2 Saamu'elika Maxaafa

Langakaa Saamu'eelikaa Maxaafa

E'yichchoo

Kunni langaki Saamu'eeli maxaafi taakkake Saamu'eelike maxaafii'ni itti aanaake kadaa wodda Daawwiti edise bita'ike Yihudiinke moyanjo kadeexa (hafuura adhdha. 1-4) shiixxo qico tureechchinni uduma middika Isira'eelika boga lebeexxi duuchchiinga Isira'eelika boga mitteba galcheeke Isira'eelike moyanjo kadeexxa kulaake maxaafani (hafuura adhdha. 5-24) Kunni maxaafi Daawwiti mootumma isixxi ba'lattaashshanna galchatixxa hunna isixxa jabeessedho'a bogi giddonna gadhike boga'ni hedheeke naaphinn welti jabaxxa wo'laancho asseexxa ca'a asseexxi ege'nisha'nee maxaafan. Daawwiti addete'ni jabaateekenna Mageno yo'oshsha eeyyaammaken; ittanni ardiinxe oddo'ninna lumoxxa addatensha afeemmake manjon. Ookko biranni mitte mitte yanna mararte beloxxa yaane asseexxanna yorte isixxa wonshedho'a lumoxxe rakko'n geessissaaaxxa cubbo hujeexxa konne maxaafi giddo kulende'een. Kaddo malee'e Mageniinki wabeekichchi Naataani isibaa mare cubbo hujeexxa kassi assee wodda hujeexxe cubbo'a aadde aage Mageniinka xixichcho adhdhaamman.

Daawwitixxi hedhona hujeexxi hujuwwa Isira'eelika arda yo'oshsha gammachchiissemmaxxee isi reyee uduma Isira'eelike boga'ni rakko geltaa wodda moyanjo uggino'a hanssoole Daawwitika belto yookaan Daawwitixxe sannenaa'ni Daawitishshan galchaaka manjo alfino'a halchinaamman.

Konne Maxaafi Giddo Hexxeexxa Yaanuwwa

Yihudi Boga'ni Daawwiti Moye

Isira'eelike Boga Duuchcha'ni Daawwiti Moye

Sirete'ni Moyeexxa Wogguwwa

Daawwitiinna Bersaabehii

Rakkonna Abara

Cimo giddo Moyeexxa Wogguwwa