Gedeo Bible
Dadatikaa Maxaafa 11
Baabiloonika Qeerraaka Mine
Sirende'ni buttate'n hedhemmak manni duuchchi mitte laagadinni mitte haaso'a haaso'a'nemman. Kunni manni borot ga'ma'ni godaane me'a'ni Sina'oor1 abixxine me'ina'ni, Sina'oori'ni2 insa'nenna diida mitte'ni genneexxi ookko ofolle. Mitte barra insa'nenna weli'aanni weli, «Amme buttina wodi'ik shanshine qabando; jabaato'aanna giirat gunbo» hine; insa'nenna hinemmashshanni kinjiinxa bakka qabademee buttinna isoo mitteba abidisateenna faara la'oonfante. Ookkoneechchi udumi'a insa'nenna «Amme boga duuchcha'n xexxeerema waalle qachcha giissinennexxi ookkonenna qeeredhe iima geyaaka mine ijaarre gurra fullo» hine. Yaane kinni Duuchchi Woddik Gootti manni giissaammaxxa qachchiinxa bakkanna ookko ijaarrammaka mine uudo'a iimii'n dirre. Duuchchi Woddik Goottinna, «Kunnise insa'ne mitte ardinsha mitte laagada haaso'ati tenne huja sanfechchinni konnechchinn edi'a hunjo'a hendeexxa duuchcha huja insa'ne dhibbabaan. Tennexxee amme dirrine mitti hiyyeexxi mitteke'n aaggabaashsha laagada insa'neeka gorsino.» Tennexxee Duuchchi Woddik Gootti insa'ne ookkoo'n butta duuchcha'n xeere; insa'nenna qachcha ookkone ijaara uurrinse. Duuchchi Woddik Goottinna ookko butta duuchchaka laagada gorsemmaxxee ookkoneechchi uduma qachchik summi Baabiloon3 hiyyeme. Ookko'ni Duuchchi Woddik Gootti insa'ne butta duuchcha'n xeere.
Seeminaa'ni Abrihaami Qico'ni Hexxeexa Horte
(1 Odo. 1:24-27)
Seemixxe horte konnechchinni butti'a hexxeexxe; baallessatiki wodi'i sa'eexxe lame wogga uduma Seemi ilemeexxe 100 wogga'n Arfaakiisid hiyyemeeka belto i'le. Seemi Arfaakiisid i'le uduma 500 wogga tureexxi wele labbaxxannaa meyyaxxa oose i'le.
Arfaakiisid ilemeexxe 354 Arfaakiisid Saalaahi i'le 403 wogga tureechchi uduma wele labbaxxannaa meyyaxxa oose i'le.
Saalaahi ilemeexxe 305 Saalaahi Eboori i'leechchi uduma 403 tureexxi wele labbaxxanna meyyaxxa oose i'le. Eboori ilemeexxe 346 wogga'n Faaleeqi i'le. Eboorinnaa Faaleeqi'i i'leechchi uduma 430 wogga tureexxi wele labbaxxannaa meyyaxxa oose i'le. Faaleeqi ilemeexxe 307 wogga'n Raagiwwu i'le. Raagiwwu i'leechchi uduma Faaleeqi 209 wogga tureexxi wele labbaxxannaa meyyaxxa oose i'le.
Raagiwwu ilemeexxe 328 wogga'n Seruginii'i i'le. Raagiwwu Serugini i'leeechchi uduma 207 wogga tureexxi wele labbaxxannaa meyyaxxa oose i'le. Serugini ilemeexxe 309 Naakoori i'leechchi uduma Serugin 200 wogga tureexxi wele labbaxxannaa meyyaxxa oose i'le.
Naakoori ilemeexxe 2910 wogga'n Taara i'le. Taaraa'a i'leechchi uduma Naakoori 11911 wogga tureexxi wele labbaxxanna meyyaxxa oose i'le. Taara ilemeexxe 70 wogga uduma Abiraamii'i, Naakooriinna, Haraani'i i'le. Taaraaxxi horte konneechchinni butti'a hexxeen. Taara Abiraamii'i, Naakooriinna Haraani'i i'le. Haraaninna Looxi'i i'le. Harani anni ifik Taara hedhondinni hedhee'naa Keleditotike boga'n hedheeke Uuri hiyyemaake ilemeemmange qachchi giddo reye. Abiraaminnaa Naakoori lamiingi aa'ne; Abiraamixxe arek summi Soora, Naakoorixxe are summinna Milkatemman; Milkaki gode dayyi Yosiikan hiyyemaa wodda insa'ne lamiing Haranixxe oosemman. Soorayi ila affeemmabaaxxe manjomman.
Taaraa belto ifika Abiraami, ifike dayyika Haranika belto Looxiinna ifike beltixxa Abiraamixxa are Soora'a adhdheexxi Kenaani'a me'o'aa Kaladanitoke bogika Uuri hiyyemeeka qachchinaa'n welt fule; yaane kinni Kaaraan genneexxi okko ofolle. Taara Kaaran giddo ilemeexxe 205 wogga'n lummedhe.
Source notes (11)
- Footnote Yookaan Borotena'ni, borote'ni
- Footnote Baabiloni'i akeekkan
- Footnote Baabilooni'i akeekan. Baabeli Hiyyeeki hiyyichchi Dommi Hitaaxxa tika afe'eeke Ibritotek hiyyichchinn welti afemaake ye'injo afe'een.
- Footnote Ibritotixx tika 35 hita wodda Torbane Tomme beekolexxi tika 135 hittaan. Wogga'n Saalahi i'le.
- Footnote Ibritotixxi tika 30 hita wodda Toraane Tomme beekolexxi tika 130 hittaan. Wogga'n Eebori i'le.
- Footnote Ibritotixxi tika 34 hita wodda Torbane Tomme beekolexxi tika 134 hitaan.
- Footnote Ibritotixxe tika'n 30 hiyyendaa wodda Torbane tomme beekolexxe'n 130 hiyyende'een.
- Footnote Ibritotixxi tika 32 hitaa wodda Torbaane Tomme beekolexxi tika 132 hittaan.
- Footnote Ibritotixx tika 30 hitaa wodda Torbane Tomme beekolexxi tika 13o hitaan. Wogga'n Naakoor i'le.
- Footnote Ibritotixxi 24 hitaa wodda Torbaane Tomme beekolexxi tika 109 hitaan.
- Footnote Ibritotixxi tika 119 hitaa wodda Torbaane Tomme beekolexxi tika 129 hitaan.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.