaaddi isiki hunda hafuura adhdhaan:

isinna midhatishsha haanjedhaan;

Woyinetike hiddichchishsha dararaan:

gurri isikinna Libaanoosike woyinetixxe bookashsha fulaan.

8Koo Efireem, ta'inni elqi'a misechchixxe fakkuwwanni welti

Maa mittooma afeenneta?

Hiyyaaxxa laqaannekinna isi'a xexxe'atannok anten:

Ani qufeeke hi'neesiinke haqichchishshaten:

gumma atixxinna anenaa'ni kexxeexxiniten»

9Beeka kadeeki konneechchuwwa qaabbataan;

qalbefatakinna konnechuwwa ege'naan:

Duuchchi Woddike Goottik ori qajeeleeken

qulliyyetinna iso'n hana me'itaan

fuggaaleeyye kinni guggufattaan.