Lallabiinkaa Maxaafa 11

So'iinxe Bulleexxa Kebbo Wodi'ini Hana

1Heddo barra uduma higgee'naa alfitaattaxxee

kebbo atixa abbaayyate'ni darbi.

2Buttate'n daggaaxxa ba'ne ege'na'a gophphettaxxee

karra atixxa torbaane bakka yookaan saddeetaba'a uggi.

3Duumanchi xilledheexxi raachcho'oole

buttate'n xeena gansiisaan.

Haqichchi middake'n yookaan bita'ake'n iboole

ookko ibeemba hedhaan.

4Diidallo heqqedhaak facaalsabaan;

duumancha uudaakinna haamabaan.

5Diidallotika ora egendaboxxoshshanni yookaan

hedho hafuur amati godobi giddo hitta finnakee kadeexxa egendeboxxoshshanni

Duuchchiinxa dande'aake Magenixxa huje

ege'na dandeettaboxxo.

6Hiine gumma gummissaaxxa ege'na gophphttaxxee gorsa sanne facaalsi

galgalanna anga atixxa mirqexxoxxe'e;

Tinni lattuu, itti lattuu,

yookaan lamiinxi eloxxe kadduu egendeboxxon,

galgalanna anga atixxa mirqexxoxxe'e;

7Ifi eloochchon,

arishsho uushshonna ille gammachchiissa.

8Fedhee qiconna manji heddo wogga hedhooti hedhoole

tenne wogguwwa duuchcha'n gammaduun;

Kaddo malee daga'neek dukkanatik bari birasa'eeke kademmaxxee,

isoo heduun.

Dagga'neexxi yaane duuchcha mittelchonnabaan.

9Koo dargaggeessa atixxe dargaggeessuma'n gammad;

dargaggeessumma atixxike baro'n qalbe atixxi gammadduun;

Godobi atiki hedheexxa, ille atixxinna uuddaachcho duuchcha hordofi;

yaane kinni tenne yaane duuchchiinxee

atee Mageni murtetiba'a iyyedagaaxxa ege'n.

10Tennexxee ka'umummatinna dargaggeessumma maachchonnabaan;

wixxi hiyya qalbe atixxi giddii'ni bayyisi;

fuggoxxa yaanenna ifinaa'ni fugussi.