Skip to content
BibleKenya

Ergameeyyetixxaa Huje

Acts

Introduction from this edition

Ergameeyyetixxaa Huje

E'yichchoo

Eregameeyyetixxi huje Luqaasixxe wengeelenaa'n itti aande'eexxi konne maxaafik umi yaadi itti edixxi Yesuusixxi hordofeeyye Hafuura isikenni akeekemeexxi isixxee haasotaaxxa eloxxe oddoka hiyyichcho Yerusaalemi'n Yihudake boga duuchcha'n Samarya'n buttatixxe gabal qioc'n (1:8) wengeele hitta geessisseexxa haaso'ateten; Kunni maxaafi Kirsitoositotixxe amana Yihudiinxe oddo'n saffeexxi butta duuchchike ardixxe amana kadda qico hitta ba'lateexxa haasotaaxxe jirten; Borreessanjikinna Kiristoosito Romika moyanjimmatixxa mootumma haaso'ati giddo sho'ik daba hujaake manna insa'ne kandebaaxxanna kiristoostotixxi amana Ayihudiinxa amana wo'mate kaddaashsha assitaaxxa leellishatee jabaxxi wo'laancho assende'een; Ergameeyyetixxi huje Yesuusixxee haaso'aak hiyyichchi geyaaba yanna yana'ninni ba'lata'ne me'eexxanna beetekirstaanetixxi kaasensha ifisaaxxe sase umo kutuwwa'n dhaabema dande'aan 1. Kirsitoostotixxi amana Yessuusixxe iimi'a me'ati uduma Iyyerusaalimi giddo saffeexxa. 2. Isiraalike boga duucha'n gayatixxa 3. Roominni welti abideexxi Medtiryaanixxe abbaayyaxxe dowwa'n hedheeke boguwwa'n ba'lateexxa. Ergameeyyetixxe huje giddo adda fakande leellitaaxxi Woyyichchi Hafuurixxe huje kaddaa wodda onde tomeessoxxe barra'n Iyyerusaalemi goddo hexxemmaxxa amaanne'n hunnati darreexxa, iittanni konne maxaafi giddo ifisendeexxe hujuwwa duuchcha'n leellitemmashshanni Woyyichchi Hafuur beete kirsitaane giddonna iseka akeekisanjuwwanna akeekeexxanna jajjabeessaxxanna itti lebaan. Olmike baro'n shiqeemmaxxi kiristoostixxi erga gargar hedheek lalabuwwi giddo umo yaaduwwinni shiqe'een; Ergameeyyetixxe huje'n kaddeexxi yaanuwwa itti erga amaaneeke mannixxe hedho'ninna beete kiristaanexxi mittumma'n hexxemmaxxa hunna hittee qico lumoxxe kaddeexxa barrissaan.

Konne Maxaafi Giddo Hexxeexxa Yaanuwwa

Dhugaa kula isixxixxa qixxeffachcho

Yessuusi muuxamake'n uwweeka ajajuwwanna addachchiisa

Yihudaxxe bakka'n tukkeesemeeka

Dhugaa kula Iyyerusaalem giddo

Dhugaa kula Yihuda giddonna Samaara giddo

Phawuloosixxa Ergallummatixxa ergatensha

Siretixxa ergallummatixxa me'a

Iyyerusaalemixxa tuuta

Lqngaxxa ergallummatixxa me'a

Sakkaxxa ergallummatixxa me'a

Phawuloosixxa Iyyerussalemi giddo, Qissarya'ninna Roomi'n usurensha

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.