Ibritotee

Ergemallo Phawuloosixxa Erga Ibritotee

E'yichchoo

Tinni erga borreessendeek jabaxxi xaa'nensha insa'ne'n gelteemmaxxee ifixxa amana waalatee shiqqeemmaxxe amaagne'aatemman; kunni borreesanji Ibiritotixxe amaagnye'a kokeessa'neexxi Yessuusi Kiristoosi dhugaatixxenna muuxamiinxe Mageniinxe leella kadeexxa leellishateeten. Tinni amaagne amana ifixxe'ni jabataashsha jajjabeesaan; isinna tennee assaa wodda sase dhugaatixxa yaane farri asseexxi leellishatiten.

1. Adhdheexxi rakko darree'ni Aabi'a dhugaatike ajajemmallo kadeek Yessuusii duuchchii woddike Mageniink Belton; isi Mageniinke Belto kadatinna edixxe kakoxxe wabeekonaa'n, Muusenaa'ninna iimixxe ergannanaa'ni hara lumooshsha caaleeken.

2. Yessuusi edixxe kakoxxe qeesenaa'ni hara caaleeke duuchchii woddike umo qeesichcho kadeexxa Mageni ifike uminni haaso'edheen.

3. Yessuusi darree'ni amaagnichchi cubbotenaa'ni, soda'atenaa'ninna reyotena'ni anjiremaan; Yessuusi umo qeesichcho kadeemmashshanni Ibiritotixxe amanaxxe aaduwwa'ninna horiinxi tolchema'n gaaddidotishsha uundendaammaxxa anjirensha dhugaatixxe kaddaashsha asse'een.

Konne maxaafik borreessanji Isira'eelixxe jirte'ni gurra fule'eemmake mannixxa amana fakkeeniinsha la'oofatati (hafu. 11) tennee erga haassessaakiir ifixxe amana'ni jabaataashsha kulaan; iittanni (hafu. 12) tenne erga haassesaakiir ille ifixxa Yessuusi'ni uggudhati ifixxe amana'ni ti'n hiyye hedhaashshanna heene bifaxxi rakkonna abari insa'ne'ni geyoole ossinaashsha gorsaan; iittanni muuxamake'ni gorsa uwwatikanna xexxe'achchotika hiyyichcho uwwati qunqumaan.

Konne Maxaafi Giddo Hexxeexxa Yaanuwwa

E'yichchoo: Mageni Kiristoosinni leelleexxa

Kiristoosi erganna caalaake kadeexxa

Kiristoosi Muuseenna Iyyasuu'u caalaake kadeexxa

Kiristoosixxe qeesummaxxa caala

Kiristoosixxe kako aaggoxxa caala

Kiristoosixxe tolcheemmaxxa caala kada

Amanatika lumminne

Mageno gammachchiisaa

Muuxaamiinxa soodachcho

Ququmaa