2 Teselonqeke Manni'a

Ergemallo Pawuloosixxa Langaxxa Erga

Tesolonqeke Manni'a

E'yichchoo

Kiristoosixxe langake dagixxee ke'eeki qortumi weli gonphe iyyedagemmaxxee Tesolonqexxe Mageniinxe tuuta giddo hexxexxi rakko itti lebba'ni me'ite: Pawuloosi Tesolonqeke manni'a borreessexxi langaxxi erga, «Goottinke dagixxi barra gelte'een» hitaaxxa amana duuteexxi uuddaaxxemman. Pawuloosinna Kiristoosixxe daga edo «Xaqarotik manji» hiyyemaake Kiristoosi'i moromat akeekisanjo kadeeki butta duuchcha'ni fuggoxxanna xaqaro bira saxxa'ni me'itaan hiyyati insa'nexxa amana filatee wo'lanaani.

Erganji borro isixxa haasessakeera'ni rakkonna wixixxi hiyya insa'ne'ni bira saxxoolenna midde amana ifixe'ni jabaantashsha isinna wele isinni welti hujammakiir assammashshanni galduma ifikee hasissaaxxa alfatee jabaante hunjaashsha ittanni eloxxa huje hujatena'ni ga'ma'mi hinabaashsha jabeessee insa'nee gorsaan.

Konne Maxaafi Giddo Hexxeexxa Yaanuwwa

E'yichcho

Galatakanna maganne

Kiristoosike langake daggixxee uwwendeexxa barachcho

Kiristoositottixxe galdumixxee uwwemeeka gorsa

Muuxa