Qollasiyaasike Manni'a

Ergemallo Phawuloosixxa Erga

Qollasiyaasike Manni'a

E'yichchoo

Tinni erga borreesendeek eettene shiixxoxxe Issiya'ni Effesooninaa'n borroti darree'ni hedheeke Qollasiyaasike qachcha'ni hexxeexxe Mageniinxe tuuta'aatene: tinni Mageniinxi tuutanna ijaarendeek Pawuloosinite kadanna gophphoole Roomexxe galcha kaddeeke Issiyak lumo qachcha kaddeexxe Effesooninaa'n wengeeletika erganjuwwa isi bobbaase'eemmaxxee Qollasiyaasixxi yaanenna isoo uudda'emman; Qollasiyaasixxe Mageniinxe tuuta'n, «Mageno ege'nateenna wo'ma anjira alfatee mitti mitting manji hafuuruwwiinxe hunnuwwa'ninna baalluwwa'n sagada hassissaan» hiyyaak dharichchi barachchiisano hexxeexxa Pawuloosi laqeemman. Tinni barachchiisano hittta'eemaxxi wele yaane, «Mitti mitting manji jila ofo'latishsha hexxeexxa aaduwwa'a hiremanna itatixxanna wele yaanuwwaka seera heqqadha hassissaan» hitaaxxemman.

Phawuloosi tennee erga borreesseek dhugaatixxe amanaxxa erga shiqisat insa'nexxa dhariinxa barachcho xaa'nateetemman; isi shiqiseeke hiisichchuwwinaa'n umo kadeek, «Iyyesuusi Kiristoosi wo'ma anjira uwwaan; tinni wele amanuwwanna hujuwwa kinni isinaa'ni bayyissaan» hiyyaaken. Mageni Kiristoosi darree'ni butta duuchcha dadeen; Isi darree'ni konneechchuwwa ifibaa iyyedagaan; butta duuchcha anjirematixxa adde affaaki Kiristoosii'i mitte godobinn amana callinniten. Konne qicinn Phawuloosi tinni jabaxxi barachcho amanyetixxe hedho giddo hitta hujete'n hossa dandeetaaxxa barrisa'neen.

Tennee erga Phawuloosinaa'ni adhdhe Qollasiyaasi'a geessisatee ergemeeke Tikiqoosinni welti hedhemmak Anasimoosite kadeexxa uuda la'o affeexxen; Phawuloosi konne Anasimoosi hiyyemeeke garbichchixxee safeexxi Filimooni'a wele erga borreesse'een.

Konne Maxaafi Giddo Hexxeexxa Yaanuwwa

E'yichchoo

Kiristoosika adabanna isixxa huje

Kiristoosinni haarooxxa hedho

Muuxamaa